la lel 7ob ....... she3ari kan men fatra ... bas ma3a keda ma kontsh ba3meloh ..ha7'araf??

فى مذاكرة و حاجات مهمه فى الدنيا ..فى حاجات لازم نعملها او نقررها و ناس لازم نحافظ عليهم او نخسرهم ...بس من الغباء اننا نراهن على على حاجه عارفين انها هتخسر ..انا ما اتعودتش استسلم بسهوله ..اتعودت لحد اخر لحظه اخبط ..احاول ..شرف التجربه دايماا حاجه تدعو للفخر ..اننا حاولنا و الدنيا ضدنا ..يمكن ننجح ..و غالبا هنفشل ..بس النجاح فى الحاله دى بيبقى ليه طعم تانى ...انتصار من نوع خاص و احساس بالقوة غريب ...بس اتعلمت كمان ..درس عمرى ما هنساه ..من اخونا حمدى ..لما الدور يبقى مش بتاعى ..مالهاش لازمه اضيع فيه وقت و مجهود ...و هو بيبان لوحده من الاول ..رغم انى كنت دايما ضد النظريه دى ..الا انى اتعلمتها هى كمان ..لو اتعلمتها ..اظن اننا مش هنقع فى غلطات بعملها من سنين ..على الاقل المفروض نتعلم من غلطاتنا ..

فى هواجس بتفضل جوانا و بتفضل موجودة ..مش بنقدر نسيطر عليها ..و وجودها فى توقيتات معينه بياكد انها فعلا خطر و انها مش هتسيبنا فى حالنا بعد كدا ..

انا هو انا من 25 سنه ..

ما اتغيرتش كتير من جوا ..اتغيرت فى حاجات طبعا ..بس طريقه تفكيرى واحده ..متسرعه ..و عصبيه و اللى بفكر فيه بعمله ...ناس كتير مش عجباهم حياتى و لا طريقه تفكيرى ..بس انا راضيه ..بعرف اعيش معايا و لوحدى انا كمان و عندى واحيد تانيه جوايا ..و بقى عندى كمان بنت حلوة ظريفه ..يعنى نقدر نقول خلاص ..فى طريقى للاكتفاء الحقيقى ..

دايما بتكلم عنى ..انا بحس بدا ..بس ازاى نتكلم عن الناس ..بحس بيهم و بحس بتفكيرهم ..ما اقدرش اتكلم عنهم لانى مش متاكده من اللى بحسه ...

بسس ..احنا عايشين ليه و يعنى ايه فرحه ؟؟كلمة موجوده ..بنحسها ..بس هلى بتبقى احساس حقيقى ؟؟ الحزن بنعرفه ..سهل و ما فيش اكتر منه ..و الفرحه؟؟

حياتنا متقسمه على 3 محاور ..بيت و شغل و احنا ..كلنا حياتنا متقسمه على 3 او بمعنى اصح اغلبنا ..بيفرقوا بقى البيت واخد جزء قد ايه ..بس فى الاخر هو موجود ..حتى لو احنا مش عايزينه يبقى موجود و الشغل موجود ..سواء كان مذاكره او شغل من ابو فلوس دا ..كلهم شغل ..كلهم واجبات لازم تتعمل و احنا بقى ..احنا اللى هما احنا مع اصحابنا و مع نفسنا ..اللى بنختارنا بشكلنا ..احنا مين و عايزين ايه ..

ساعات بحس انهم مش تلات محاور انهم 4 و ساعات 5 و ساعات 6 ..بيت و شغل و احنا و صحابنا و عندى مسرح و المفروض ان فى ضمير مثنى فى حياة كل بنى ادم ..المفروض ان دا بيبقى موجود ..بس هو مش مفروض ..احنا اللى بنختاره ..بس لما بيبقى موجود بيبقى محور..محور كبير قوى قوى ..بس دا بيقى شئ بيسعدنا ..

بيسعدنا ؟..يعنى ايه سعاده ..يعنى نبقى حاسين اننا مبسوطين ؟؟

طب يعنى ايه نحس اننا مبسوطين و امتى بنحس بدا ..لازم تحصل حاجه عشان نحس بدا ؟؟

لا طبعا ..

طب ..ممكن نحس بسعاده و احنا خايفين ؟؟

و احنا تايهين و مش عارفين ؟؟؟

و احنا ماشيين و مش فاهمين احنا مين و لا احنا فين و ليه ؟؟

طب يعنى ايه خوف و ليه بنخاف ..ليه دايما فى حد تانى بيخوفنا من كل اللى حوالينا و بيتبسط و احنا لوحدينا ؟؟

و لما بنبقى لوحدينا بنبقى حقيقى مبسوطين ؟؟

يعنى بنبقى مش خايفين ؟؟؟

ليه لازم يبقى فى حاجه فى حياتنا ..لازم يبقى لحياتنا معنى ؟؟

نفسى ابقى ام ..اهه ..نفسى ابقى ست بيت عاديه كمان ..نفسى ابقى ممثله جامده ..كل يوم فى المسرح ..نفسى ابقى مهندسه؟؟ لا ..نفسى ابقى اى حاجه ..بس ابقى حاجه و السلام ؟؟

كلها شهر و كام يوم و هتم ربع قرن ..عملت ايه بقى الربع قرن ..عماله بضيع فى الوقت ..و قتى ووقت الناس اللى حواليا ..انت خسرت ناس ..خسرت ؟؟

ليه ؟؟

..اخترت؟؟

لو بنحس اننا خسرنا ..يبقى اختيارنا دا غلط ..اختيار اتسرعنا فيه ..و لازم نراجع نفسنا ..مجرد احساسنا اننا بنخسر و ان اللى بنعمله دا مش حقنا ..لازم يخلينا نفكر الف مره ..و لو انى شايفه ان مجرد التفكير ..بينهى كل حاجه ..باب التفكير لو اتفتح ما بيتقفلش حتى لو ضحكنا على نفسنا و قلنا غير كدا ...

المفروض ..ايه المفروض ؟؟

المفروض كتير ..كتير قوى ..بس هل كل المفروض بنعمله؟؟