لما بكون مخنوقه بيهرب منى الكلام..بسكت..بنام
بهرب جوايا ..و احاول حتى اصرخ جوايا ..لكن مش بيطلع لى صوت ..حتى جوايا ..ببقى زى الجنيه اللى اخدوا صوتها و رموها فى الارض بادين و رجلين ..بس من غير صوت..
لما بتخنق..بتنفس بس بصوت ..و يمكن اوقات كمان اعيط بصوت..و اوقات وبققى و لا اللى واكل سد الحنك ..متنحه ..و مسهمه ..تشوفنى تخاف عليا ..لاكون هموت
لما بتخنق ..بقعد على سريرى ساعت ..من غير لا حركه ولا رنات
او اقعد قدام ال رستوان سيتى ..اتفرج ببلاهه على الجيم ...و اتنح
لما بتخنق..مش بكتبت ..و بخشب..
ببقى عامله زى ما اكون متكتفه ..عاجزة
الغريبه انى دلوقتى مخنوقه بجد..و بكتب!!

إقلع غماك يا تور وارفض تلف

إكسر تروس الساقية و اشتم وتف

قال : بس خطوة كمان .. وخطوة كمان

يا اوصل نهاية السكة يا البير تجف

===============================================================

ما هو اصل التور ما بيفهمش .. مربوط فى الساقيه ما بينمش و عنيه الاتنين متغميه ..لا هو عارف ليل من صبحيه
و التور مسكين ..تعبان ..غلبان ..داخ من الضلمه و من لفه سنين
و لسه يا عينى بيحلم يوصل.... يا لنهايه السكه ..يا .. نهاية السكه

========================

الحياه بقت كلها احباطات ..
الحياة.. لعبه مملمه ..
الحياة ..ناس ماسكه الطبله و ناس بترقص بالصاجات
الحياه ..سلك طويل ..حبل كبير ..ماشيين عليه
الحياه..فراغغغغغغغغغغ
الحياه ..سراب ..تفتكره ناس الجنه
الحياة ..زحمه و حر و تلزيق ..
الحياه..خناقه من اجل البقاء
بقاء بقى عشان ايه؟؟ الا شئ
الحياه.. سجن كبير ..روحك مسجونه فيه
الحياه ..كابوس ..و مطول ..نفسى فى يوم الاقينى مش فيه
الحياه..دوشه ..هوجه..و هدوء البحر ..قبل الموجه
الحياه..سماء كانت زرقا عكرها دخان السجاير
و شكمانات العربيات
الحياة ..قبر كبير .....بنموت فيه ..
لحد ما فى يوم... نتولد بخروجنا منه

الاغنيه دى بقى خليتنى اكتشف حاجه ما كنتش واخده بالى منها؛بجد شكرا للى كتبها ؛ احيانا لما نقرا كلام نفهم حاجات جوانا ما كناش فاهمينا او حتى حاسينها

فى حد ممكن يبقى مش قادر يعيش من غير الم
فى حد لو ساب اللى ظلمه يبقى هموت من الندم

خلتنى اخاف على حبى ليك
اكتر ما اخاف على نفسى منك
خلتنى ارتاح للعذاب وانا بين ايديك
علشان بخاف من عذاب البعد عنك
وقفت حياتى عليك وبس
وكأنى بفرح لو لاقيت قلبى اتظلم

ظلمت فيا ولسه عايشه لـ حبى ليك
باصعب عليا ولسه مش بصعب عليك
ولا يوم معايا
غمضت عينى مشيت فى سكه محسبتهاش
وعشان بحبك حبيت حاجات مبحبهاش !!
و ادى النهايه

خلتنى اخاف على حبى ليك
اكتر ما اخاف على نفسى منك
خلتنى ارتاح للعذاب وانا بين ايديك
علشان بخاف من عذاب البعد عنك
وقفت حياتى عليك وبس
وكأنى بفرح لو لاقيت قلبى اتظلم !!؟

فى حد ممكن يبقى مش قادر يعيش من غير الم
فى حد لو ساب اللى ظلمه يبقى هموت من الندم

ايه الكلام دا بجد॥
كلمات هانى عبد الكريم وألحان تامر عاشور

ماتحسبنيش

ماتحسبنيش على ذنب عملته انت يا حبيبى ومتلومنيش
طول عمرى بخاف انى اجرح يوم احساسك
ماتسبنى اعيش انا رافضه ارجعلك بعد خيانتك ليا مافيش
عمرى ماشكيت لو حتى ثانيه فى اخلاصك

ياما قولت عليك ان انت انانى مابتفكرش الا فى روحك
بتقولى عايش لك وانت عايش بس لروحك
انا شوفت عليك وكمان بتكدب عينى وجاى تقول حكايات
كل ما اقربلك تبعدنى عنك مسافات
منك لله

منك لله قلبى بيتألم من جواه من اللى انا حساه
ماشيه ومش شايفه انا قدامى ولا حواليا
بقى سهل عليك انك تجرحنى وتظلمنى... انا هونت عليك
كان نفسى تجرب احساسى.... صعب عليا
ياما قولت عليك ان انت انانى مابتفكرش الا فى روحك
بتقولى عايش لك وانت عايش بس لروحك
انا شوفت عليك وكمان بتكدب عينى وجاى تقول حكايات
كل ما اقربلك تبعدنى عنك مسافات
منك لله