اليومين اللى فاتوا كنت تعبانه ..اه ...تانى ..واضح ان صحتى بقت على قدى جدا ..فى اقل من اسبوعين ..فى تلت اواربع ايام نوم فى البيت ..تعب ..كتير جدا ..عادى بقى ..
مش حابه اللى حاسه بيه دلوقتى حالا ..كنت مبسوطه قوى اليومين اللى فاتوا ..و لسه مبسوطه بسسس..عايزة اتكلم و مش عارفه ..خلانه مش هينفع و بالتالى حاسه انى مش حرة ..يعنى الهدف من المكان دا انى اكون فيه على حريتى ..بس انا دلوقتى خايفه اتكلم ..يبقى ايه بقى ؟؟
ايه اللى حصل ؟؟مالك؟؟ليه دربكه؟؟ الحكايه واضحه و الطريق قدامك واضح ..خايفه من ايه ؟؟من المهندسين ..المهندسين فى اسوأ احوالهم احسن من الممثلين ؟؟و لا انت ايه رايك ؟؟
المهندسين كل حاجه عندهم محسوبه ..كل حاجه بتخضع لقوانين و نظريات ..كل حاجه بتتقاس ..و لازم فى نقطه بنرجع لها ..حتى المشاعر عندهم بتتقاس ..كل حاجه بحساب و العقل عندهم دايما ما بيسبش فرصه لاى حاجه تانيه
طب و الممثلين؟؟
الممثلين ..ميت وش ..تتوهى من كتر الوشوش ..وشوش كتير ..لما ساعات بننسى الوش
الاصلى ..الممثلين ..بيمثلوا حتى على نفسهم ..و ساعات كتير بينسوا كل حاجه فى الدنيا و بيفتكروا بس دور البطوله و ازاى انهم يفضلوا تحت الاضواء و كل الناس بتتكلم عنهم ..الممثلين ..الممثلين ما عندهمش ثوابت و اللى النهارده احلى حاجه فى الدنيا ممكن بكره ما يبقوش بيطيقوه ..مفيش قواعد ..لانهم هما نفسهم مش على طول نفسهم
بس المهندسين ...يقدروا يعيشوا مع الممثلين ؟؟
هو الميه تنفع مع الزيت ؟؟
تنفع ..لما نحطهم فى كبايه واحده ..هيفضلوا فى كبايه واحده ..بس ..عمرهم ما يختلطوا ببعض ..لكن لحظة ما بندوبهم ..ممكن نفتكر انهم دابوا
طب لو الممثلين اصلا مهندسن ؟؟ ايه الحل بقى ؟؟
بيتهالى ان كدا الحكايه اسهل ..لان الممثلين اصلهم فى الاصل مهندسين و ان كانوا هما اصلا بيكرهوا دا ..الممثلين بيكرهوا الحسابات ..بيكرهوا القواعد ..بيكرهوا الروتين و الخنقه ..الممثلين بيحبوا الحريه ..و بيكرهوا القيود يحبوا اللعب ..بيكرهوا المذاكره ..لان التمثيل مش محتاج مذاكره ..بيكرهوا اللى يجيب لهم سيرتها اصلا ..بيكرهوا ان حياتهم تبقى مربوطه بامتحانات و درجات و وورق تقيمات لكورسات و حاجات و محتاجاتالممثلين بيكرهوا الميه فى الميه ..لان الفن نسبى ..ما فيش حاجه اسمها ميه فى الميه و لا الف من الف ..و بيعتبروها نكته سخيفه جدا ..مش شطاره ..بالعكس ..بيعتبروها اكبر دليل على ......انهم
....م..ه..ن..د..س..ي..ن
الممثلين ..ممكن يبقوا مهندسين ..مغنيين..جزارين ..سباكين ..اصحاب ملايين ..و ساعات شحاتين ..او حتى زبالين ..اما المهندسين ..هيفضلوا طول عمرهم مهندسين ..هيعيشوا و يموتوا مهندسين ...و مع ذلك يا ترى مين فيهم بجد يكسب ؟؟مين فيهم بيكون راضى فى الاخر؟؟مين فيهم يقدر يتعامل مع الدنيا و مع الناس ..مين فيهم
2 comments:
Feel Free ya Afndm :-)
ممكن يكون المهندسين ..في الاساس يكونوا ممثليين ..و ممكن برده الممثلين يكونوا في الاساس مهندسين ..
يعني ما حدش عارف مين الاصل و مين الصورة ..و ميين اللي عمره قصير و ميين اللي عمره طويل ...
و بعدين يا افندم ..ليه ما نبصش للموضوع بشكل تاني ...ان الناس دي ممكن تكون مهندسيين ذو حسي فني ...او فنانين ذو حس هندسي !! و لا ايه ؟ :-)
للحديث بقية
Why Darling?
u gonna change.right?
Believe me, YOU ARE BETTER AND BETTER
Just leave these thoughts and trust in your self
YOU CAN AND YOU KNOW THAT I MEAN WHAT IM SAYIN YOU CAN;so why this hesitation, already u defined your needs and you got them, so FEEL FREE to take.
Everything is yours and you is everything
Post a Comment