جوايا كلام كتير قوى ..بس ما بلحقش امسكه..ايه كل الرغى دا..طول الوقت بكلم نفسى؟؟ عايزة ابتدى ارتب حياتى و مش لاحقه ..الوقت بيسرقنى على طول..يا ترى ليه الوقت ما بقاش فيه بركه..زمان كنت بحس ان اليوم طويل قوى ..دلوقتى بقيت بحس ان الصبح ما بيلحقش يطلع نلاقى الليل دخل ؟؟رغم ان ال24 ساعه ما غيروهمش ..هما هما ال 24 منذ قديم الازل..طب ايه اللى اختلف..يمكن طريقه عيشتنا هى اللى اختلفت؟؟ الشغل بياكل اليوم ..بيبلعه و بيبلع حياتنا ..بيمص دمنا و فى الاخر برضه جيوبنا فاضيه ..هه..صح ..زمان امى و خالتى كانوا بيرجعوا من الشغل الساعه 2 او 3...و انا كنت برجع من المدرسه فى نفس المعاد و الكليه يوم ما كنت بتاخر فيها كنت برجع على 8 ..دلوقتى اليوم رايح فى المواصلات و الشغل ..و مفيش وقت لاى حاجه تانيه ..الحياة مدربكه و الدماغ تايهه ..و الروح تعبانه ..طريق مش واضح و دماغ مكبرة و مشوشه ..مش عارفه هى عايزة ايه..اليويمن دول بحاول انسى و اعيشها يوم بيوم..بس فى الخلفيه دايما فى سؤال بيزن ..احنا فى الدنيا دى ليه؟؟اكيد مش عشان كدا..حاسه بكلمه اللهو و العبث..ان الحياة دى لهو فعلا..حاجه مالهاش طعم او معنى ..طب لو التزمت..و بعدت عن كل دا ..يا ترى هرتاح؟؟و لا هتعب اكتر؟؟جوايا اسئله كتير ..بخاف منها اوقات كتير..بخاف من اسئلتى لانى لو قلتها بصوت عالى مش بعيد يكفرونى ..رغم انى متاكده انها جوا كل بنى ادم ..موجوده ..بحسها من بعيد لبعيد فى كلام اللى حواليا ..سبحان الله ..ربنا خلقنا ..رجاله و ستات..ابيض و اصفر و اسمر و اسود..خلقنا فعلا شعوب كتير و اشكال كتير قوى قوى ..لما تتامل خلقه تتوه فى قدرته و عظمته و خلق لنا فكر..افكار كتير ..و اتخلقنا مؤمن و كافر ..و كافر مؤمن ..و بقينا ..يهود و مسيحيين و مسلمين و بوذيين و هندوس و ...ديانات مالهاش اول من اخر..و جوا كل ديانه و كل طريقه ..الف طايفه و الف طريقه ..نعبده بيها او نعبد حاجات يمكن احنا اللى خلقناها ..نمثله بيها ..خلقنا طبقات ..غنى قوى و غنى نص نص و غنى و طبقه متوسطه وناس مش لاقيه قوت يومها و ناس اللى جاى يدوب على قد اللى رايح ..خلقنا مختلفين ..كل واحد فينا حكايه ..دراما لوحده..و مع ذلك خلق بين كل البشر حاجه مشتركه ..مشاعر مشتركه ..حاجات بنخبيها و بنخاف منها ..هواجس مشتركه ..فى اللى بيبنها و فى اللى بيخبيها ..و بين الاتنين درجات ..بس كل ما بعرف ناس اكتر و اتامل فيهم اكتر ..بكتشف ان جوانا كلنا حاجات كتير مشتركه ..كلنا انسان ..فى الاخرسبحانك يا رب

انا اعشق الرجل ..نعم انا اعشق الرجل ..اقولها بلا خجل ..:-) ناس كتير بتقول عليا متحيزة للمرأة ..جايز ..الله اعلم ..بس ناس قليله و خبيثه هى اللى تعرف مدى عشقى للرجل ..كان نفىسى اكون ام لرجل ..و طول الوقت بتعلم ..و بحاول افهم ..عشان كان نفسى اربى راجل ..اوقات كتير كنت بحس انى هبقى قاسيه قوى عليه ..و يمكن اظلمه زى ما اغلب الذكور فى مجتمعنا اتظلموا ..و شالوا اكتر من طاقتهم ..مما قدى الى تبديد طاقتهم و تحويلهم ..لالات متحركه ..تتناسى المشاعر الانسانيه و تخجل منها احيانا ..عشقى للرجل مش عارفه جه من ايه و كتير كنت بلوم نفسى و اقول الله يسامحك يا ... بس مش ببقى عارفه مين ..يا ترى مين السبب فى الكارثه الحضاريه اللى انا عايشه فيها ؟؟اكتر من 80 فى الميه من الناس اللى اعرفهم بيقولوا لى انى رومانسيه قوى ( الغريبه انه هو ما كانش شايف كدا !!) و 90 فى الميه بيقولوا انى عايشه فى عالم مش موجود فى الارض و مصممه انى اصدقه ..رغم انى عماله اخد على دماغى ..فى واحد وقف قدامى فى مرة و قعد يزعق جامد ..كفايه بقى فوقى ..احنا مش ملايكه ..احنا بشر ..انزلى معانا على الارض شويه و سبى اليوتوبيا بتاعتك دى و وواحد تانى برضه شخط فيا من كام يوم " انت ليه مصممه تشوفينى ملاك ابيض بجانحين ..ليه واثقه فيا قوى كدا ؟؟ ليه نظرة البرأة اللى فى عنيكى دى ..و مصدقه قوى اللى انت بتقوليه دا..يا بنتى فوقى ..انت ما تعرفنيش ..و انا مش ملاك ..انا بشر.."و برضه انا مش هتغير ..نفس طريقه الكلام و الثقه ..قعد يزعق لى " انت قولتى كارثه ..اوعى تقولى لحد اللى قولتهولى دلوقتى دا ..انت ازاى كدا؟؟"" قعد يتعصب ..مش ممكن ..مفيش واحده بتعمل كدا ..كلهم زيك و ما حدش بيتكلم ..اوعى تقولى لحد نقطه ضعفك ..اوعى ..بلاش الثقه الزايده دى فى الناس ..انت قولتى 3 كوارث مستحيل انسان يقولهم بالسهوله دى ..ازاى ..؟؟ههه...و انا كنت ببص له باسبهلال ..انا كنت بتكلم عادى جدا و ما حستش انى قلت اى حاجه غلط او عيب ..حتى مش فاكرة انا قلت ايه خلاه يتشال و يتهبد قدامى كدا..هو كان بيرغى و انا كنت بتكلم معاه ..عادى ..بيقولى عن افكارة و انا برد عليه بافكارى ..عادى يعنى ..بنتناقش و بنضرب امثله بحاجات بنحسها فى الدنيا ..كنت بحكى له عنى ...شيماء ..من غير الناس ..من غير فلان عمل و فلان سوى ..كنت بحكى له انا مين و بحس بايه ..بسس..ما قلتش كارثه تخليه يتنطر كدا ..بس ..بمنظور الرجل ..انا قلت كارثه ..انا اختصرت كل نقط ضعفى فى 3 نقط ..مأساه ..ازاى اقوله نقط ضعفى بسهوله كدا؟؟ مش خايفه ليستغلها ..بس هو السؤال هيعمل بيها ايه يعنى ؟؟ هو هيعمل ايه لو عرف انى مش واثقه من نفسى ؟؟ايه اللى هيحصل ..و مع ذلك كان من الناس القليله قوى اللى زعقلى بحمقه عليا و بخوف بجد من غير اى غرض ورا الخوف دا ..الاحساس دا ما حستش بيه كتير فى حياتى ..المواجهه...لانك بتحب اللى قدامك ..و بتخاف عليه و مش معنى بتحبه انك عايز منه حاجه ..لا ..بتحبه ..بعض النظر عن الجنس او الديانه او اى اعتبارات تانيه
نرجع للراجل ..يعنى ايه الرجل بقى؟؟اكيد كلمه راجل ليها تعريفات كتير قوى ..انا باشفق عليه منها احيانا كتير و بحمد ربنا انى انثى ..بجد..عشان الرجاله دى عقلها على قدها و الستات اللى ربت الرجاله دى معندهمش عقل اصلا..ههه..هو الرجل اللى ما يعيطش ؟؟؟..الراجل الحمش اللى يمشى مراته على العجين ما تلخبطوش..اللى لما بيتخنق بيزعق و ما يضرش لو حتى استخدم الضرب ..هو الراجل اللى لما يقول يمين لازم يبقى اليمين هو الصح ؟؟حتى لو كانت كل العلامات بتقول ان الشمال هو الصح؟؟هو الراجل ليه اعمال رجوليه ..
تتناسب مع امكانياته الخرافيه و يبقى تقليل منه لو تنازل و تعطف و ساعد مراته او خطيبه فى اعمال هبله ..و مش من اختصاصاته؟؟هو الراجل الامر الناهى فى بيته و لما يقول حاجه لازم الست تقول عليها امين ..لان الست ست و الراجل راجل ..هو الرجل لما يتزنق ...يقلع؟؟اويشمر و يتخانق؟؟هو الرجل لما مديرة يهينه او يخنقه ..يهب فيه و يسيب له الشغل و يمشى؟؟ هو الراجل لما يشوف امه تعبانه طول النهار فى البيت و هو يرجع اخر الليل يلاقيها نعسانه و محضره له العشا..ما يساعدهاش حتى فى شيل الاطباق و غسيل المواعين ..لانها ادرى بحالها..هو الراجل لما يشوف صاحبه بييعمل غلط ما يقفش قصاده و يبكيه و ان شا الله حتى يبكى الناس عليه ..هو الراجل لو حس بالضعف عيب يبكى لانه ما يبقاش راجل ..و لو حس بانه مش قادر ياخد قرار عيب يقول كدا ..لانه ما ينفعش يبين انه مهزوز ..لا الاحسن ياخد قرار و يرجع فيه؟؟ هو الراجل ..الصح ..مممكن ياخد قراراته بناء على العند..هو الرجل ممكن يعند مع اللى اكبر منه ..لانه مقتنع انه عاوز يزله ..و هو ما حدش يكسر مناخيرة؟؟هل كل ذكر رجل؟؟انا لازلت اعشق الرجل و اردت ان اكون ام لرجل..لايخجل من اخطائه ..بل يواجهها ..و يتحمل نتاج خياراته ..حتى و ان ظن ان اختياره هذا قد يقلل من شائنه امام الاخرين و لكن ..هو دائما على استعداد لتحمل العقبات ..هو اولا ..قبل الجميع ..و بصدر رحب ..هو من يصرع الغضب و العند..و يعرف كيف يحصل على حقه بالحكمه و التفاهم ..هو من يجتمع الناس حوله ..الاسرة المحبه له ..و الاصدقاء الذين يثقون برأيه ..و الزملاء ..كل الناس ..هو بينهم ..الاحكم و الاهدء..لايخجل من الضعف الانسانى و لا يخجل من دموعه ..و هو واثق بقدراته و بنفسه ..هو يتردد احيانا و يضعف كثيرا و لكنه سرعان ما يعيد توازنه و يبث هذا التوازن لمن حوله ..هو الامان للام و الاخت و الزوجه و الابنه ..الصديق ..الحبيب ..الوالى ..و له حق الولايه ..فهو ايضا الولى ..وولايته تاتى من حكمته ورزانته ..لا من سلطته ..بل حبه يغلب ثورته ...هو من تفتح له الابواب ..لمرونته و حنكته ..هو ..هو من اعشق ..بعضلات ذراع قويه و بشره لفحتها الشمس و ارجل مشدودة..و شعر كثيف ..و نظرة ثابته واثقه ..غامضه ..و محبه ..هو من ظلمته و ظلمته الحكايات و الاساطير ..فهو ارقى من كل المخلوقات ..كائن لم يولد بعد و قد يولد فى زمن اخر و يظل الحلم ان اكون ام الرجل ..اتعلم منه و اعلمه..حاجه بقى مهمه قوى ..انا بموت فى الرجل لما يشخط ..بس لما يكون على حق .. و لما يشخط من غير عصبيه و لا بطاقه سلبيه ..ساعتها بعمل له اللى هو عايزة ..عشان ببقى فهمت انه كدا هو فعلا متاكد من اللى بيقوله ..و فى فرق بين الشخطتين بعرف احسه كويس..اما اجمل حاجه بقى بحبها فيه لما يشخط ..نظرة الخبث و الابتسامه المكتومه جواه ..و الابتسامه المرسومه على شافيفه مع اول بارقه فك من اى حد ..يعنى مش متنشن ..لا ..حتى لو اتعصب ..بيكون هادى!!ما قلنا واثق من نفسه ..

اتخنقت منى بد..لما تحس انك ضعيف قدام حد قوى ..اكيد حاجه تخنق..تخليك متعصب ..بالذات لما يبقى الحد دا ما بيرطكش بيه اى حاجه..و لا حتى صداقه..حاجه تخليك تحس باللى حاسه بيه دلوقتى دا ..ديق نفس...و كان حاجه طابقه على صدرى ..ليه ؟؟ من ساعه ما جيت الصبح كل شويه اقتح الميل..و انا اللى عمرى ما فتحته فى الشغل غير لو فى كارثه ..بتامل فيه طول النهار و مش عارفه اركز..مستنيه المجهول ..الا شى..و كمان بكتب عرى و هحطكلام على البلوج وقت الشغل ..انا بظت!! ايدى بتتسحب نى عصب عنى الاقينى ببص تانى على الميل ..ما حرمتيش..لسه بتحبى ..؟؟ غريبه قوى انا بجد ..فضلت كدا طول الوقت ..ما بعرفش اتحكم فى مشاعرى ابدا معاه ..و كل ما بص حوايليا و افتكر اللى حصل..كل احضر خطوبه دى او فرح اى ..او اتفجر على صور دول..و لا ادخل بيت دى او دا ..او حتى اسمع كلامهم ولا اشوف حد بيوصل حد او مهتم بحد..بستغربنى ..انا كل تمسكى دا ليه..ما كانش فيه عشر الاهتمام دا بجد..طول الوقت تشويش..و توهه..و طول الوقت كان لازم استحمل حاجات انا ماليش ذنب فيها ..طول الوقت كان لازم اكتم احلامى قدامى و اشوفها بتموت و المفروض كمان ان حتى الجزء اللى حقتته كان هو شايف انى كنت بطلب منه اكتر من طاقته فيه ..حتى الفرح ما كانش هاين عليه يعمله عشانى ..حتى الفستنا نكد عليا و ما خلنيش حتى افرح بيه ..و لو حبه ..ساعه !!..حتى حاجات كتير كسر فرحتى بيها دايما و كان بيتهمنى اوقات كتير انى انا اللى بعمل كدا ..رغم انى عندى عقل و اللى حواليا عندهم عنين ..كفايه ان صعر نفسه و صغرنى معاه قدام كل الناس اللى كبرونى سنين و كبرته بينهم ...مش هو دا اللى كنت بدور عليه و لا هو دا حلمى ..دا كان بشاير حلم ..بس الحقيقه طلعت حد تانى ..بيهتم بالناس ..صح ..بس ..تايه وسط دنيا تانيه غير دنيتى و مش شايفنى و لا شايف دنيتى و لا راضى يخلينى معاه فى دنيته ..قافل على نفسه القوقعه..و انا الناس هما ميتى و هوايا..برضه لسه ببص على الميل؟؟؟؟؟؟؟واضح بجد ان مفيش فايده فيا ..بندن فى ماطله يا امى؟؟

الحكايه سهله ..طب ليه كبرت كدا ؟؟انا بحب ارغى ..طول عمر ى..وهو بقف على كل كلمه و ما بيعديش كلمه ..اهلى كانوا دايما يقولوا لى يا بنتى حبيبك يبلع لك الظلط..و عدوك...يتمنى لك الغلط..و انا كنت بحس بكدا ..لو بابا كح ..يبقى اجرم ..و انا كمان كنت اوقات من كتر غيظى ..لو حد عنده رمش ..اقوله اهه ..ما هم بيرمشوا ..اشمعنى اهلى انا اللى دايما عليهم العين..و بصراحه ككنت كتير بتخنق..اغلب عيوبى من وجهه نظرة الزن و العصبيه ..و انا فعلابقيت كدا ..بس يا ترى دا جه شياطنى ولا له اسباب و لو له اسباب فمين كان السبب ..؟؟و يا ترى انه مشى دا خلانى بقيت اهدى و لا عصبيه اكتر ..طب هو دخل حياتى ليه ؟؟و عدنى ليه..انا فاكرة فى السبع لفات بتوع روكسى قلت له انى مش حمل علاقه جديده و كسر جديد و هو وعدنى ان اسوا حاجه هنوصلها هو التعايش السلمى ..انا فاكرة وعده دا كويس لانه كان السبب انى اتجرات ..لانه وعدنى انه عمرة ما هيسيب ايدى و اسوا حاجه ممكن تحصل لنا اننا نعيش فى بيت واحد وكل واحد فى حاله ..دا كان كلامه و دا كان وعده ..لا وعدنى بالسفر و لا انه هيسيبنى و يمشى و لا اننا لو محصلش نصيب هنسيب بعض ..و انا صدقت ..و بقيت بتوتر لما بحس انه عمال يرجع فى كلامه ؟؟ يعنى هيسيبنى؟؟ هو مش وعدنى؟؟هو مش فاكر كلامه؟؟ هو مش قالى انت حران يتعمل فيكى كدا ..هو ليه بيعمل فيا اكتر من كدا اللى كان بيتكلم عليه؟؟ هو مش وعدنى انه مش هيسينى ؟؟ليه طول الوقت بهددنى انه هيمشى و انه ما بقاش قادر؟؟هو دا اللى وعدنى بيه؟؟؟؟

نمت امبارح طول اليوم و صحيت النهارده الصبح..حالى متلخبط و قوضتى متبهدله ..و اعصابى بتخرف ..انا حاسه انى بقيت مش مظبوطه ..المسرح بجد متعب ..فعلا التمثيل دا صعب جدا ..والحياة اصعب ..انا بقيت بلخبط بين الواقع و الخيال ..عايزة اروح لدكتور بس مش معايا فلوس..و تعبانه بجد...دماغى هتنفجر..و اعصابى حاسه انها سايبه و دايخه..و...انا تعبانه بجد ..بقالى اكتر من 25 سنه نفسى فى حضن اترمى فيه و اعيط..محتاجه لحد ياخدنى فى حضنه و يطبطب عليا ..بس و يسيبنى اعيط..بجد انا مش محتاجه لاكتر من كدا..

كلما تاملت حاله ..لا اجد ما اصفه به..و لا يخطر ببالى سوى كلمه واحده ..وغد

كوابيس ..ما عرفتش اروح الشغل النهارده ..بسبب كوابيسى ..صحيت تعبانه قوى ..انا بقيت بمشى و انا نايمه اوقات ..بقوم اكل و اتكلم مع الناس و انام هه..و الله ..يالله حصل خير ..فى امل فى الدنيا يا بنتى صدقينى ..صدقينى فى ناس كويسه ..و رجاله بتعرف تحب..حتى لو ما قبلتيهم ..موجودين ..لسه فى حب و فى اهتمام و فى تضحيه و شيل مسؤليه ..فى تخلف و جهل ورجل بيفكر بعرايزة و بس و مجتمع بيبص للست على انها كائن درجه تالته و فى رجل بيعاملها على انها كائن ضعيف لازم نخاف عليه و نعامل براحه و باهتمام ..ان كنتى وقعتى فى النص الغلط..على الاقل خلى عندك امل فى اللى حواليكى ..انا بحب اتفرج على الناس الكويسين و مش مهم ابقى منهم ..لانى كنت داما بستكتر على نفسى انى ممكن فى يوم ابقى منهم و لما لاقتنى فجاة منهم و ما كنتش مقتنعه ان دا حقيقى و فعلا طلع كدب..و بالتالى انا هكتفى بانى اتفرج عليهم و الاقيهم و ادينى بتكعبل فيهم اهه..بس السؤال اللى بيطرح نفيه ..هى المشكله مشكله دين و لا مجتمع ..انا شايفاها مجتمع اكتر من دين ..بس فى ناس بيشوفوها دين ..بصرحه هى مجتمع ..لان الدين حتى لو اختلف و اتفق المجتمع برضه بيفضل التخلف ..و انا متاكده ان دينا مش بيقول اللى بيحصل دا ..مش بيقول ان الست تضرب و تتبهدل و تقول كمان ..مش بيقول ان الست تتهان و تسكت ..ان كان بتسكت بكرم منها و حاجه هتاخد عنها ثواب ..مش بضعف ..و لكن بنفس منطق ان اللى يديك قلم اديله خدك التانى ..و فى فرق كبير بين المنطقين

هات قلبي وروح روح ..مطرح ما تروح

انا يعني حا اعيش من غير قلبي
ما دام انته بعيد ولا ليك مواعيد

ولا عمري لقيتك يوم جنبي

دا انت ان لفيت.. الدنيا وجيت

والا حبيت مهما حبيت

حتجيني وتسأل عن قلبي

هيقولك روح ماطرح ماتروح
هات قلبي وروح روح

مطرح ما تروح

انا يعني حا اعيش من غير قلبي

ما دام انته بعيد ولا ليك مواعيد

ولا عمري لقيتك يوم جنبي

دا انته ان لفيت الدنيا وجيت

والا حبيت مهما حبيت
حتجيني وتسال على قلبي

حيقوللك روح مطرح ما تروح

وهات قلبي

لو قلبي طاوعني و قادرة عليه
كنت اقدر انسيه ولا اخليه لا يفكر فيه و لا يجري عليه ولا يسبقني ويطير حواليه
لكن اعمل ايه

ولقيها منييين و انا بين اتنين
على قلت راحتي متفقين انت و قلبي و لقيها منين و انا بين اتنين
على قلت راحتي متفقين انت و قلبي
لا عتاب يا حبيبى و لا ملامه

و هلومك ليه؟؟و يفيدنى بايه؟؟

بتمنى لك الف سلامه ..

و انا خايفه عليك

تنسى لياليه

و تتوه و تروح و معاك قلبى

هات قلبى و روح

مطرح مطروح

اصاله و لطيفه ..غنونها و انا و اول مرة اسمعها امبارح ..واضح انى فعلا فى ملكوت تانى ..هه..عموما ..انا حبيب اللى بصوت اصاله اكتر ..يمكن دا لانى متعودة عليه اكتر ..جايز

كلمات : عبدالسلام أمين, ألحان : محمد الموجي

شفت جمله غريبه قوى ..و مستفزة ..من الجمل اللى بيكتبوها فى المنتديات

سابقى احبك .. و لو طال انتظارى فان لم تكت قدرى فقد كنت اختيارى
انا مش بحب الجمل اللى فيها استسلام ازلى ..بتخنق ..بس عجبنى فيها ..الفرق بين القدر و الاختيار ..ان فى ناس ربنا ممكن يكتبهم لنا لكننا ما بنختارهم و فى ناس ممكن نختارهم و لكن.. اختيارنا دا ما يكنش مكتوب لنا ..و ممكن يكون ببسا اختيارنا كان غلط..هه

مين ياخد قلبى المليان ويدينى قلبى الفاضى

مين ياخد عمرى القلقان ويدينى عمرى الماضى

ماشى بدون قدم مسنود على العدم

اضحك فى الضحكة شوكة بتضحك من الالم

الم يطول اصرخ واقول

مين ياخد قلبى المليان ويدينى قلبى الفاضى

مين ياخد عمرى القلقان ويدينى عمرى الماضى

?????!!!!!!!