همم اللى بعتها من شويه وقعت تحت عينى بالصدفه ..كنت بحبها قوى فى يوم من الايام ..و التصوير دا كان عاجبنى لانى كمان كان عاجبنى الفيلم ..بس لما شتفها النهارده افتكرت نهايه الفيلم بس و نسيت كنت بحس بايه لما بشوفها ..فاكرة انى كنت بعيط قوى ..انى كنت بفكر فعلا فى الانتحار ..بس لما سمعتها تانى النهارده ..حسيت انى كنت عبيطه قوى ..ما فيش حد يستاهل اننا نقتل الروح اللى ربنا خلقها لنا ..و لو حتى دا حصل يبقى نضحى بروحنا لاسباب صح و لناس بنحبهم و نفديهم بروحنا زى ما بيقولوا ..ما هو اهم حاجه البنى ادمين ..بسس

اليومين دول خير اللهم اجعله خير مبسوطه قوى ..رغم ان عندى امتحان و مش بذاكر ..بس مبسوطه ..لاننا داخلين على منعطف تاريخى ..بنتدرحرج فيه ..و لا دريم بارك ..و يمكن كمان بنفس فرحه الطفل بدريم بارك ..رغم رعبه من اللى بيحصل فى اوقات ..صحيح ..بقالى اكتر من 3 سنين عايزة اروح دريم بارك ..هااااااااااااااااااااا

بص يا سيدى ..يوم التلات كان يوم مهم جدا ..يمكن ما بيحصلش فى عمر البنى ادم غير مرة ..دا لو ربنا كرمه ..كنت ملبوخة و مش عارفه اعمل اى حاجه و زى الهبله ....هو المفروض ان البنات فى الحالات دى بتبقى ملبوخه ..و بالذات ان دى اول مرة يدخل فيها بيتنا و يقابل اهلى ..و طبعا كنت مرعوبه من رد فعلهم و هلى هيحبوه و لا..الشر برا و بعيد ..وبعدين كنت عيانه يومها و اليوم ابتدى بدايه غير لطيفه بالمره ..بسس الحمد لله ..ما ختمش زى ما ابتدى ..و..والمشكله انى يومها بجد كان نفسى احكى كل التفاصيل ..من اول ما صحيت ..و الميلات و الكارت اللى طلع كارت عزا ...تخيل ..بعت كارت عزا ..فى يوم زى دا ..بنية كويسه و الله ..هاا ..و الاطباق اتكسرت ..و احنا بنرتب ..و طبعا كلهم قعدوا يتريقوا عليا فى البيت ..دا غير لبسى المبهدل و البرد ..و حكاية الاربع اخوات بنات ..يا عالم ..حد فى الدنيا رايح يخطب واحده يقول عليها اخته ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ هاا احنا الاتنين فعلا اجمد من بعض ..بجد مبسوطه جدا ..بينا حاجات كتير مشتركه ..اهمها الطوب ..اللى ان شاء الله هنبنى بيه الجسر ..ادعو لنا بجد

هااااا ..على الفال ..يا سبحان الله ..اصلا اول مرة اشوف الاغنية دى

هاا ..بس للاسف كملتها ..فال مش ظريف خالص ..هاااا ..عموما احنا مالناش دعوة ..احنا حاله خاصه جدا ...هااااااا