الحجاب ..الحريه الشخصيه و الخصوصيه ...فى ناس كتير خصوصا اللى بيدعوا الليبراليه دايما بيتكلموا عن ان الست المحجبه دى ست مكبله بالقيود و مش حره و ما بتعرفش تفكر او تتصرف ..الموضوع دا بيغيطنى و بيدايقنى كتير جدا لانى بحس انى بتحط فى قالب مش بتاعى لمجرد انى اخترت اغطى شعرى اللى هو اختيار شخصى و حر ...بس فى نفس الوقت بعيدا عن الشعارات اللى بيحطها الليبرالين او الاسلاميين اللى دايما برضه يكلموا عن الحجاب على انه صيانه للمرأه و بيقللوا من مكانه و شكل الست الغير محجبه ..قررت احاول اكتب وجهه نظرى عن الحاجاب بشكلى شخصى بحت ..تجميعه افكار سنين و تجميع معلمومات ...الاسلام لما جه فى شبه الجزيره كان بيحاول يغير عادات الناس واحده واحده و ما فرضش فروض قاسيه مره واحده زى ما اتعلمنا و الايه اللى دايما بيستشهدوا بيها ان الحجاب فرض هى نفس نفس الايه اللى مدعى ان الحجاب عاده برضه بيستشهدوا بيها و انا شخصيا بميل لفكره ان الحجاب او بمعنى اصح عظاء الراس دى عاده قديمه من قبل الاسلام و المسيحيه و حتى اليهوديه و كانت موجوده فى بعض المجتمعات و الطبقات ..و الدليل على كدا ان حجاب اليهود بالصف يكاد يكون مطابق لحجاب المسلمين و حتى صور السيده مريم دايما بتصورها مغطيه شعرها و كل الراهبات بنشوفهم بيغطوا شعرهم و ان كان درجه تغطيه الشعر و باقى اجزاء الجسم بتختلف من طائفه لاخرى فى المسيحيه و على حسب الكنيسه بس برضه غطاء الراس موجود و انا نفسى كتير افتكرونى ارثوزكسيه لما كنت بسافر زمان اروبا (دلوقتى بقى شكل المسلمين معروف جدا) ..المهم بالنسبه لى دا بياكد ان الحجاب مش بدعه و لا عاده اسلاميه و كمان اللى بياكد دا اكتر صور ملكات كتير على مر العصور كانت فى الصور الرسميه تغطى شعرها او حتى لحد دلوقتى فى كنايس كتير بتطلب تغطيه الشعر و لبس لبس محتشم فى اثناء زيارتها ..يعنى كل الدينات متحفظه و مش هروح لحته برضه ناس كتير بقت بتدعى ليها ان اصلا الدين ايا كان نوعه قيد و بيملى الدماغ بخرافات و بيعقد حياه البنى ادمين و بيمنع من الحياه بحريه ...انا برضه هتكلم من وجهه نظرى المحدوده اللى بقت شايفه ان الايه لما نزلت كانت بس بتعدل من شكل لبس المسلمات فى الوقت دا بس ما بتقولهمش يلبسوا ايه هى بتقولهم اللبس بتاعكم اللى انتوا اصلا بتبلبسوه بقالكم سنين فى ثقافتكم بس خلوا بالكم انه ما يكونش مفتوح من عند الرقبه و الصدر بس ما قالهمش البسوا حاجه على راسكم لانهم اصلا كانوا بيلبسوا هو بس غير فى شكل اللبس ..
الموضوع بقى موضوع محير بالنسبه لى ليه ..المشكله ان احنا فى مصر مثلا فى بلد فيها مسلمين و مسيحيين و مش زى بلد زى السعوديه اللى اغلبها بالفعل مسلمين ..المسيحين فى مصر فى الفلاحين بيلبسوا نفس لبس المسلمين ( الاجيال الكبيره عموما) و بالتالى صعب فى الصعيد مثلا تفرق بين المسلمه و المسيحيه من شكل اللبس و لكن التفرقه هتكون بحاجات تانيه ..زى ان فى قرى كامله معروفه ان اغلبها عائلات مسيحيه او دقه الصليب او الاسم ..لكن فى القاهره فى فتره ما و الحمد لله الموضوع دا بيخف مع الوقت ..كان اغلب اللى مش لابس ايشارب مسيحين و دا خلى التفريق سهل و حطهم فى خطر بشكل ما انهم اقليه و حقيقى لو كل المسلمات قلعت الايشارب و المسيحيات بطلت تلبس صليب ..انا مقتنعه تماما ان المجتمع هيكون اكثر تجانس و تمدن ..و بالتالى بفهم ليه ليا صحبات مسيحيات نفسهم اقلع الايشارب مش عشان اخسر دينى لا عشان هو بالنسبه لهم لما اقلع الايشارب دا هيحميهم هما كمان و فى الاخر المسيحيه بتبص للتدين بالقلب و الروحانيات اكتر من الشكل الخارجى و بالتالى هما برضه شايفين انى لو قلعته دا مش هيقلل من درجه ايمانى او يهزها بالعكس دا هيبقى خير للمجتمع كله...على جانب تانى بقى و عكس تماما ان حجابى فى مصر تفرقه عنصريه ضد الاقليات ..ففى اروبا و الدول المتقدمه هو فعليا تفرقه عنصريه ضدى انا شخصيا ..لانى بالحجاب بعلن انى مسلمه و بدى لاى حد الفرصه ان يضرنى من غير ما يعرفنى لمجرد ان شكلى بقى الشكل الاسلامى المتعارف عليه و اللى بقى بشكل من الاشكال يصنف على انه الشكل الارهابى و بالتالى برضه هنا تانى الحجاب اتسبب فى نوع من انواع العنصريه و خلق تهديد امنى تانى بس المره دى للى لابساه و عشان كدا انا مستوعبه تماما ان فى دول منعت الحجاب فى الاماكن الدراسيه و اماكن تانيه تجنبا لاى خلاف او مشاكل تعتمد بس على الشكل الخارجى للاشخاص ...و مش الحاجات اللى بعتبر اللبنانيين نجحوا فى انهم يتعلموها من الحرب انهم اتعلموا يسموا اسامى تلخبط اللى قدامهم عشان يتجنبوا العنصريه مثلا يعنى العائلات المسيحيه فى كتير منها بتسمى اسامى اسلاميه و العكس العائلات المسلمه بقت برضه كتير بتمسى اسامي مسيحيه و بالتالى صعب تحكم على لبنانى من اسمه و ممكن تلاقى اسامى تقف قدامها كتير متلخبط لان نصها مسيحى و النص التانى مسلم ..الفكره ان الفكر العالمى الجديد بيقول ان كل ما بنركز على اختلافاتنا و بنفتكرها بنضيع فى و بنتاخر و بنهدد نفسنا قبل ما نهدد العالم ...
جميل طيب مدام انا شايفه كل دا و حاسه ان الحجاب ممكن يعمل مشكله فعلا ليه بلبسه ..اولا بعيدا عن الحجاب انا مقتنعه ان العالم كله رايح نايحه فكر تحررى تحول مع الوقت هو كمان لفكر مدمر ..يعنى الحريه زادت قوى لدرجه ان الناس تخطت حدود حريتها و بقت شايفه ان من حقها تقيد حريه الاخرين تحت شعار ان دا جزء من حريتها الشخصيه! ...و سمعت ناس كتير مثلا مسيحيين او يهود بيفكروا الستات ان الدينين اصلا بيطلبوا من المراه الحشمه و الدين اليهودى خصوصا فى دعاه يهود بيفكروا ستات اليهود ان الحجاب عندهم فرض لازم يرجعوا ليه ...يعنى احنا لو كنا فى عالم مثالى حجابى كان ممكن ما يبقاش شاره عنصريه لان فى ناس فى ديانات و عقائد تانى كانت هتلبسه برضه و فى ناس هربوا منه مع الوقت بس عشان يفرقوا بينهم و بين المسلمين (زى اليهود مثلا) و يبقى عندهم شكل مختلف...الفكره انا لابسه الحجاب دلوقتى بقالى 20 سنه ..اتعودت على شكلى بيه و اصلا لما بشيله بحس كانى مش لابسه زيى زى الستات الكبار فى الارياف (مسلمه او مسيحيه) اللى لو شلت الايشارب من على راسها هتتخض ..الموضوع مش شكل دينى قد ما هو موروثات اجتماعيه و نوع من انواع دواير الامان ..يعنى اتعودت تستخبى وراه كدا طول عمرها ..و انا كمان ...انا فكره انى اقلعه دى بتخضنى اصلا لانى حتى قبل ما البسه كنت دايما بلبس طويل و بكم و مقفول لدرجه انى و انا صغيره كنت كل ما يلبسونى مايوه اعيط و كنت بنزل البحر بفستان ..احنا فى الشرف اتعلمنا ان جسمنا لازم يتخبى من غير ما يقولوا لنا ..اتعلمناها برسايل كتير من التلفزيون و من المجتمع ..بان جسمنا دا سهل اى حد يقتحمه لاننا ضعاف و بالتالى بقينا خايفين و عايزين نستخبى فعلا ورا ميت حجاب مش حجاب واحد ومهما تظارنا اننا اتحررنا جوانا عقد و ترسبات اجتماعيه بتخليه موجود حتى لو اتقلع و الموضوع بيحتاج فعلا علاج نفسى قبل ما يكون مجرد شيل ايشارب ...مش هنكر ان جوايا جزء بيقولى يعنى اقعد 20 سنه لابساه و اقلعه ما يمكن اكون باخد بيه ثواب و لما اقلعه اوقف على نفسى ثواب مش تعبانه فيه ...و بالتالى فى جزء خوف من ربنا بس انا مقتنعه ان الجزء الاكبر جزء نفسى و انى بحاول طول عمرى اكسر قيود كتير قوى شايفه ان الحاجاب ابسطها فعليا و انى بالعكس لما بلبسه و انا بكسرها بكون اقوى لانى بثبت لنفس ان الموضوع مش بالشكل الخارجى المهم المخ اللى بيفكر و
بيقرر و مش فارقه المخ دا محطوط فوقه ايشارب و لا
