يوم عيد ميلاد سلام سائلته نفسه فى ايه..قالى نفسى اعيش فى "بيس" ..هنا فى مصر ..فى اى مكان تانى..نفس بس اعيش فى مكان مفيهوش ناس متدايقه من بعض ..و لا فى حرب ..و لا ناس زعلانه ..عايز بس اعيش مع ناس عايشه فى سلام!انا قعدت ربع ساعه بحاول افهم منه معنى السلام ..طلع فيه جزء منه مفهوم ان ما يكونش فى حرب او صراعات او خوف و فى جزء منه السلام النفسى ...اليومين دول انا بسمع كتير مزيكا ..بيقولى امبارح ممكن تسمعيها اكتر عشان دى فيها بيس!احيانا بحس ان كلامه اكبر من سنه و احيانا بكتشف ان كلامه بيقوله بعقليه سنه و مفهومه و بالتالى بحتاج احاول افهم هو قصده ايه و ساعات بصراحه مش بفهم ..بس مش هنسى انى لما سائلته عن امنيه عيد ميلاده ..كان طلبه السلام!!! المهمه بقى انى اقدر احاول افهم ايه معنى السلام بالنسبه له ..ايه اللى مستنيه يحصل و يكون بكدا وصل لمرحله السلام !

رغم انى مش منهم بس انا بحب قوى الناس اللى بتعرف تتريق على كل حاجه فى حياتها و تحول المواقف لحاجه تضحك! كان نفسى اكون منهم او يكون اى حد فى عيلتى كدا ...الناس اللى بتهزر طول الوقت و مهما كنت متدايق بتعرف تطلعك من دا بقفشه مضحكه من غير اى مجهود منها فى التفكير..فى عائلات كامله بيبقى جيناتها كدا ..بس للاسف احنا معندناش الجين دا خالص ..حتى سلام نفسه يبقى مضحك ..كتير يسالنى ابقى كدا ازاى ..بس مش بعرف اقوله يعملها ازاى دى :) جه للشخص الغلط خالص!

حاجه سخيفه جدا انك تبقى حاسس انك متراقب و خايف تتكلم بحريه! خايف تكتب عشان فى عنين مركزه و مستنيه غلطات او اى حاجه تدينك بيها..الاهتمام جميل ..بس لما بيتحول انه يبقى تجسس مش اهتمام بيبقى شيء سخيف ..انا بقيت بكره اكتب ساعات كتير فى الفيس بوك او فى اى حته عشان فى ناس بحسهم بيلصصوا عليا..عارفين اخبارى ..بس مفيش لايك ..مفيش كومنت ..مفيش اى ايحاء بدا ..انا بكره اكون شماعه لاى حد ..يعنى اللى عايز يعمل حاجه يعملها و اللى مش عايز هو حر ..مليش دعوه انا ..بس كتير بلاقى نفسى بلبس تهم انى كنت السبب ان اشخاص تعمل افعال انا ما اتدخلتش فيها اصلا..يعنى انى ابقى ب عمل حاجه عشان ابنى مثلا ..فهو ابنى مش السبب اللى الومه و اقوله انت عملت فيا كدا..هو السبب انى اخدت القرار ..بس فى الاخر انا اخدت قرار انى اعمل الفعل مش هو..محدش بياخد قرار بالنيابه عن حد و لو حتى فى ضغوط او ظروف فكل واحد فينا بياخد قراره و بتخرب على دماغه هو اولا! يعنى انا اخدت قرار اعمل بلوج و اكتب فيه..دا قرارى الشخصى محدش بيقولى اكتبى امتى و المفروض محدش يقولى اكتبى ايه او يرجع يناقشنى انى ازاى كتبت كدا! انا حره! ففكره الصوابع اللى بتفخت عينى كتير بقى ..انتى ..انتى ..انتى..حاجه بتخقنى ومخليانى بتنفس بصعوبه ....

اكتر احساس رخم فى هذا الكوكب الكره ..زمان ما كنتش بفهم يعنى ايه حد يكره حد اصلا بس مع الزمن اتعلمت اكره من كتر ما فى ناس جبابره فعلا..تلخبط حياتك و تكاد تدمرها و هى اصلا ما بتتكلمش حتى ..بس تلاقى صوابعهم فى كل صغيره و كبيره فى دنيتك فبتكرهم غصب عنك خصوصا لما تكون كنت مادد ايدك فى الاول و الايد دى نفسها اتقلبت و ضربتك اكبر اقلام اخدتها فى حياتك!المشكله ان الكره دا حاجه بتسممك انت قبل الناس اللى انت كارههم و لو كان فى ايدى كنت محيتهم من قاموسى اصلا عشان انساهم بس للاسف مش هقدر لانهم ورايا ورايا و دا بقى مش اختيارى بس اختيارى انى ما اكلمهمش على الاقل ..على الاقل ما احاول اتناساهم!

فى ناس تانيه بقى مهزوزه ..طول الوقت تحسها خايفه ..و بتدور على صورتها فى مرايه الناس التانيه رغم انها تبان متزنه جدا..برضه مع الوقت انت بتتعب..لانى انا نفسى مهزوزه فى حاجات تانيه ..احساس سخيف انك تفضل تنتع و تتكلم و تكتب و المتلقى يبقى مش مهتم باى تفاصيل غير هو فين من الكلام ..بيحاول يكون صوره عن نفسه من كلامك بدل ما يحس بمشكلتك او يفهم معاناتك ..دا متلقى متعب و متمحور حوالين ذاته و بالتالى قلته احسن ..لانه متعب ..طول الوقت بيفسر كل حاجه على شخصه و يحولها لكلام ممكن ما تكونش بتقصده و لو بقى دخلتم فى حوار بيبقى حوار عجيب ملوش علاقه باى حاجه اصلا! على فكره من حق كل بنى ادم انه يعبر عن اللى جواه من غير ما يجرح اللى حواليه ...و انا من حقى اتكلم ان شاء الله اقول الكوكب دا كله بنى ادمين زفت و ووحوش مش بشر ..مدام مش بقول اسم حد ..فمن حقى اعبر عن احساسى ..لكن احساس ان بقى لازم اتكتم دا قاتل ..هو انا هعيش امتى عشان اتكلم ..يعنى لا ابقى عايشه عيشه عدله و لا حتى حلال اتكلم! يارب الفرج من عندك ..انا تعبت !

امبارح كان عيد ميلاد سلام ..اكيد مبسوطه بس فى حبه حزن كدا على جنب بحاول احسسنى انهم مش موجودين ..رغم انى عملت دوشه كبيره تلهينا احنا الاتنين و تحسسنا اننا مش لوحدنا..بس برضه لحظه المرواح و المجى و انا محتاسه وسط كل التفاصيل و طاقتى البشريه محدوده بشخصى ..احساس ان مفيش صور للعيد ميلاد اصلا و لا انا حتى اتصورت معاه..كان الايام بتعدى من غير ذكريات ..بتعدى ممسوحه !انه الاكتئاب ....بس بحاول اقول انى كويسه و انى مبسوطه..بس الحياه صعبه انها تتعاش و انت لوحدك  ..و سيب الشريك على جنب لان اصلا مش كل البشر عندها رفاهيه انها تبقى عندك شريك فى الدنيا و تتجوز و تخلف ..لكن فى علاقات المفروض انها نظريا موجوده عند اغلب البنى ادم و ان كانت بتتمحى مع الغربه او مع ظروف عائليه محزنه زى وضع سلام مثلا ..بس لما ببص لنا فى حالنا هنا ..مفيش اخ او اخت ..اب او ام ..خال عم ..صاحب حتى بس بيقف فى ظهرت ..تبقى بطولك كدا لو عييت  او حتى مت فى بيتكم ما حدش هيكتشف دا اصلا غير اهلك اللى على بعد ايام او ان سلام يتصرف مش عارفه هيتصرف ازاى ..بس لو انا و هو جرى لنا حاجه محدش فعلا هيكتشف اختفائنا او يخبط على بابنا!امبارح فى ناس كتير تطوعت تساعد و اظن انى امبارح اكتشف ناس من اول و جديد اصلا ..بس بما انى لا اعمل فعلى الاقل اللى عنده شغل لو غاب يوم هيكلموه  .يشوفوا اختفى فين..بس انا ما بروحش فى اى حته تخلينى اعمل علاقات مع ناس تفرق فى حياتى اصلا و كل علاقى محدوده جدا  ..ورغم انى اعرف بنت ظروفها متقاربه جدا لظروف وحدتى هنا بس تفاصيلنا كلها مختلفه و لما بركز فى تفاصيلى برجع احس ان ايوه خوفى منطقى و طبيعى ..انا معنديش حد من اهلى يقدر يزورنى حتى اصلا لظروف ماديه و صحيه و حتى مفيش حد من عيلتى كلها معاه فيزا اصلا يدخل اروبا وقت ما يحب ..انعزال تام فعلا..مش زيارات رايحه جايه!يعنى كنت بكلمها على خروجه كنا بنفكر نروحها قالت لى مش هينفع عشان ابو اولادها جاى و هيروحوها مع بعض ..هما فعليا بشوفوا اى طرف من عيلتهم على الاقل مره كل شهرين سواء هما نزلوا او حد جالهم مش زيى انا وسلام ..ممكن نقعد بالعشر شهور كل علاقتنا باهلنا فيديو كول من وقت للتانى...فكره اننا ننزل اجازه عامله زى الحلم ..و لما بحجز تذاكر الطيران ببقى عارفه اننا هندفع تمنها زنقه شهور بس ما اقدرش ابعد اكتر من كدا! و فكره ان حد يزورنا مكلفه اكتر و اكتر..كتير " شريكى" كان ساعات يقول عليا ماديه ..بس لما بفكر فى تفاصيل الحياه ..انا مش ماديه ..بس ما هو كل ما بتفكر فى حاجه نفسك تعملها و مش بتقدر غالبا بيكون السبب مادى! اه البعد صعب ..بس فى تفاصيل بتصعب غربتك ..لما تبقى مش معاك تمن تذكره طيران و محبوس فى المكان اللى انت فيه لاعارف تسافر و لا عارف حد يزورك و لو حصلت و حد زارك تبقى زياره تقعدوا بعدها شهور فى كرب مادى ..الحاجات دى بتزود من وحشه الغربه و بتصعبها ..الحمد لله ربنا ساترها معايا من ساعه ما جينا ..بس لسه جوايا الرعب دا بتاع لو وقعت فى الشارع و سلام فى المدرسه ..مين هيكتشف انى اختفيت و يروح يجيبه ..و هو هيعمل ايه!..يارب الهمنا القدره و الطاقه و استر طريقنا يارب و ما تخليناش نشوف يوم صعب زى دا!طبعا اغلب الابهات و الامهات بتنزل البوست بتاع اجمل حاجه حصلت فى حياتى و احلى يوم فى عمرى و انا بصراحه لما حاولت حتى اكتب ما عرفتش حسيت انى دماغى فاضيه و ان كلام هقوله ملوش معنى قصاد احساسى ..بس فعليا هو سلام محور حياتى اصلا..الحقيقه الوحيده الموجوده فىها و اللى على الاقل مستقره رغم برضه طلعاتها و نزلتها ..بس على الاقل هى علاقه واضحه و معروف انه غالبا احنا مع بعض الا لو حصلت حاجه اكبر من اختياراتنا! ..و مهما قلت كلام صعب اوصف يعنى ايه يوم عيد ميلاده هو ميلادى التانى او ميلادى الفعلى..رغم انى شايفه انى ام مهمله و مقصره جدا و زعلانه من نفسى بس فعلا الواحد لما بيخلف بيتغير كتير ..يمكن مش كل الناس ..بس انا من لحظه انى حسيت انى ممكن ابقى حامل و كان فى روح لبستنى :) بقيت مجنونه اكيد بس كمان بقيت حساسه اكتر ..بحب الاطفال بشكل جنونى و لو كنت اقدر كنت خلفت دسته و عشت وسطيهم !حقيقى العيال عزوه و انك يبقى عندك امل بيكبر قدامك فى طفل صغير دا اجمل احساس فى الوجود ..المشكله بس انهم بيكبروا بسرعه قوى و مش بنلحق نقفش اللحظات ! كان نفسى يبقى عندى و لو صوره واحده لينا فى مواقف كتير قوى ..بس على الاقل انا بحاول اصوره هو!!

يا خالق الكون بالحساب و الجبر

و خالقني ماشي بلختيار و الجبر

كل اللي حيلتي زمزمية أمـــــــل

وازاي تكفيني لباب القــــــــــــبر؟

عجبي !!

ازاى ابتديت و وصلت لايه وياترى النهايه هتكون ايه..اسئله اظن مفيش حد فينا بيفكر فيها من فتره للتانيه ..بما انى فى حاله التتنيح الفظيع بقالى شهور و داخله على سنه ..عطلت تقريبا و محتاجين نغير الماتور ...فطبعا الاسئله دى ما بتبطلش تزن فى نافوخى ..و المصيبه بقى انى ما بعملش حاجه و نافوخى شغال غير الفرجه على اى حاجه على امل ان الصوت يسكت ..بس ما بيسكتش..بالعكس بيفكرنى بحاجات كنت تعمدت اتناساها من سنين..حاجات بسيطه ممكن توديك فى حتت من الذاكره كنت وقعتها اصلا!...النهارده دولاب فضيات فى فيديو بسيط فى بيت فكرنى بحاجات مش عارفه طلعتها منين من الذاكره ..انا كنت فاكره انى قتلتها اصلا! احيانا بتقرر تقتل حاجات قاصد عشان تقدر تعيش! افتكرت البنت اللى كانت لسه داخله الجامعه عندها 17 سنه و حد بيسالنى فى اول يوم فى الجامعه (مش عارفه سوءال دا يسال ليه اصلا لحد ما تعرفوش! بس هو اتسال وسط حوار طويل اكيد) السؤال عنى انا كطالبه هندسه و ايه طموحاتى و ردى كان بمنتهى الصراحه انى مش فارق معايا كتير انا هتخرج و اشتغل ولا لا قد ما يفرق معايا انى اكون زوجه و ام و لو اقدر غالبا هقعد فى البيت بس دا بشكل معين و فى اطار معين اكيد ..لانى شايفه ان مفيش اى تعارض بين الناس تقرا و تتعلم و بين انها تقرر تقعد فى البيت عشان شايفه ان عندها هدف اكبر..و دا ممكن يبقى لفتره لحد ما الولاد تكبر و تستقر فى دراستها ..المشكله انى ما كنتش بكدب و كل كلمه قلتها قلتها و ان بعنيها لحد النهارده ..بس الدنيا مش دايما بتدينا اللى كنا بنحلم بيه ..البيت ابو عفش دمياط الصغير اللى فى شارع جانبى زى اول الهرم كدا..المكان اللى فضلت سنين اقرا كل يوم جمعه الوسيط و اكلم سماسره ساعات عشان اعرف مساحات او اسعار و تخيلت انى هعيش فيه ..البيت الهادى اللى ريحته بخور وصوت قران جاى من بعيد الصبح ..بيت مرتب فى زوج فرفوش و دايما بيهزر و طفلين او تلاته و انا ما كانش فارق معايا قوى انا هبقى بشتغل او لا ..عندنا عربيه على قدنا و مدارس زى اللى اتربيت فيها او احسن شويه ..بس فى راحه بال..انا فضلت لحد ما اتخرجت من الكليه ما بفكرش اساسا فى انى هشتغل او لا و لا جه فى بالى انى اساسا هشتغل مهندسه! لحد ما جات اول شغلانه بالصدفه و اكتشفت اننا فقرا قوى ! انى لازم اخد مصروف من اهلى فوق المرتب و ان حتى الضحه و صوت القران و الشقه و العربيه المكحكه طلعوا حلم صعب و مش سهل ..ولاقيتنى مضطره افكر فى الشغل واديله جايز يدينى و كل ما احساسى بالامان فى الدنيا كان بيتهز كنت بدور على الشغل اكتر ..و ادور على احلام اكبر ..جايز الاقى فيها الامان..انا خايفه قوى و مش حاسه بالثقه فى اى حاجه ولا اى حد فعلا و حاسه انى مسؤله عن طفل مش عارفه اعمل له حتى ربع الحياه اللى دايما شايفاها فى دماغى دى ....لما تبقى احلامك بسيطه و مشروعه و عاديه و كل يوم الاف الناس بتعيشها و تلاقى نفسك اتحطيت فى حته بعيده عنك جدا لظروف ما اخترتهاش و حياه  مش شبهك ..اظن طبيعى انك تعطل زى ما انا عطلانه كدا! 

اهم حاجه الصحه وراحه البال..كام مره سمعنا الجمله دى و احنا صغيرين و ما فهمناش معناها! انك تنام على مخدتك مش غير ما وسواسك ياكل دماغك دى نعمه كبيره و انك تنام من غير ما تحتاج دوا او ايد تشيلك و تحطك دى نعمه اكبر ..الصحه احيانا بنخسرها لاسباب اكبر مننا و احيانا بنهلكها بادينا و عدم راحه البال بيهلك الصحه و يمكن تكون نهايته الموت او مرض خطير بس بسبب الزن بتاع دماغك كل يوم على مخدتك! و عشان كدا طلعت الصحه مرتبطه بشكل ما اصلا براحه البال و تلاقى الواحد كل ما بيكبر بيكرر يبعد عن اى حاجه بترفع ضغطه عشان العمر واحد و عشان ما حدش هيحاسب على مشاريب عدم راحه البالى غير البنى ادم نفسه فى الاخر! امبارح صباعى اتعور جرح غويط و سلام كام مرعوب و قعد يقولى انا خايف عليكى قوى ..نظره الخوف اللى بشوفها فى عينه كل مره بتعب فيها و انا عارفه من جوايا ان دا مش الوضع الطبيعى بتخلى راحه بال صعبه المنال ..سلام بالنسبه لى مش مجرد ابن ولا انا بالنسبه له امه و بس ..احنا بقينا دنيه بعض ..هو سندى و ونيسى و من غيره بحس بالغربه بجد و من غيرى هو كمان بيحس بالغربه و الخوف!دايما بقولهم انا جيت البلد دى عجوزه و اللى مطلوب منى مش زى اللى مطلوب من اى حد فردانى لسه و برضه توقعاتى مش زى اى حد بطوله!العيله عزوه و انا كان طول عمرى نفسى فى عيله كبيره و دافيه و بتود بعض و النتيجه شكلها غربه ووحده و طفل هيعيش و يموت لوحده...بس احيانا القدر بيكون اقوى من اختيارتنا و احنا ماشيين فى الدنيا بخريطه مش معانا اصلا و لا عارفين ايه فيها!

المهم نحاول ندعى جايز ربنا يستجيب ..بالصحه وراحه البال!!

بنتهرب وبنقاوح وبنجرب عشان ننسى وفي الاخر بنتوتر

بنتهرب وكل نهايه ماتقرب بنتلكك فنتمسك ببعض اكتر

بنستبيع عشان نبعد فنتوجع

وندعي الوقت لو بينا يفوت ابطا

بنتوهم وساعة البعد بنسهم

محدش فينا ساعة الجد جاب منطق

ماحدش فينا بيوافق يودع ولا يتودع

فكل مانيجي نتفارق بنحضن بعض وندمع

بنتظاهر بحاجه مش فينا والظاهر هنختار بعض لو جه وقت نتخير

ودا بيثبت بانه مفيش ولو نسبه واحد في الالف ان احنا هنتغير

ومع ذلك ساعات مابجيش على بالك

وانا بنسى ساعات ان انتي عايشالي

ومع ذلك انا وبس اللي ابقالك

وعارف برضو ان انتي اللي باقيالي

ماحدش فينا بيوافق يودع ولا يتودع

  فكل مانيجي نتفارق بنحضن بعض وندمع و نتهرب

اغنية لمن نشكي حالي سعد المجرد

افتكرتها النهارده و انا قاعده بمارس تتنيحتى اليوميه اللى افتقدتها الشهر اللى فات :) رغم اختلاف اللهجه بس من اكتر الاغانى اللى بحبها لسعد لمجرد

 نصوص التعديلا الدستوريه للتاريخ!
المصدر http://www.sis.gov.eg/Story/188995/%D9%86%D8%B5-%D8%A7%D9%84%D8%AA%D8%B9%D8%AF%D9%8A%D9%84%D8%A7%D8%AA-%D8%A7%D9%84%D8%AF%D8%B3%D8%AA%D9%88%D8%B1%D9%8A%D8%A9-2019?lang=ar

نص صياغة التعديلات الدستورية والتي وافقت عليها لجنة الشؤون الدستورية والتشريعية بمجلس النواب، اليوم 14 ابريل 2019، برئاسة الدكتور على عبد العال، وتم التصويت عليها خلال الجلسات العامة للبرلمان يوم الثلاثاء 16 ابريل 2019.

وأعلنت الهيئة الوطنية للانتخابات إن أيام الاستفتاء ستكون 19 و20 و21 أبريل الجاري للمصريين المقيمين خارج مصر، فيما ستكون أيام 20 و21 و22 أبريل للتصويت داخل مصر.

جدول بالصياغة المقترحة

للمواد المعدلة مقارنة بالنصوص القائمة

النص القائم في الدستور	النص كما وافقت عليه اللجنة
مادة 102/ الفقرة الأولى: يُشكل مجلس النواب من عدد لا يقل عن أربعمائة وخمسين عضوا، يُنتخبون بالاقتراع العام السرى المباشر.	مادة 102/ الفقرة الأولى (مستبدلة): يُشكل مجلس النواب من عدد لا يقل عن أربعمائة وخمسين عضوا، يُنتخبون بالاقتراع العام السرى المباشر، على أن يُخصص للمرأة ما لا يقل عن ربع إجمالي عدد المقاعد.
مادة 102/ الفقرة الثالثة: ويبين القانون شروط الترشح الأخرى، ونظام الانتخاب، وتقسيم الدوائر الانتخابية، بما يراعى التمثيل العادل للسكان، والمحافظات، والتمثيل المتكافئ للناخبين، ويجوز الأخذ بالنظام الانتخابى الفردى  أو القائمة أو الجمع بأى نسبة بينهما.	مادة 102/ الفقرة الثالثة (مستبدلة): ويُبين القانون شروط الترشح الأخرى، ونظام الإنتخاب، وتقسيم الدوائر الانتخابية بما يُراعى التمثيل العادل للسكان، والمحافظات، ويجوز الأخذ بالنظام الإنتخابي الفردي أو القائمة أو الجمع بأي نسبة بينهما.
	مادة (244 مكرراً) (مضافة): يسري حكم الفقرة الأولى من المادة (102) المعدلة اعتباراً من الفصل التشريعي التالي للفصل القائم.
مادة 140/ الفقرة أولى: يُنتخب رئيس الجمهورية لمدة أربع سنوات ميلادية، تبدأ من اليوم التالى لانتهاء مدة سلفه، ولا يجوز إعادة انتخابه إلا لمرة واحدة.	مادة 140/ الفقرة الأولى  (مستبدلة): يُنتخب رئيس الجمهورية لمدة ست سنوات ميلادية، تبدأ من اليوم التالى لانتهاء مدة سلفه، ولا يجوز أن يتولى الرئاسة لأكثر من مدتين رئاسيتين متتاليتين.
	مادة (241 مكرراً) مضافة: تنتهي مدة رئيس الجمهورية الحالي بانقضاء ست سنوات من تاريخ إعلان انتخابه رئيساً للجمهورية في 2018، ويجوز إعادة انتخابه لمرة تالية.
	مادة ( 150 مكرراً) مضافة: لرئيس الجمهورية أن يعين نائباً له أو أكثر، ويحدد إختصاصاتهم، وله أن يفوضهم في بعض اختصاصاته، وأن يعفيهم من مناصبهم، وأن يقبل إستقالتهم. ويؤدي نواب رئيس الجمهورية قبل تولي مهام مناصبهم اليمين المنصوص عليها في المادة 144 من الدستور أمام رئيس الجمهورية. وتسري في شأن نواب رئيس الجمهورية الأحكام الواردة بالدستور في المواد 141، 145، 173.
مادة 160/ الفقرة أولى: إذا قام مانع مؤقت يحول دون مباشرة رئيس الجمهورية لسلطاته، حل محله رئيس مجلس الوزراء.	مادة 160/ الفقرة الأولى  (مستبدلة) : إذا قام مانع مؤقت يحول دون مباشرة رئيس الجمهورية لسلطاته، حل محله نائب رئيس الجمهورية أو رئيس مجلس الوزراء عند عدم وجود نائب لرئيس الجمهورية أو تعذر حلوله محله.
مادة 160/ الفقرة الأخيرة: ولا يجوز لرئيس الجمهورية المؤقت أن يترشح لهذا المنصب، ولا أن يطلب تعديل الدستور، ولا أن يحل مجلس النواب، ولا أن يقيل الحكومة.	مادة 160/ الفقرة الأخيرة  (مستبدلة) : ولا يجوز لمن حل محل رئيس الجمهورية، أو لرئيس الجمهورية المؤقت، أن يطلب تعديل الدستور، ولا أن يحل مجلس النواب أو مجلس الشيوخ، ولا أن يُقيل الحكومة. كما لا يجوز لرئيس الجمهورية المؤقت أن يترشح لهذا المنصب.
مادة 185: تقوم كل جهة، أو هيئة قضائية على شئونها، ويكون لكل منها موازنة مستقلة، يناقشها مجلس النواب بكامل عناصرها، وتدرج بعد إقرارها فى الموازنة العامة للدولة رقماً واحداً، ويؤخذ رأيها فى مشروعات القوانين المنظمة لشئونها.	مادة 185 (مستبدلة) : تقوم كل جهة أو هيئة قضائية على شئونها، ويؤخذ رأيها في مشروعات القوانين المنظمة لشئونها، ويكون لكل منها موازنة مستقلة. ويعين رئيس الجمهورية رؤساء الجهات والهيئات القضائية من بين أقدم سبعة من نوابهم، وذلك لمدة أربع سنوات، أو للمدة الباقية حتى بلوغه سن التقاعد، أيهما أقرب، ولمرة واحدة طوال مدة عمله، وذلك على النحو الذي ينظمه القانون. ويقوم على شئونها المُشتركة مجلس أعلى للجهات والهيئات القضائية ، يرأسه رئيس الجمهورية، وعضوية رئيس المحكمة الدستورية العليا، ورؤساء الجهات والهيئات القضائية، ورئيس محكمة استئناف القاهرة، والنائب العام. ويكون للمجلس أمين عام، يصدر بتعيينه قرار من رئيس الجمهورية للمدة التي يحددها القانون وبالتناوب بين الجهات أعضاء المجلس. ويحل محل رئيس الجمهورية عند غيابه من يفوضه من بين رؤساء الجهات والهيئات القضائية. ويختص المجلس بالنظر في شروط تعيين أعضاء الجهات والهيئات القضائية وترقيتهم وتأديبهم، ويؤخذ رأيه في مشروعات القوانين المنظمة لشئون هذه الجهات والهيئات، وتصدر قراراته بموافقة أغلبية أعضائه على أن يكون من بينهم رئيس المجلس.
مادة 189/ الفقرة الثانية: ويتولى النيابة العامة نائب عام يختاره مجلس القضاء الأعلى، من بين نواب رئيس محكمة النقض، أو الرؤساء بمحاكم الاستئناف، أو النواب العامين المساعدين، ويصدر بتعيينه قرار من رئيس الجمهورية لمدة أربع سنوات، أو للمدة الباقية حتى بلوغه سن التقاعد، أيهما أقرب، ولمرة واحدة طوال مدة عمله.	مادة 189/ الفقرة الثانية  (مستبدلة) : ويتولى النيابة العامة نائب عام، يصدر بتعيينه قرار من رئيس الجمهورية من بين ثلاثة يرشحهم مجلس القضاء الأعلى، من بين نواب رئيس محكمة النقض، والرؤساء بمحاكم الإستئناف، والنواب العامين المساعدين، وذلك لمدة أربع سنوات، أو للمدة الباقية حتى بلوغه سن التقاعد، أيهما أقرب، ولمرة واحدة طوال مدة عمله.
مادة 190: مجلس الدولة جهة قضائية مستقلة، يختص دون غيره بالفصل فى المنازعات الإدارية، ومنازعات التنفيذ المتعلقة بجميع أحكامه، كما يختص بالفصل فى الدعاوى والطعون التأديبية، ويتولى وحده الإفتاء فى المسائل القانونية للجهات التى يحددها القانون، ومراجعة، وصياغة مشروعات القوانين والقرارات ذات الصفة التشريعية، ومراجعة مشروعات العقود التى تكون الدولة، أو إحدى الهيئات العامة طرفاً فيها، ويحدد القانون اختصاصاته الأخرى.	مادة 190 (مستبدلة) : مجلس الدولة جهة قضائية مستقلة، يختص دون غيره بالفصل فى المنازعات الإدارية، ومنازعات التنفيذ المتعلقة بجميع أحكامه، كما يختص بالفصل فى الدعاوى والطعون التأديبية وقرارات مجالس التأديب، ويتولى الإفتاء فى المسائل القانونية للجهات التى يحددها القانون، ومراجعة مشروعات القوانين والقرارات ذات الصفة التشريعية، ومراجعة مشروعات العقود التي يحددها ويحدد قيمتها القانون، وتكون الدولة أو أحدى الهيئات العامة طرفاً فيها، ويحدد القانون اختصاصاته الأخرى.
مادة 193/ الفقرة الثالثة: وتختار الجمعية العامة رئيس المحكمة من بين أقدم ثلاثة نواب لرئيس المحكمة، كما تختار نواب الرئيس، وأعضاء هيئة المفوضين بها، ويصدر بتعيينهم قرار من رئيس الجمهورية، وذلك كله على النحو المبين بالقانون.	مادة 193/ الفقرة الثالثة  (مستبدلة) : ويختار رئيس الجمهورية رئيس المحكمة الدستورية من بين أقدم خمسة نواب لرئيس المحكمة. ويعين رئيس الجمهورية نواب رئيس المحكمة من بين إثنين ترشح أحدهما الجمعية العامة للمحكمة ويرشح الآخر رئيس المحكمة. ويعين رئيس هيئة المفوضين وأعضاؤها بقرار من رئيس الجمهورية بناءً على ترشيح رئيس المحكمة وبعد أخذ رأي الجمعية العامة للمحكمة، وذلك كله على النحو المبين بالقانون.
مادة 200/ الفقرة الأولى: القوات المسلحة ملك للشعب، مهمتها حماية البلاد، والحفاظ على أمنها وسلامة أراضيها، والدولة وحدها هى التى تنشئ هذه القوات، ويحظر على أى فرد أو هيئة أو جهة أو جماعة إنشاء تشكيلات أو فرق أو تنظيمات عسكرية أو شبه عسكرية.	مادة 200/ الفقرة الأولى  (مستبدلة) : القوات المسلحة ملك للشعب، مهمتها حماية البلاد، والحفاظ على أمنها وسلامة أراضيها، وصون الدستور والديمقراطية، والحفاظ على المقومات الأساسية للدولة ومدنيتها، ومكتسبات الشعب وحقوق وحريات الأفراد، والدولة وحدها هي التي تنشئ هذه القوات، ويحظر على أى فرد أو هيئة أو جهة أو جماعة إنشاء تشكيلات أو فرق أو تنظيمات عسكرية أو شبه عسكرية.
مادة 204/ الفقرة ثانية: ولا يجوز محاكمة مدنى أمام القضاء العسكرى، إلا فى الجرائم التى تمثل اعتداءً مباشراً على المنشآت العسكرية أو معسكرات القوات المسلحة أو ما فى حكمها، أو المناطق العسكرية أو الحدودية المقررة كذلك، أو معداتها أو مركباتها أو أسلحتها أو ذخائرها أو وثائقها أو أسرارها العسكرية أو أموالها العامة أو المصانع الحربية، أو الجرائم المتعلقة بالتجنيد، أو الجرائم التى تمثل اعتداءً مباشرًا على ضباطها أو أفرادها بسبب تأدية أعمال وظائفهم.	مادة 204/ الفقرة الثانية  (مستبدلة) : ولا يجوز محاكمة مدنى أمام القضاء العسكرى، إلا فى الجرائم التى تمثل اعتداءً على المنشآت العسكرية أو معسكرات القوات المسلحة أو ما فى حكمها أو المنشآت التي تتولى حمايتها، أو المناطق العسكرية أو الحدودية المقررة كذلك، أو معداتها أو مركباتها أو أسلحتها أو ذخائرها أو وثائقها أو أسرارها العسكرية أو أموالها العامة أو المصانع الحربية، أو الجرائم المتعلقة بالتجنيد، أو الجرائم التى تمثل اعتداءً مباشرًا على ضباطها أو أفرادها بسبب تأدية أعمال وظائفهم.
مادة 234: يكون تعيين وزير الدفاع بعد موافقة المجلس الأعلى للقوات المسلحة، وتسرى أحكام هذه المادة لدورتين رئاسيتين كاملتين اعتبارا من تاريخ العمل بالدستور.	مادة 234 (مستبدلة) : يكون تعيين وزير الدفاع بعد موافقة المجلس الأعلى للقوات المسلحة.
مادة 243: تعمل الدولة على تمثيل العمال والفلاحين تمثيلاً ملائماً فى أول مجلس للنواب يُنتخب بعد إقرار هذا الدستور، وذلك على النحو الذى يحدده القانون.	مادة 243 (مستبدلة) : تعمل الدولة على تمثيل العمال والفلاحين تمثيلاً ملائماً في مجلس النواب، وذلك على النحو الذى يُحدده القانون.
مادة 244: تعمل الدولة على تمثيل الشباب والمسيحيين والأشخاص ذوى الإعاقة والمصريين المقيمين فى الخارج، تمثيلاً ملائماً فى أول مجلس للنواب يُنتخب بعد إقرار هذا الدستور، وذلك على النحو الذى يحدده القانون.	مادة 244 (مستبدلة) : تعمل الدولة على تمثيل الشباب والمسيحيين والأشخاص ذوى الإعاقة والمصريين المقيمين فى الخارج تمثيلاً ملائماً في مجلس النواب، وذلك على النحو الذى يحدده القانون.
	مادة (248) (مضافة): يختص مجلس الشيوخ بدراسة وإقتراح ما يراه كفيلاً بتوسيد دعائم الديمقراطية، ودعم السلام الاجتماعي، والمقومات الأساسية للمجتمع وقيمه العليا، والحقوق والحريات والواجبات العامة، وتعميق النظام الديموقراطي وتوسيع مجالاته.
	مادة (249) (مضافة): يؤخذ رأي مجلس الشيوخ فيما يأتي: -          الإقتراحات الخاصة بتعديل مادة أو أكثر من مواد الدستور. -          مشروع الخطة العامة للتنمية الاجتماعية والاقتصادية. -          معاهدات الصلح والتحالف وجميع المعاهدات التي تتعلق بحقوق السيادة. -          مشروعات القوانين ومشروعات القوانين المكملة للدستور التي تحال إليه من رئيس الجمهورية أو مجلس النواب. -          ما يحيله رئيس الجمهورية إلى المجلس من موضوعات تتصل بالسياسة العامة للدولة أو بسياستها في الشئون العربية أو الخارجية. ويبلغ المجلس رأيه في هذه الأمور إلى رئيس الجمهورية ومجلس النواب.
	مادة (250) (مضافة): يُشكل مجلس الشيوخ من عدد من الأعضاء يُحدده القانون على ألا يقل عن (180) عضواً. وتكون مدة عضوية مجلس الشيوخ خمس سنوات، تبدأ من تاريخ اول اجتماع له ، ويجري انتخاب المجلس الجديد خلال الستين يوما السابقة على انتهاء مدته. وينتخب ثلثا أعضائه بالإقتراع العام السري المباشر، ويعين رئيس الجمهورية الثلث الباقي. ويجرى انتخاب وتعيين أعضاء مجلس الشيوخ على النحو الذي ينظمه القانون.
	مادة (251) (مضافة): يشترط فيمن يترشح لعضوية مجلس الشيوخ أو من يعين فيه أن يكون مصرياً، متمتعاً بحقوقه المدنية والسياسية، حاصلاً على مؤهل جامعي أو ما يعادله على الأقل، وألا يقل سنه يوم فتح باب الترشح عن خمس وثلاثين سنة ميلادية. ويبين القانون شروط الترشح الأخرى، ونظام الإنتخاب، وتقسيم الدوائر الانتخابية بما يُراعى التمثيل العادل للسكان والمحافظات، ويجوز الأخذ بالنظام الإنتخابي الفردي أو القائمة أو الجمع بأي نسبة بينهما.
	مادة (252) (مضافة): لا يجوز الجمع بين عضوية مجلس الشيوخ ومجلس النواب.
	مادة (253) (مضافة): رئيس مجلس الوزراء ونوابه والوزراء وغيرهم من أعضاء الحكومة غير مسئولين أمام مجلس الشيوخ.
	مادة (254) (مضافة): تسري في شأن مجلس الشيوخ الأحكام الواردة بالدستور في المواد 103، 104، 105، ، 107، 108، 109، 110، 111، 112، 113، 114، 115، 116، 117، 118، 119، 120، (121/ فقرة 1، 2)، 132، 133، 136، 137، وذلك فيما لا يتعارض مع الأحكام الواردة في هذا الباب، وعلى أن يباشر الاختصاصات المقررة في المواد المذكورة مجلس الشيوخ ورئيسه.
	مادة حذف: يُحذف عنواني الفصلين الأول و الثاني من الباب السادس من الدستور.