awel mara a7es en akl el mango sa3b awy , msh 3arfa a7arak sawab3i! kol da 3ashan akalt mangaya w so3'ayara awy kaman! begad el wa7ed ma ba2ash fih se7a ...:(!! hamd lelah!!

ya tara hakoun el sana el gaya zay el yomein dol ba7adar fi wara2i , wala hakoun fein? , ya tara ha3raf anga7 ma3a dof3eti w akon ma3ahom w e7na benstelem el shehadat ?? wala ha3mel zay el gam3a w a7'alas fi 2014!!mar3ouba w msh 3arfa eih lazmet kol da , msh ana kont awla be el wa2t w el felous , msh kan zamani me7'alasa term fi el ma3had , w gebt el 5D merta7a ...kan zaman 7ayati etrasamt 3ala el 2a2al badal mana 3amla zay el beyr2oso 3ala el 7abl , w lazem a7'tar bein a7lami , w bein 7ayati!!ana kont hab2a mabsouta aktar be el camera w el ma3had mn el MBA begad ,kont ha7es eni e7'tart sa7! w el somme wa7ed at the end! w kan momken asfer paris atfasa7 bardo..msh lazem arou7 3ashan astelem el shahada ya3ni!!msh fahma eih el dema3' el zeft di , 2al eih msh mesafra 3'eir w ana bastelm el shahada w cancelt safareyt el fos7a , walahi habla! kolohom 2alo li keda w ana ely nasheft dema3'i , even papa told me that w ana ely sammemt , elbesi ba2a ya 7elwa , ya rab bas ba3d kol da te7'alasi fi ma3adek w tesafri ma3a dof3etek at the end!



ana kont 3ayza ad7'ol el ma3had begad this time , awel mara ab2a met3ala2a be el ma3had keda ! yemken 3ashan awel mara a7es eni momken at3alem ma3a nas a2dar at3amel ma3ahom , msh zay el manazer ely kont bashofha ayam ma kont baro7 , w aslan ana sure eni law ro7t w la2t nafs el manazer hatfash , ana nefsi at3alem bas fi gaw egtema3i nedef , msh na2sa fa23et marara begad!

الدنيا دي غريبة و متعبة أوي وأنا اكتشفت بعد ال-30 اني ما بالش هدف واضح فيها وما باتش عرفة أنا عايزة إيه ولا رايحة فين ..مش غاوية نكد ولا أصبحت بأتيؤه أصلاً ...

مش عرفة ليه ساعة في أغاني بتردد في ودني من غير مناسبة . يعني أنا مش بحت هاني شاكر ومش بسمعه بس في أغنية بيتردد كتير في ودني بتزن!

كل سنة و كل الناس كويسين وطيبين ومبسوطين ومعيدين يا رب 

انا بتاخد منك انا بتشد لغيرك

ايوة انا بخرج منك بدخل عالم غيرك
ببعد غصب عنى وبودع لياليكى واللى
فاضلك منى قلقى وخوفى قلقى وخوفى عليكى
اتحدت وحاولت ماحبش علشان خاطر افضل ليكى اتحدت الحب علشانك
واتعودت اتغرب فيكى بس الحب اللى اتحدته انا معرفش ازاى كنت حباتهشد ايديه سبت ايدكى
انا بتاخد منك كنت معاكى بكل مشاعرى مقدرتش تخدينى حبيبك وانتى اكيد حساتى وعارفه
انى فى لحظة صدق هسيبك ليه بدارى
الاحزان فى ملمحك انا مش بيعك
انا مش جرحك قلبى اتحمل واتخيلتى بعد ده كله مش هيسيبك انا بتاخد منك

مش عارفه اوصف احساسى النهارده !! مدروخه جدا من البرد و ماريفه من الحر و مخنوقه من الشغل و زعلانه انى ما بصليش و رمضان خلص و برضه ما عنديش دم حتى اقوم اصلى العشا ..بقيت مقرفه بجد ..ايه اللى حاصل لى مبرجلنى كدا اليومين دول ..يخرب بيت الفكر و اللى بيفكروا يا شيخه ..دا انت تفكيرك قلته احسن!

النهارده ..حر ..زكام ..دروخه ..رغى ..س ل ايه ..اتكسر بسبب حد بيتدلع الله يكرمه ..و الله صعبان عليا محمد بجد ..كان نفسى اساعده فعلا ..و كل ما بقول هكلمه بخاف لحسان يكون نايم ..ربنا يكرمه ..ما لحقتش التورته اللى بالمانجو بتاعت هوليدى ان النهارده ..للمرة العاشرة!..قورت باذنجان لامى ..ثم عملت الغريبه و خلصتها الحمد لله ..و هروح انام ..بس كدا !!

كان نفسى اسافر الهند السنه دى بس السفريه طارت لاسباب كتير للاسف ...بس برضه لسه بحب الهند و ان شاء الله اقدر اروحها فى يوم ...و بالمناسبه العظيمه دى ..احب اسمع فى الهند ام العجايب ...يا ترى لسه فى سوتى فى 2012 ..يا ترى لسه فى حب ووفاء بجد؟؟لسه فى امل ..؟؟و لا العالم المادى اللى عاشين فيه دا قتل كل حاجه ...دا اللى كنت بفكر فيه النهارده و انا بقور الباذنجان ..يا ترى لسه فى ستات بتقور لحد يومنا هذا ..و لا اخترعوا ماكينه التقوير و انا اللى متاخرة و لسه ما اعرفش عنها حاجه :)!!

و دى بقى ..اغنيتى المفضله من يجى شهرين كدا ..و كل ما بسمعها بحمد ربنا على نعمته و اضحك ..بتضحكنى قوى لما بفكر انى ممكن اكون مكانها ...بحسه موقف يضحك ..بس لكن انا برضه قويه ..اصلى يا ولاد عنديه ..و اجنن بلدين !!

عندى صاحبتى بسم الله ما شاء الله اكتشفت ان عندها 3 توام بنت وولدين ..ربنا يخليهم لها بجد ..و يقويها على مصاريف مدارسهم :) من يوم ما عرفت الحكايه دى و انا ماشيه متنحه ..يعنى الواحد يجيب بتاع 60 الف مصاريف مدراس كل سنه منين ..هى الناس بقت بتقبض كام دلوقتى و التانى اللى يغيظنى و يقولى انا اقدر افتح بيتين و ادخل كل الولاد مدارس كويسه ..هو الاخ بيشتغل حرامى بعد الظهر؟؟الحاة بقت صاعبه و صاحبتى و جوزها بيشتغلوا عشان يقدروا يصرفوا على ولادهم و يعيشوهم زى ما هما اتربوا ..بس واضح ان حتى اننا نقدر نخلى ولادنا يعيشوا فى نفس الرفاهيه اللى اتولدنا فيها ..صعب فى مصر المحروسه ..بجد ..البلد دى بلد العجايب ..

الاغنيه اللى جايه بقى ..بمناسبه الدرس و الحوسه السوده اللى انا محتاسها الويمين دول ..مش لو كنت ارفع 50 كيلو كان زمان الحياة اسهل :)..يالله بقى ..حصل خير 

هقفل النهارده باغنيه فى فيلم بحبه قوى ..عشان بيدينى امل فى الدنيا ..اخر افلام الزمن العبيط ..اللى كان بيحسسنى ان كل حاجه سهله ..شافها حبها اتجوزها ..و نسى كل الفروق ..عبط الافلام اللى ما بنشفوش فى الواقع ابدا ..وتوته توته توته و لا نخلص الحدوته !!

تصبحى على خير يا مجننانى ..ربنا يهديكى يا حبيبتى!

دا احساسى النهارده ..و انا عامله نفسى نايمه!!


و على مين يا بتاع الفركيكو



اطلع يا بتاع الفركيكو ...اه دا انا عارفاك ..الفركيكو ...انا بخرف قوى اليومين دول


كان ناقصنى الحته بتاعت و طلب لى بيرة من هاللو شلبى عشان اكمل المجموعه ..بس ما عرفتش اطلعها لوحدها ...دا احساس النهارده ..و لا عزاء للسيدات!

https://www.facebook.com/photo.php?fbid=501623576521465&set=a.486840034666486.126262.486472984703191&type=1&ref=nf

انا بحب احمد الشقيرى قوى ..و فى وقت ..كنت بدعى و بعيط و انا بدعى ان ربنا يرزقنى زوج زيه ..بجد الراجل دا جميل فى كل حاجه..و اكتر حاجه بتعجبنى فيه روحه ..ربنا يجازيه عننا خير يا رب

WHAT I'M DOING IN THAT LIFE!! WHAT IS MY MESSAGE FOR THE EARTH!!!!!!!

يا عزيزة فرفشى..ليه النكد دا يا امى بس على المسى كدا ..انتى يا بنتى فاضيه شكلك كدا و الفاضى بيعمل ايه يا حبيبتى ؟؟...

هو ليه الواحده بتبقى حاسه بالوحده لو مفيش راجل فى حياتها ..يا ترى بتفتقد الخناقات؟؟الاوامر..العند؟؟الانانيه؟؟انه ما بشوفش غير نفسه ساعات؟؟بتفتقد اللى ينكد عليها عيشتها؟؟ولا اللى بيقارنها بالف واحده اقل منها فعلا ...رغم انها بيبقى جواها الف مقارنه ..و بتكبر و تقول ما هو فيه مميزات احسن اكيد منهم فى حاجات تانيه ؟؟؟الراجل اللى بيحسسك انك كائن ناقص ايد او رجل ..و انك اكيد ناقصه عقل ...و انك طرف كائن هولامى زايد فى حياته و يفضل استاصاله ..اللى بيتهم قوى بطريقه كلامك ليه قدام الناس و ما بياخدش باله انك كنتى متدمره قد ايه نفسيا و انتى ببتكلمى اصلا ..و انك لو كنتى متعصبه فدا ما كانش عليه و لا بسببه ..بس غرورة الذكورى بينسيه اننا كلنا بشر ..و اننا لما بنتدايق بنحتاج اللى يمتصنا..مش اللى يعصبنا اكتر ..انا مش عايزة رجاله فى حياتى ..حتى لو كان التمن انى عمرى ما هكون ام ..انا مبسوطه كدا ..و مش ناقصه وجع دماغ و لا حد يتنطط عليا و كل شويه يفكرنى انى ست ..و انى لازم اقول حاضر..لانى مش عايزة اقول حاضر!!

الاغنيه دى مجننانى بقالها فترة بجد ..و ببساطه هو دا احساسى فى لحظات كتير فى حياتى ...انا مش مبسوطه خالص ..مخنوقه قوى ..و حاسه انى مش بعمل اى حاجه مفيده فى عيشتى ..يا خبتى يا ناس



انا كل ما كنت بفكر اعمل شير للاغنيه دى بتكسف! بس الحقيقه انى بسمعها كتير و بحبها ..طب بتكسف ليه ؟؟ و لو بتكسف ..طب بحبها ليه؟؟دا جزء من الازدواجيه اللى انا عايشه فيها؟؟و هل انا لو حدى اللى عايشه فيها؟؟

لا مقدرشى ..لا مش ممكن فعلا ..و بعدين بقى ..حمامى القديم ...و الجديد؟؟انا هروح انام و اسمع عزيزة:)

انا بقيت غريبه قوى ..متبلده و تقيله جدا ..و فى نفس الوقت قنبله موقوته ..بقيت عصبييه بطريقه بتعصبنى!!!و طبعا طول عمرى نكديه ..يعنى زى ما انا فى الحته دى !!

قل اللهم مالك الملك تؤتي الملك من تشاء وتنزع الملك ممن تشاء وتعز من تشاء وتذل من تشاء بيدك  

 الخير إنك على كل شيء قدير

انا بعشق الاطفال ..اتبسطت جدا النهارده ..طول عمرى كنت بدعى ربنا يدينى توأم ..كان نفسى اجيب توام اقفل على كدا ...ربنا يخليهم ..على قد ما كنت متكدره واخده جنب و حاسه بالوحده على قد ما هما بسطونى قوى بجد ..قوى ...مش فاهمه صاحبتى  دى لما بتقولى انا بحب الاطفال قوى عشان كدا ما بتحبش تشوفهم عشان بتقعد  تعيط بعد كدا ...انا حتى لو هعيط سنه ..كفايه عليا فرحه النهارده بجد ..دا انا لما بعيط بعيط عشان مستكترة عليا الفرحه دى و مش متخيله انى ممكن فى يوم من الايام يبقى عندى ملايكه كدا ..و بشكر ربنا عشان فرحنى بيهم فى وسط كأبتى ..انا فهمت انى نكديه اخيرا ..و ادركت انى مش هقدر اكون ام او حتى زوجه ..انا بقيت بجيب لنفسى كبايه المايه باعافيه و امى و ابويا هما اللى بيساعدونى و اللى كنت فاكرة انى هعرف اعمله من 4 سنين ما بقاش فيا خلق و لا صحه ليه و الجواز نصيب و نصيبى ما بعتليش زوج عدل بيساعد و يحب و يرحب انه يشيل ..نصيب ..مش هقدر اتحكم فيه ..بس ليا عنين و دماغ بتفهم انى كمان مش هقدر اجاريه ..و لا فى الست الست و لا فى فلوسنا واحده و لا فى عيلتى عيلتك و لا فى انى ابقى الخدامه ..لانى مش قادره اخدم نفسى اصلا   و بعدين بما انى بقيت عصبيه ..فانا ما بقيش قادره على الحوار مع اى حد!

انا اوقات كتير بتخنق من مجرد انى ما بتعصبش على اتنين ..بجد دا فى حد ذاته بيعصبنى ..

إنَّ اللّهَ يَرْزُقُ مَن يَشَاء بِغَيْرِ حِسَابٍ(37) هُنَالِكَ دَعَا زَكَرِيَّا رَبَّهُ قَالَ رَبِّ هَبْ لِي مِن لَّدُنْكَ ذُرِّيَّةً طَيِّبَةً إِنَّكَ سَمِيعُ الدُّعَاء

مفيش حاجه بعيده على ربنا اكيد ...مفيش اى حاجه بعيده ..ان مع العسر يسر ..كلى امل فى كرم ربنا عليا ...يا رب ...لو فيه خير ..يسرة ..لو فيه خير ..ارزقنى ..يا رب ذريه صالحه ..و لو مش هعرف ..فانا راضيه بحالى و مبسوطه و مش عايزة اكتر من كدا ..شكرا يا رب على كل نعمه ادتهالى و كل حاجه خدتها منى و كنت فاكراها نعمه ..عشان اكيد انت اخدتها منى لانها مش نعمه ..و لانها كانت هتتعبنى ..شكرا يارب