جوايا ممثله كئيبه و نكيديه ..يا باااااااااااااااااااااااى ..يتحب النكد زى عنيها ...لا اكتر من عنيها ..تقولش امينه رزق فى زمانها ..بشعه و ما بتصدق ..تقلب الفرح ..جنازة ..صوان و معازيم ..قصدى معزيين و هاتك يا صويت و عديد ..بجد ..نكديه جدا ..سوده ..شايفه كل حاجه سواا ااااااااااااد ...المشكله بقى انى اصلا ما بحبش النكد و بموت فى الضحك و دايما بهرب من الناس المنشيه و بحب اللمه قوى عشان الهزار و الضحك ..بس ما عرفش صاحبتنا دى ..ما بتصدق ...تلاقينى بس كدا ..متدايقه ..و لا قاعده لوحدى ..و تنط ..ما بتعتقنيش غير لما بيبقى عندى عرض ..عشان بركز فى الشغل و الشحصيه ..غير كدا كاتمه على نفسى ..هو انا بصراحه بحبها ..بس بحس انها بتزودها ااوى ..لا للحياة ..لا للحب ..انا بكره الحياة ..بكرة نفسى ..كلام كبير قوى هى مش قده اصلا ..و لو فضلت تهلفط بيه كتير يمكن تصدق نفسها و ساعتها هنقع انا و هى فى مشكله و نرجع نقول يا ريت اللى جرى ما كان ..بس انا نفسى فى حاجه ..بلاش ندق على كلامها قوى ..نسيبها تطلع و اهى لما تطلع هنا و لوحدها احسن مع تطلع برة على البشر ..و الله انا برة مش سودا كدا قوى ..سوادى دا اغلبه بيطلع هنا ..حتى الصفحه لونها اسود ..حاجه تشجع على الكئابه ..يا شيخ دى النهاردة ما سبتنيش اتهنى بالحفله ( و لو انى مش بحب الحفلا الصلا اوى يعنى ) بس اهو الواحد دافع فلوس عشان يفرج و يسمع ..لكن ما سبتنيش نطت لى و قعدت تكتب ..حد عمرة شاف واحده بتكتب فى حفله مزيكا و الاضاءة اصلا يادوب على القد ..و الله كنت بكتب ساعات فى الضلمه ..و طبعا كلام كله ضلمه و سواد ..بلاش نصدقها على طول و نعتبر انه دور ..ساعات بحب العبه ..اصلى بحب اللعب موت ..زى عنيا بجد بقى و من ضمن اللعب ..لعبه النكديه دى ..وعلى راى احمد سرحان ..الله يكون فى عونه