عظيمة يا مصر ..و مصر هتفضل غاليه علينا ....ما هى مصر هى امى ...و الله زمان يا سلاااااحى ..ترارارالم .. ياللللللللاااااااهوىىىىىىى ىىىىىىىىىىىىىىى ىىىىىىىىىىىىىىى
امبارح لما سمعت ان فى حريق فى شارعنا المعظم ..بصراحه ..و من غير زعل ..فى حاجه جوايا ..مارد شرير ..كان منشكح من اللى سمعته ...فرحه عارمه ..و حاجه بتلعب جوا ..مبسوطه قوى ..اخيرا هيعرفوا الكارثه اللى هما عارفينها اصلا ..كدا كدا المبنى مبنى فاضى ..حجارة هتتحرق يعنى ...بس بيتهيالى هيبقى قلم عشان اللى فوق يحسوا بقى بالمأساه بتاعه سوء التخطيط و التنظيم بتاع المرور فى شوارعنا العظيمه و كميه العشوائيه اللى احنا عايشين فيها
..المهم ..اكيد ما كانش فى تاكسى هيقف ليا ...و بالتالى اخدتها من قاصيرها و قررت امشى ..و قررت بقى رخامه امشى من شارعه ..ايه حقى ...بالدراع كدا ..بيتنا هنا و انا هروح ...حقى بقى ..بصراحه كنت خايفه و انا داخله الشارع رغم انه حق مكفول لكل مواطن و لما دخلت اكتشف ان فى ناس كتييير واقفه تتفرج و تصور بالموبايل ..ههه ..ما طلعت لوحدى اللى هيموتنى الفضول ..فكرت اصور ..بس بصراحه اتكسفت و مشيت ..و انا بتعجب من عربيات المطافى المحشورة وسط زحمة الشارع اللى ما غيروش مسارة و دى كانت نفاجأة الموسم ..انا كنت متخيله انهم هيقفلوة اصلا..الله عليكى يا مصر ..روحت و انا مش جوايا نفس الروح ..و منظر النار ..طفى الشعله اللى كانت جوايا ..و لما روحت حاولت اتفرج على التلفزيون بلا فائدة ..بابا ما كانش بيسيب قناه اكتر من نص دقيقه و بصراحه اتخنقت بعد ساعه من الصداع و التشتيت و انا هموت و اتفرج على برنامج على بعض ..و قررت ادخل قوضتى ..و النهارده الصبح بصيت على الشارع لاقيته زحمة ...وواقف ...اخدتها من قاصيرها وركبت تاكسى ...و بصراحه كل ما كنا بنقرب كنت بحس باحباط اكتر ..و كنت شبة متاكده انى هلاقيها لسه مولعه ..و اتصدمت لما لاقيت دخان من غير نار ..ايه دا .. معقوله قدروا يطفوها ..مش ممكن ..بجد ..و الله ؟؟ بصراحه ثقتى فيهم كانت قربت تنعدم ..ما هو مش منطقى ...جوايا ميت سوال ..ازاى مبنى زى دا ما فيهوش سيستم مقاومه حريق ..هه ..ازاى او لو فيه يبقى مش جامد ..و ازاى بقى ... ازاى يعنى ...اصلا ..مبنى زى دا فى شارع زى دا ..يولع و ما يقفلوش الشارع و تفضل العربيات بتاعة المطافى مزنوقه وسط الزحمة؟؟؟؟...و ازاى بقى كمان طيارات ..طيارات كبيرة كدا يعنى ..تبقى بتطبقى الحريق بجردل ميه بتمليه من النيل ..و يبقوا فرحانين و هما جايبين لنا صورتها و هى بتملى الميه قال ايه يا عينى بستخدموا كل الوسائل المتاحه ..ازاى ؟؟؟؟بجد ..على قد ما كنت فرحانه من امتحان ادارة الازمات اللى كنت متاكده من نتيجته بيقين ..بس حسيت انى زعلانه و انا ببص على المبنى و حاسه ان الناس اللى حواين المبنى مبلوله اكتر بكتيررررررر من المبنى نفسه !!!

و دبقى اغنيه مجننانى .. كل ما بسمعها بعيط و هموت و اعمل عليها حاجه ..جامده جدااااا..و موسيقتها حلوة ..رغم ان فيها حتت بتخرف شويه

نفسي اتكلم تاني معاك.. نفسي عيوني تكون شيفاك ..يالي بعدت عليا كتيييير.. ارجع ليا انا لو وحشاك..

وانا ليك.. ولا عمري ح كون غير ليك.. لو غالية حبيبي عليك ..محتاجة اكون وياك

انا ليك.. خايفة البعد يقسيك.. خايفة الوقت ينسيك.. ارجعلي انا عيزاااااك

الحيـــاه مبقتش حياه والعمر خلاص انا مش عيشاه

انا ايامي مابتعديش

انا احزاني مابتسبنيش

ايوة تعبت خلاص ماليت

انا موش قادرة حبيبي اعيش

وانا ليك.. ولا عمري ح كون غير ليك.. لو غالية ياحبيبي عليك... محتاجة اكون وياك

انا ليك ..خايفة البعد يقسيك ..خايفة الوقت ينسيك ارجعلي انا عيزاااااك

فى اغنيه معلقه معاي من شريط حسام حبيب ..معلق معايا لحنها قوى و مستغربه كلامها بجد ..هو ايه اللى بقوا يغنوه دا ..يمكن معلقه معايا زى لما تسمع نكته و تفضل ترن فى ودنك من كتر ما انت مستغربها ..كل ما افتكرها احس انى عايزة اضحك ..هاااااااااااااااااااااااااااا

لما تشوف اللي الناس في عشرتي تستحملها وعيوبي هتقتلهاانت فجنه وياما تمنى غيرك يوصلها
عديها عديها انا مش ملاك عديهاالدنيا فيها وفيها وانا اهوّن بكتيرعديها عديها انا بحبك عديهاالدنيا فيها وفيها و انا اهوّن بكتير
الحب ماهوش بس كلام بين تنين تقابلو ما هو انا مش قبلودا الحب لما حبيبي يرتاح جمبي واموت واتعبلو
عديها عديها انا مش ملاك عديهاالدنيا فيها وفيها وانا اهوّن بكتيرعديها عديها انا بحبك عديهاالدنيا فيها وفيها و انا اهوّن بكتير
لما تشوف اللي الناس في عشرتي تستحملها وعيوبي هتقتلهاانت فجنه وياما تمنى غيرك يوصلها

طيب ..قلنا ايه بقى ...بقالنا كتييييييير مشفناش بعض ..ما سلمناش على بعض...نفسى ..مش عارفه نفسى فى ايه ....حالا..حاسه بلخبطه ..مم..دخلت مع اخواتى الكم الاسبوع اللى فات فيلم احمد حلمى " اسف على الازعاج " بالظبط يوم الجمعه من 9 ل 12 فى سيتى ستارز ...بصراحه ..الفيلم ما عجبنيش قوى ..رغم انه مكسر الدنيا ..انا بحب احمد حلمى و ثقتى فيه كل شويه بتزيد ..بس ما اعرفش ليه كنت بتوقع اغلب المشاهد قبل ما تحصل ررغم انى ما قرتش عن الفيلم و لا حد حكى له عنه ..بس تقريبا اغلب الحاجات كنت بتوقعها ..حتى النهايه ..بجد ...حاكه شخيفه جدا انك تتقرج على فيلم و تقراه من اوله ..المشكله ان دا غالبا مش بيحصلى ..بس الفيلم دا استفزنى من اول لحظه انى اشغل دماغى ..عكس كل افلام احمد حلمى و بالتالى كانت بجد من المرات القليله جدا اللى ما عرفتش استمتع بفيلم فى السينما و كنت مخنوقه فعلا..طبعا دا ما يمنعش ان فى مجهود جامد جدا و ممثل مالوش حل اسمه محمود حميده بجد ..........جامد جداااااااااااااااا..

-----------------------------------------------------

طيب تعرفى ايه هو اللى دايقك فى الفيلم بجد ..فى مشهد قهرنى ....ما كنتش قادرة امسك نفسى من العياط ..الصراحه ..كل يعرفونى يعرفوا انى بلعب اللعبه دى مع نفسى لما بحس بالوحده ...بشوف ناس و بكلمهم ..بس عقلى بيبقى واعى ان دى لعبه ..الفيلم رعبنى ..خفت ..بس عقلى طول الوقت بيقولى ان مستحيل حد يوصل للمرحله دى طول ما هو مركز وواعى للدنيا ..انا مش مصدقه و مش مقتنعها ..دايما اكيد بتفضل لحظه وعى ماهما حاولت تتناساها ..اكيد ...يعنى و انا بكتب دلوقتى حاسه بيها و بنفسها حوليا ..اكبر منى ..و شعرها ناعم ..كبيرة قوى ..و شكلها زيى ..حاضنه المكان ..انا حاساها و سامعه نفسها و حاسه انها ضاغطه على دماغى ..بس متاكده انها مش موجوده رغم ان ضغط الهوى على ودنى من قربها محسوس جدا و رغم انى مستنيه انها تتكلم !!!...تعرفى..انا اوقات بشوفها فى عنيا و زمان كنت بشوفه و بحسه ..قبل ما احسه ..بس هو راح و هى فضلت ..مش عارفه هى مين ..بس بحسها قريبه منى قوى ..اختى و امى ..و انا الكبيرة ...و بحبها زى صحبتى ...المشهد اللى خلانى اعيط و اللى كان هيخلينى اعيط تانى دلوقتى لما قعد على الارض و هو بيعيط ..و بيقول مش هقدر ..كان بيتكلم انه مش هيقدر يسيبها عشان هيبقى لوحده و هو مش عايز يبقى لوحده ...ليه قلبتها نكد بسس..عموما .حصل خير و اكلنا بنانا سبليت على امل انى انسى و عادى بقى ..كان فيلم ...و خلص ......................

لحظات...حياتنا ..لحظاات..محمد شومان:: دى لحظه بلحظه بتتكون حياة ..و لحظاتنا فى الحياة مفيش اكتر منها ..بس اللحظات اللى بتمسنا بجد ..مش بنقابلها كتير..يا ترى كام لحظه فى حياتك تفتكرها بجد ..هما اكيد كتير..بس فى لحظات بتنط فى دماغنا و بنفتكرها بكل تفاصيلها ...افتكرت و انا نازله على السلم ..من حوالى سنه تقريبا ..لو رجعنا من سنه ليوم 13 يوليو...الصورة فرضت نفسها عليا و انا بكتب عن اللحظات ..لحظه تانيه يوم 20 ابريل ..تتنيحه و عين زايغه ..و تفكير متلخبط ...لحظه و لحظه ولحظه ولحظه..لحظه فرحه و لحظه توترو لحظه حزن و لحظه لهفه و لحظه حب و لحظه كره و لحظه تمرد و لحظه تنمرو لحظه خضوع و لحظه حنان و لحظه تأمل و لحظه جمال ...لحظااااااااات كتير ...افتكرها و انا اصلا كنت داخله اكتب عن لحظه وداع ...خليتنى ادمع ..رغم انه مش باين عليا

وحشنى البلوج قوى..بس اوقات مش بلاقى كلام و اوقات ..كنت ببقى تعبانه من الكلام و اوقات بحس بقله فايدة الكلام و النتيجه ..ان بجد و حشتنى الكتابه ..عايزة احكى حاجات كتير قوى ..حصلت الفترة اللى فاتت ..طبعا الشغل حكاويه مش هتخلص ..كل يوم و انا نازله الصبح الشغل ..غالبا برن فى ودنى اغنية من 2..الاولى : عايزة اروح ..ما تروحشى و التانيه ..يا حبيبتى ليه مستغربه انى سعيد جدا حزين ...بجد ...سعيد جدا ..حزين ...هو دا حالى فى الشغل ..اوقات ابقى طايرة فى السما و اوقات ابقى فاضل لى سنه و اتهور و اقدم استقالتى ...يعنى الناس تمام و مش تمام و المجتمع يبان تمام و مش تمام خالص ..فى كام حد بس تمام جدا و فى حد بجد ...ربنا يعلم ..بنوته بحبها قوى ..بسسسس..شغل ..توتر ..و قرف ..و دوامه و مش نازله شيفتات ..عشان انا ما يقدروش يعتمدوا عليا دلوتى لو كان ليا اصحاب من ايام المدرسه اكيد كان ممكن انزل و يعتمدوا عليا ..او لو كنت بشنب ..يمكن ....المسرح بيروح منى و تعب كل الشهور اللى فاتت بتضيع عشان معنديش حد فى ظهرى ..حاجه بجد زباله من هنا لبكرة ..كل اللى مصبرنى الشغل نفسه ..و الفلوس ..و لانى عارفه كويس انى ماشيه ماشيه ..بالعكس ..لما بفكر كويس بقول عادى ..انت مش بتخسرى كتير و هما ما حاسين هما بيخسرونى قد ايه ..طبعا مش متحمسه نهائى لاى حاجه ..بس فى نفس الوقت مبسوطه بالشغل نفسه ..و حاباة رغم انى لسه متدربكه و خايفه بس ..حاسه انى كان نفسى اشتغل حاجه شبه كدا بشكل من الاشكال يمكن مش نفس الشكل ..بس ما يمنع انى على الاقل محققه اكتر من 65% و دى نسبه كويسه ..مشوار مدينه نصر اتعودت عليه ...و بسس..لا جديد
اكيد فى حاجات كتير تتحكى بس واحدة واحدة مش كل مرة واحدة يعنى

شكلى كدا هحوله لبلوج اغانى ..بسمح حماقى ..لسه ما سمعتوش..بس اكيد هيطلع حلو ان شاء الله ..بجد يجى من شريطين كدا ..حسيت كانى اكتشفت حاجه كانت تايهه عنى ..و بقيت بحب اسمعه جدا ...يعنى نقدر نقول دلوقتى ..سميرة سعيد و حماقى ..فى ناس تانيه كتير ..بس دول بدعبس لهم و اسمع كل اغانيهم مش حاجات و حاجات و طبعا اصاله ..و ناس تانيه كتير منهم السفيق ..يا نهار ابيض ..دا انا لسه ما سمعتش شريطه ..تمام يعنى النهارده عندى مهام جليله ..اسمع شريط السفيق ..على فكرة فيلمه كان لطيف و هو بجد ..رغم الخناقه اللى خارج منها ..بجد ..لطيف ..و صوته حلو ودمة خفيف ..كل مشكلته معايا كلمات شويه اغنى كدا ..مستفزة ..و مين كمان ..ممم ..مش عارفه ..ممكن اسمع حسام حبيب عشان ساموكا ..يالله ..عندى شريطين اسمعهمو اتكلم بقى عن فترة طويله قوى ..ما كتبتش فيها حاجة