ليه؟؟ ليهات كتير فى الدنيا ..ليه الناس بتبقى كويسه و بعدين ما بتبقاش ...ليه؟؟ على راى تامر حسنى بيبقى لينا فيه و بعدين ما بيبقاش ...ليه بنعرف ناس و بنعرف ناس و بنعرف ناس و ليه بنتغير و بننسى و ليه كلامنا هو كمان بيتغير ...ليه نظرتنا للناس بتتغير مع ان الناس بتفضل هى هى الناس و احنا بنفضل زى ما احنا بس علاقاتنا ما بتفضلش ..بيصعب عليا قوى ..ان الناس اللى اعرفهم ..اطلع ما اعرفهمش ...و ازاى نسمع نفس الكلام و نقول نفس الكلام ..رغم المفروض ان احاسينا و علاقتنا مش واحده و قوتها مش واحده ...ازاى نفتكر اننا بنتغير و نلاقى ردود فعل متشابهه من ناس مختلفه ...و ازاى و احنا بنحاول نتفادى الاخطاء و نبقى احسن ..بنلاقى اوقات ردود فعل اسواء ..و كلام اصعب ..مش المفروض ان الواحد لما بيحاول يتغير للاحسن ..بيكون ردود فعل اللى حواليه احسن و لا دى بجملة اللخبطه اللى احنا عايشين فيها؟؟..و اللى هيجننى ليه بنقول اننا بنحب..بنفتكر اننا بنحب... بنحس اننا بنحب ...و بنتصرف كأننا اغراب ...حتى الاخوات بقوا اغراب ..عايشن فى بيت واحد تحت سقف واحد و يمكن كمان فى قوضه واحده و اوقات فى سرير واحد ..بس تعرفوا ..فى حاجه عرفتها و اتاكدت منها..كنت بحاول افهما لامى ..اختى هى اللى هتفضل ..و دمى هو اللى هيشيلنى ..رغم كل البعد و الخلاف ..هما اللى هيفضلوا ..من غير مصالح رغم ان المصالح بتجمعنا اوقات ...بس اختى مش هتقدر تتبرى منى ..مش هتقدر تسيبنى ..اسمنا فى الاخر واحد و رغم كل اللى فى الدنيا ..بس فى الاخر الصل واحد و الارض واحده ...يا رب يخليهم بجد ..عشان انا اكتشفت انهم من احلى النعم اللى انت اديتهوملى
