لما تليفونى بيرن جسمى كله بيتنفض ..هموت و ارد ..بس ارد ليه؟؟ عشان اسمع كلام كله هيقول نفس المعنى؟؟ مفيش فايده؟؟ ارد ليه؟؟ جسمى بترعش جامد جدا ..و قلبى مش بيطاوعنى ...بس و بعدين؟؟ فى حاجه هتتغير ..ما حدش هيخاف عليا ..دى كدبه كنت بوهم نفسى بيها ....لا انا من دمه و لا هو فاكر لى فعلا اى حاجه ..مش فاكرين ليا غير الوحش بجد ..و بقيت دلوقتى انا اللى بعت!!فعلا ..انا اللى بعت ..بدليل دموعى و انا بمضى على ورقه الطلاق ..بدليل مرواحى ليهم قبل و بعد الطلاق ..بدليل كلامى لمامته لحد دلوقتى ..بدليل جريى وراة اكتر من سنه ..دا انا بايعه قوى ..و قاسيه قوى و قويه ..انا جبروت ..اه و الله و ماشيه اظلم فى خلق الله و اتبلى عليهم و اتعبهم فى عيشتهم ..مش راضيه اسيب الخلق للخالق..و الله حرام اللى بعمله فى الناس دا ..لازم ابعد و ربنا يهدينى ..انا تعبانه بجد ..بس برضه يعنى لو كنت رضيت كان ايه اللى هيحصل؟؟
