مش عايزة اقفل البلوج ..بكرة ان حد يضطرنى لدا ..عشان كدا بتمنى ان الناس يكون عندها الامانه العلميه و فى شخص هو عارف نفسه ما يدخلش هنا و ما يقراش اللى بكتبه ..شكرا على الامانه

الدنيا كانت زحمة قوى النهارده ..يمكن لو كنت روحت مشى كان يبقى اسرع ..اكتر من ساعتين فى الطريق و طلع دا كله فى الاخر عشان بيصلحوا كبرى اكتوبر من غير حتى ما يحطوا يافطه ان الكوبرى فيه اصلاحات ..عادى ..انا قضيتهم نووووووم ..يعنى استغلتهم افضل استغلال ..بكرة عندى يوم طوييل..بفتكر اكتر من سنه ..اوقات كتير كنت ببقى محتاجه لحد و الاقينى فى الاخر لوحدى ..و دا ليه ؟؟ لانه الدنيا عمرها ما هتدى محتاج ..و انا الحمد لله ..ما كنتش محتاجه اكتر من الحب ..لان الحمد لله ..مش ناقصنى حاجه ..بس ..بسس.. و بس يا سيدى ..راح و جه غيره ..و يروح و يجى غيرة ..دا طلع كتير قوى و حوليا فى كل حته ...و الناس ..كويسين بجد ..و بيحبونى بجد ...يبقى خايفه من ايه ...فى ناس بتعرف تزغلل العنينين بكلام و احلام و اوهام ووقت الجد هما اول ناس يدوسوا عليك و هما بيجروا قبل ما احلامهم تتهد على دماغك و فى ناس بتحقق و ما بتحلمش ...و انا اتعودت احقق ..ما اتعودتش احلم...و لما كنت بحلم ...كنت ببقى عارفه انى بحلم ..و ان فى فرق بين الحلم ..و الحقيقه..و لا ن فى فرق بجد ..ما عنديش امال عريضات لبعد بكرة ..بس ربنا يكرم ..ما هو بين الحلم و العلم فى بقى حاجه اسمها التوفيق و دى فى الاول و الاخر من عند ربنا ..المهم اننا نحاول ناخد بالاسباب ..مش طلعت كان المفروض اتجوز دكتور ..كانهم كانوا بيتفروجوا معايا على الفيلم ..هااا..دى بجد بقى كانت اخر نكته ..هى و تامر حسنى ..نفسى مرة واحده اسافر و انا مش مفلسه ..دايما بتلطش معايا وقت السفر!!؟

ام كلثوم..اغنية اول مرة اخد بالى منها ..سمعتها النهارده بالصدفه ..بجد حلوة قوى ..عبد الوهاب محمد،الموجى

إسأل روحك
إسأل قلبك
قبل ما تسأل إيه غيّرني
أنا غيّرني عذابي في حبك
بعد ما كان أملي مصبّرني
غدرك بيّ
أثّر فيّ
و اتغيّرت شوية شوية
اتغيّرت و مش بإيدية
و بديت أطوي حنيني إليك
و أكره ضعفي و صبري عليك
و اخترت ابعد
و عرفت أعند
حتى الهجر قدرت عليه
شو ف القسوة بتعمل إيه

كنت زمان بلاقيك بحناني
بحر محبة و بر أمان
كنت باحس ان انت زماني
يومي و بكرة و بعده كمان
كنت باشوفك بعيون حبي
و انت بعيد أو و انت بقربي
أقرب من بسمتي لشفايفي
أقرب من إحساسي لقلبي
بعد الود اللي راعيته لك
بعد الحب اللي وهبته لك
بعد العمر اللي انا عشته لك
فيه إيه تاني أقدمه لك؟
غدرك بيّ
أثّر فيّ
و اتغيّرت شوية شوية
اتغيّرت و مش بإيدية
و بديت أطوي حنيني إليك
و أكره ضعفي و صبري عليك
و اخترت ابعد
و عرفت أعند
حتى الهجر قدرت عليه
شو ف القسوة بتعمل إيه

أنا مانسيتش الحب و عهده
و لا أيامه ولا لياليه
أما ان كان ع الحب لوحده
من غير هجرك أهلا بيه
أنا حيّرني هواك
و أنا علشان انساك
بابعد عن كل مكان
رحته و لو مرة معاك
و اهرب من أقرب ناس
يعرفوا قصتي وياك
و باغيّر أي كلام
بيجيب سيرة لذكراك
وصلتني للحال ده بإيدك
بعد ما كانت روحي ف إيدك
سِبتك و مفيش حد في عمري
يشغل عنك قلبي و فكري
سِبتك من غير حتى ما أفكّر
حأقدر أسيبك أو مش حأقدر
غدرك بيّ
أثّر فيّ
و اتغيّرت شوية شوية
اتغيّرت و مش بإيدية
و بديت أطوي حنيني إليك
و أكره ضعفي و صبري عليك
و اخترت ابعد
و عرفت أعند
حتى الهجر قدرت عليه
شو ف القسوة بتعمل إيه

إسأل روحك
إسأل قلبك
قبل ده كله اتغيروا ليه
أنا غيرني عذابي ف حبك
لكن انت غيّرك إيه؟
هو حناني عليك قسّاك حتى عليّ؟
ولا رضايَ كمان خلاك تلعب بيّ؟
ولا تسامح روحي معاك غرّك بيّ؟
أنا يا حبيبي صحيح باتسامح
إلا ف عزة نفسي و حبي
و اما يفيض بي ما باعرف أصالح
و أعرف آجي كتير على قلبي
غدرك بيّ
أثّر فيّ
و اتغيّرت شوية شوية
اتغيّرت و مش بإيدية
و بديت أطوي حنيني إليك
و أكره ضعفي و صبري عليك
و اخترت أبعد و عرفت أعند
حتى الهجر قدرت عليه
و انت يا عيني
لو في مكاني يا عيني
كنت حتعمل غير كده إيه؟
إسأل روحك

كلامها حلو قوى بجد ..بس مش فاهمه ليه المبالغه فى كلام الاغانى كلها ..يعنى اللى حب كل الحب و العمر اللى بيضيع و الحنيه اللى فى الدنيا و اديتك كل ما عندى و ....يعنى بحس فى كلام بيبقى كبير قوى ..لدرجه انى اوقات ببقى هموت على اغنيه بس بحس ان فى كلام كبر اكيد عمرى ما هفكر او هقوله كدا ..عموما دى تقريبا عادة لدى الشعراء ..التهويل و ان ما يمنعش ان الاغنيه حلوة ..بس يا ترى هلبس ايه التلات الجاى ؟؟؟؟؟؟؟مممممممم يا رب نفسى مرة اسافر معايا فلوس

الرجاء كتابة أي ملاحظات حول الأغنية الاسم: (اختياري) موضوع التبليغ: (مطلوب) الرسالة: (مطلوب)

دى بقى اغنيه من يوم ما سمعتها و انا نفسى احطها رنه هى و واحده تانيه فى نفس الشريط ..انا ذاكرتى على قدى و مش بعيد اكون كتبت الاغانى دى قبل كدا ...بس و ايه يعنى ..المهم انى بحبهم ..حتى ول كتبتهم الف مرة ..عماله ادور على الاغنيه اللى كسبت فى المهرجان بتاعت ياروح ما بعدك روح و طلع عينى و مش لاقياها ..الاغنيه بجد كلامها جامد جدا ..يا رب الاقيها

بكلمة منك .. تنسينى الى عدى قوام .. تخلينى احس بقيمة الايام .. تطمنى السنين قدام
بكلمة منك .. تورينى الى موش شيفاه .. تريحنى من الهم الى انا شايلاه .. تعيشنى الى موش عايشاه
كان فين هواك من بدرى ياحبيبى .. وكل دا فين .. دا انا من قبلك انا عايشة مع العايشين
بكلم نفسى بالواحدة بقالى سنين .. وانا فى ضيقتى مكنتش عارفة اشكى لمين
ودلوقت وانا بعمل حساب بعدين .. ودلوقت عرفت ابدء حياتى
بكلمة منك .. عرفت انا دنيا معرفهاش .. عشان خاطرك بحب حاجات محبتهاش .. لو تندهلى بستناك
بكلمة منك .. لاقيت كل الى مش لاقياه .. ولو فى حد زعلنى انا مسامحاه .. ولو فى جرح انا هنساه

كان فين هواك من بدرى ياحبيبى .. وكل دا فين .. انا من قبلك انا عايشة مع العايشين
بكلم نفسى بالواحدة بقالى سنين .. انا فى ضيقتى مكنتش عارفة اشكى لمين
ودلوقت وانا بعمل حساب بعدين .. ودلوقت عرفت ابدء حياتى منين

هه اكيد طبعا انا عارفه دلوقتى هبدا حياتى منين ...... من حيث ينتهى الاخرين ..و لا الاخرون ؟؟؟

دقـــــيـــــقـــــه حـــــداد
عــلــى الــنــاس الــلــى كــان لــيــهــم ضــمــيــر صــاحــى ومــات فــيــهــم

دقـــــيـــــقـــــه حـــــداد
عــلــى الــدنــيــا الــلــى عــايــشــيــنــهــا وفــاكــريــن روحــنــا فــاهــمــنــهــا
لا لــيــهــا عــزيــز ولا غــالــى وعــايــشــه فــى بــرجــها الــعــالــى
ولــو شــافــت دمــوع انــســان بــريء بــتــقــول وانــا مــالــى

دقـــــيـــــقـــــه حـــــداد
عــلــى الــحــلــم الــلــى انــا حــلــمــتــه
عــلــى الــقــلــب الــلــى عــلــمــتــه
بــحــب فــى نــاس لا لــيــهــا امــان وروحــت بــايــدى ســلــمــتــه
عــلــى الــحــب الــلــى جــمــعــنــا
وخــلــى الــعــمــر لا مــعــنــى
ورخــصــنــاه فــى لــيــلــه ويــوم وضــاعــوا ورا ومــاضــعــنــا
عــلــى الــلــمــه وعــلــى الــصــاحــب مــيــن دلــوقــتــى يــتــصــاحــب
زمــان كــان الــحــنــيــن غــلاب زمــنــا ده الــلــى خــان غــالــب
عــلــى الــرحــمــه وعــلــى الــطــيــبــه وعــلــى خــوفــنــا مــن الــعــيــبــه
ده حــتــى فــى عــز وقــت الــخــيــر بــتــبــقــى الــكــلــمــه مــحــســوبــه
عــلــى الــلــى بــايــدى عــالــتــهــم وكــنــت بــحــلــي دنــيــتــهــم
لــقــونــى فــى وقــت احــزانــهــم ووقــت جــراحــى مــالــقــيــتــهــم
بــنــيــتــهــم هــمــا هــدونــى شــافــونــى فــى ضــعــفــى جــرحــونــى
بــاعــونــى رخــيــص وانــا الــغــالــى وعــلــى نــار هــاديــه ســاونــى

دقـــــيـــــقـــــه حـــــداد
عــلــى الــود الــلــى راح زمــنــه
عــلــى الــنــاس الــلــى يــؤتــمــنــوا
عــلــى زمــن الــلــى يــعــمــل خــيــر مــايــســتــنــاش يــاخــد تــمــنــه
عــلــى الــعــشــره وعــلــى الــجــيــره
عــلــى الــنــخــوه وعــلــى الــغــيــره
عــلــى الــحــق الــلــى ضــاع مــنــا ولا بــنــجــيــبــلــوا يــوم ســيــره
عــلــى نــفــســى وعــلــى حــالــى عــلــى دمــعــى الــلــى كــان غــالــى
ورخــصــتــوه لــنــاس مــش نــاس نــزلــتــلــهــم مــن الــعــالــى
عــلــى الــضــحــكــه الــلــى انــا نــســيــتــهــا وراحــت مــنــى حــلاوتــهــا
عــلــى الــفــرحــه الــلــى نــســيــتــنــى قــتــلــهــا الــحــزن مــوتــها
عــلــى الــعــاطــى الــلــى كــان راضــى ورقــبــتــه كــانــوا عــلــى الــهــادى
مــش الــلــى يــضــعــوا الايــام واحــلــى ســنــيــنــه عــلــى الــفــاضــى
بــقــيــنــا لــيــل ولــنــفــســـى يــانــاوى الــدنــيــا مــن بــعــدى
ولــو حــد انــجــرح بــيــنــا يــقــول اهــى شــده وتــعــدى

دقـــــيـــــقـــــه حـــــداد
عــلــى الاخ الــلــى يــســنــد اخــوه عــلــى الابــن الــلــى يــوفــى لابــوه
عــلــى الــلــى يــشــيــل هــمــوم الــنــاس ويــســعــدهــم ولــو جــرحــوه
عــلــى الــقــلــب الــلــى كــان انــســان وعــاش يــدى لــغــيــره امــان
عــلــى الــحــضــن الــلــى كــان بــيــضــم غــريــب وقــريــب فــى اى مــكــان
عــلــى عــمــرى الــلــى ضــاع بــبــلاش عــلــى قــلــبــى الــلــى مــاتــهــنــاش
رمــاه الــحــظ ونــصــيــبــه عــلــى الــنــاس الــلــى مــابــتــســواش
عــلــى ســنــيــنــى الــلــى مــش بــتــمــر مــاشــوفــتــش فــيــها لــحــظــه تــســر
عــلــى عــيــنــى الــلــى شــافــت ويــل يــكــفــيــها بــقــيــت الــعــمــر
نــتــقــابــل ولا الاغــراب نــتــكــلــم كــلام بــحــســاب
يــامــا الــدنــيــا ســاهــتــنــا وخــطــفــت مــنــنــا الاحــبــاب
بــنــضــحــك بــس فــى قــلــوبــنــا خــلاص الــحــزن دوبــنــا
وشــوش مــاشــيــه مــالــيــها الــخــوف وقــبــل اونــهــا شــايــبــنــا

فى حقايق فى حياتنا ..احيانا بنتناساها ..بنحاول..عشان مركب حياتنا تمشى ..و انا عندى شويه حقايق ..فظيعه عن حياتى ..متناسيه جزء منهم ..بس فى جزء تانى ..تاعبنى بجد ..و مأرقنى و يمكن مخلينى طول الليل احلم بكاوبيس كمان
اولا: انا بقيت بحسد!!!!!!!!!!!!!!!عمرى ما كنت بركز فى الناس اللى حواليا ..بس بقيت بركز قوى حتى بحسد الممثلين فى الافلام اللى هى تمثيل!!بقيت بخاف اكلم اى بنت وولد اعرف انهم بيحبوا بعض عشان ما احسدهمش و مش عايزة اتفرج على صور اى اتنين مع بعض عشان ما ابصلهم نظرة ..بقيت بكرهها ..هى مش حسد قوى يعنى لانى مش بيبقى نفسى انهم يخانقوا قد ما هى خنقه انى بفتكر ان ممكن فى ناس هما كمان بيحسدونا و عشان كدا بقى بشرد لكل الناس ..اه ..ما هى مش ناقصه حسد و النبى كفايه اللى وصلنا له ..مش ناقصه بقى ....قر و يا ريته على المليان ..لا قر على الفاضى و الفاضى قوى كمان
ثانيا بقى :و مهمه ثانيا دى ..كل ما اشوف بنت عاديه قوى ( رغم انى بنت عاديه و النعمه ) بقيت اقول فى سرى يا ربى ليه ما خلقتنيش بنت ...قصدى يا ربى ليه مخلقتنيش بنت عاديه ..تقريبا بدأت افقد اى احساس بالانوثه و بالثقه فى انى بنت و ان اكيد فى واحد ممكن ينتص فى نظرة و يحب المخلوق الهلامى اللى هو حضرتى بجد و يحتويه
الثالثه بقى :: انى بقايت بتغاظ جدا لما واحده تقولى اصل ختشبى جاب او عمل ..اصله يا عينى طالع عينه فى الجهاز و الشقه ..تسدئى انه بيخلص شغل و يكمل شغل مع العمال باديه ..تسدئى انه مطلع عينى من كتر الطلبات ..نروح ..نجيب ..نعمل ..و انا بصراحه بجد مش قادره على كل دا ..و لا التانيه اللى تقولى كلمنى فى نص الليل عشان يقولى هتوحشينى لحد بكرة ...وواحده تانيه تقولى بيوصلها لحد باب بيتهم و يجى ياخدها برضه من باب بيتهم..وواحد يقابلنى وهو اكيد عارف و يقولى ايه بقى ..مش هنفرح فيكم ..و اللى تقولى تصدقى اننا حجزنا الفرح قبل ما نجهز الشقه ..بس طلع عينا على بال ما لقينا مكان مش غالى و ظريف ..يجى ب 15 الف بس ..يالله عقبالكم ..هو انتوا هتعملوا الفرح فين؟؟ و اللى و اللى و اانا افتكر النقاش اللى طفش هو كمان مع اللى طفشوا و دمى يتحرق اكتر و اخرها بقى حكايه الولد ابو 16 الف جنيه ديون عشان يتجوز دا ..الله يكرمه يعنى ..و حسب الروايات ..اتجوز فى اقل من سنه ..وما خلفش وعد ..و كان بيموت نفسه عشان يتلموا فى بيت واحد فى اسرع وقت ..الله يكرمه ..مش فاهمه دخل هندسه ازاى دا ..اكيد الولد دا كان فى طب ..و يا رب ما يكونش تحول دلوقتى ..دول بجد اللى فعلا من جوايا من غير ما اعرفهم نفسى يكونوا كويسين قوى ..قوى..
بقيت كتير ابص فى مرايتى و اقول و الله فيكى امل ..يا بنتى و الله انت بنت كويسه و بنت حلا ل..صدقى و ما تخليش حد يهزك ..دا نصيب..و نصيبك..هتاخديه ..و مش هتاخدى اكتر منه
امبارح قعدت اقر على سهير رمزى فى الفيلم ..اه و النعمه و اقول ..يا بختها ..يمكن عشان دكتورة لاقت دكتور بيحبها كده ..بيحب الناس و بيساعدهم و واقف جنبهم بينصحهم ..بيحاول يغير فى واقع مجتمعه و هى بتساعده ..و بتشجعه و بتشجع الناس معاه ....حتى الافلام دى هبطل اتفرج عليها عشان بتملى عقول الناس باحلام و هلوسه ما بتحصلش فى دنيتنا
اهه..و اللى و اللى ..بسمع حكايات عن و لاد ..يااه ..بس ايه كمان ما هو البنات اهليهم بأمروا و يطلبوا و البنات نفسهم بيقابلوهم بالقطارة و ما بتدلقوش قوى ..يعنى ما سمعتش حكايه عن بنت وقفت فى يوم فى الطريق الصحراوى مش عارفه تعمل ايه بعد ما وصلت خطيبها ..و هو اتكسف يكلمها يتطمن عليها ..ما سمعتهاش دى ..و بقي نفسى ابطل سمع و كلام عشان بصراحه اتخنقت من الاتنين ..
بصراحه ..محبطه بجد ..قوى ..و حاسه باحساس اطفال الملاجئ ..قوى ..اللى ليهم اسم ثلاثى ..يمكن يكون اسم ابوهم و امهم اللى عشاوا معاهم لفترة و بعدين هوب ..لاقوا نفسهم فى ملجا لان اهلهم قالوا لهم انا مش هنقدر نستحملكم لحد كدا ..اللى جاى على قد اللى رايح ..و بصراحه حملكم بقى تقيل علينا ..و بقيت فاهمه كويس ..ليه كتير منهم بيطلع كاره نفسه و كاره المجتمع اللى هو مش غلطته اصلا ان اهاليهم اتخلوا عنهم ..ما فى الاف الاهالى التانيه اللى تعبانه و بتعانى و طالع عنيها ..بس ما اختارتش الحل الاسهل و فضلت تعافر و تنحت فى الصخر عشان بيتها
و اكيد لسه فى كلام جوايا كتير و احساد اكتر و اكتر و احباط اكيد اكتر و صمت ..اوقات بيكون احسن ...

و ايه يعنى ما حبتنيش....كفايه انى انا حبييت
و ايه يعنى بتوعدنى و تناسى ..و تيجى يوم و شهور ما تجيش
و ايه يعنى بتهرب منى بالاميال ..و تشوف بعدى فيه راحه البال
و تتمنى تشوف غيرى تتطمنها و معاها تعيش
و ايه يعنى تسبنى لغربه ودموع و ليل و نهار بتقطع
من الوحده ..من التوهه..و الحيرة
و تنام تحلم بالوحده و انا احلم بيبت ابيض..و نور ابيض..و بنوتيين
و حرب و زحمة و خناقه و ناس تايهين
و ايه يعنى
اعيش ..وحدى و احلم بيك ترجع لى
و انت بعيد بتهرب منى و تغنى ..محلاها عيشه الحريه
و اموت انا فى الغزوبيه و ايه يعنى ..ما لوحدى كنت قبلك عايشه سنين
و معاك او مع التانين ..فضل حلمى بيندهلى ..و يظغرلى و يتأمر ..و انا عاجزة ..و من عجزى انام طينه و اقوم ..ادور ..على الواقع ..على حلمى اللى كان واقع ..على حبيب كان سامع ..على العشرة ..على ايام عدت ماتت ..على ورده..وصورة فيها 2 عايشي تشوفهم تتخدع فيهم ..تقول حبيبين ....و تتامل تشوف اكتر .. وهم ...خدعه كبيرة لسه انا ودى بصداقها .. ..و ايه يعنى ..ما انا الهبله بصدقنى و اكدب كل اللى بتقوله و اصدقنى و اعيش وحدى احلم بيوم تفهمنى ..و ترجعلى بميت ورده ..لا يجى اكتر من 200 ورده عدد ايام غربتنا وتوهه و دموع ..و انام احلم و اقوم احلم ..بوردتنا و اقول بكره اكيد يعرف ..بكره هيجى و هيجرى يقول اسف انا الغلطان و من غيرك انا التعبان ..و انا لوحدى مقدرتش اكون نفسى و حنيت لك و انا اسف على البعد و القسوة ..انا اسف على الوحده و عالضلمه ..على ايام ما حسيتهاش من غيرك ..على بكره اللى كان اجمل و موته و موتك..و انا الندمان و افوق و اصحى ...الاقينى انا بنادى و بنبح حسى و بهاتى و ماافيش فايده ..اقوم قايله و ايه يعنى ..ما بكرة هكون اكيد احسن ..انا الاضعف اكيد هقوى و هنسى حب كان قاسى و هستسلم لاحساسه ويبقى نفس احساسى و اغنى و اقول انا وحدى هعيش وحدى و اموت وحدى و مش فارقه ..و ايه يعنى ..

فى لحظات كتير حلوة عدت عليا من اول بدات اكتب فى البلوج دا و دايما ما كنتش بكتبها ..على فكرة دى مش اول مرة اعلق على الموضوع دا ..اصله فعلا كئيب قوى..بس انا عارفه ايه السبب ..الحياة مش كلها سوده كدا..يمكن المشكله ان السواد دا هو اللى متأرخ و الناس اللى ذاكرتها ضعيفه و بتنسى بسرعه ..مع الوقت بتنسى الحلو و ترجع تبقص فى ورقها تشوف حاجات وحشه ..سودا و تفتكر ان الحياة كلها سوده ..بسس لما تركز حتى فى السودا ..بتلاقى بياض..الحكايه باختصار ..كالتالى ..انا بكتب امتى ..ايام الاجازات ..او الخناقات ..او اوقات الفراغ و غالبا ..لانى الفترة اللى فاتت ..يعنى قصدى الفترة اللى قبل اللى فاتت ..كنت دايما مع زياد ( لانه ما بقاش يحب اقوله يا فندم)غالبا كنت ببقى معاه اغلب الوقت ..و اكيد دا كانت حاجه كويسه ..بس فى نفس الوقت لما كنت بروح كنت ببقى مقتوله و ما عنديش قدرة على الكتابه و لو كتبت بكتب يدورب حاجات بسرعه قوى و انام ..و الكارثه بقى لما ابقى لوحدى لان دا كان معناه انه فى مشكله بينا عشان كدا ما اتقابلناش او انا صاحيه من النوم و مش لاقيه لا شغله ولا مشغله ..مريت بوقت صعب بجد ..من بعد المنحه ..كتبنا الكتبا و ما كانش فى اى حاجه واضحه ..هو بدا يفكر اكتر فى الشغل و فى الدنيا و فى الامتحانات و الورق اللى عايز يخلصه و انا كنت كتير بحاول ما ابينش قلقى اللى كان بينط برايا غصب عنى ..لما ارجع افكر ..بجد ..كنت قاعده فى البيت ..مش لاقيه شغل ..و مش عارفه حتى اجهز اى حاجاه زى اى عروسه لانى مش عارفه اصلا احنا هنتجوز امتى ..و مشش فاهمه احنا هنعمل ايه و مفيش اى حاجه واضحه و انا بنام و اصحى على امل اى حاجه تحصل تخلى عندى امل و حاجه بعملها و كان الامل هو الكام ساعه اللى كنت بقابله فيهم ..اللى مع الوقت قلوا و يمكن اوقات اختفوا مع السفر و دا سابلى مشاكل و فراغ و سواد كبير فى الدنيا كان بيطلع هنا ..بس الدنيا ما كانتش كلها سوده اكيد ..لكن كان فيها جزء كبير من السواد و المستقبل المجهول ..فى الجواز و الشغل و البيت ..كل حاجه كانت مجهوله ..و لما عدت الفترة دى ظهر سواد تانى ..سواد الذاكرة الضعيفه و الناس اللى بتنسى و بتبعد و العند و المكابرة و الاصرار على ان العلاقه فاشله و لسه برضه فى التوهه و الصورة اللى مش واضحه و لسه برضه مش عارفه لا افكر فى فرح و لا جهاز زيى زى اى عروسه لان الصور مش باينه و لان شريكى..تعب منى و من صوتى و عصبيتى و ثرثرتى ..و طبعا مفيش احسن من كدا وضع و تربه غنيه للسواد و لاكتئاب ..و لما ركزت اكتشفت ..من يوم يوم سفر ..بقينا بنهرب من بعض؟؟ ليه؟؟
عمرى منى بتسرق ..و انا واقفه و بتفرج على لحظات كانت حلوة ..منسيه ..مهضوم حقها دايما و مكسيه بحزن و خوف

حلمت ..حلمت بحرب ..بدم و موت ..حلمت برعب و بوحده..حلمت بسور متكهرب و كليه و ناس شارده ..حلمت بطيارات و مدافع و ناس تهرب و ناس ماتت و انا واقفه ورا الشباك مرعوبه ..من الوحده و من الضلمه ..رغم ان الشمس كانت طالعه ..حلمت بضمه ..حضن كبير انا اديته لطفلتين ...و من خوفى على الاتنين ....حاولت انى بحضنى ليهم اغطيهم و احميهم ..كانوا خايفين و و كنت من جوايا مرعوبه ....و قلبى بتنبطط جوا ضلوعى من خوفه و يامرنى اكون اهدى ..عشان خوفى هيرعبهم ..و اخد نفسى و اهديهم ..اطمنهم ..انا معاهم ..و اموت من الرعب جوايا ..ما انا لوحدى ...ما فيش ولا ايد تطمنى و اطمنهم وانا لوحدى ..و استنى الموت فى لحظه ..يخطفى ..و عدى الحلم ..و انا جوايا مرعوبه و بستنى ..اعيش لحظه و اموت 10 من الوحدة

اللى جاى دا مش اعتراض ..اللى جاى دا اسئله جوايا بتقتلنى ..ليه؟؟ مليون ليه جوايا ..ليه دايما بقرب من ناس احاسيسهم ملخبطه و اقرر انى اكون معاهم و غالبا هما مش بيقدروا يكونوا معايا ..ليه انا بالذات من وسط كل البنات دى حظى ملخبط كدا ..الناس بتتخطب و تتجوز ..بتتخانق و بتتصالح و فى الاخر بتلاقى حد يمد لها اديه و هى تمد له اديها ..ليه انا بالذات و ذنبى ايه فى كل القسوة اللى بحسها ..ليه كل الرفض و التلاكيك اللى بشوفها ..ليه لما بقدم او بعمل او بحس بحاجه غيرى ما بيحسهاش و هو بيشوف و يحس كل الحاجات الوحشه بس و لو افتكرت الحلو ببقى بعاير و بضغط على نقط الضعف و افضل واقفه لوحدى متدلدله من رقبتى ..نفسى فى راجل احس انه بيحبنى بجد ..احس انى اقدر ارمى حمولى على كتفه ..احس انى بالنسبه له جزء مهم من دنيا ..انه عارف انى مستقبله و يكون هو مستقبلى واحد مش واخد الدنيا قفش و لا واخدها طناش ..بنى ادم عادى متسامح و فى نفس الوقت بشر لحم ودم ..بيعدى و بيتعصب اوقات ..بيتخانق و بيحب ..و بيبعد لكن بيرجع جرى عليا ..ليه؟؟انا مش من حقى احس بدا ؟؟ مش من حقى احس ان فى راجل فى حياتى فى اى وقت من حياتى ..هفضل اعيش على احساس حسيته كام شهر يدوب حياة كامله؟؟ ..هفضل انا المرأة الحديديه اللى الرجاله بترمى عليها ..و تتخانق و تزعق و تتعب من كتير الزعيق و الضغط على اعصابها ..انا بجد تعبت ..تعبت من انى احارب عشان احساس احس بيه ..اخده بخناق و زعيق و انا عمرى ما هوصل لاحساسى اللى بدور عليه و انا بطلبه ..بس نفسى اعرف بجد ..ليه؟؟؟؟؟؟؟؟؟؟؟؟؟؟؟؟؟

كان يا ما كان ..يا سعد يا اكرام ..سحلفه حلوه جميله ..سحلفه صغنونه ..اسمها تيتى ..

تيتى كانت وحيده .. ما عندهاش اصحاب ..

و دا كان بيخليها على طول زعلانه..عشان مش بتلاقى حد تلعب معاه..

لكن اكتر حاجه بجد كانت بتزعل تيتى و بتخوفها ..كانت الضلمه ..

تيتى كانت بتترعب من السواد و الظلمه
..

و فى يوم.. شافت تيتى ماما شايله بلونه كبيرة قوى طايرة فى السما..

البلونه كانت كبيرة قوى ..

و تيتى فرحت بيها عشان لاقت حاجه تلعب بيها ..و تعلب معاها.. اخيراً


اخدت تيتى البلونه من ماما و مشيت و هى عماله تشد الحبل و ترخيه عشان البلونه تفضل طايرة فوق قوى..فوق ..فوق كماان
..بس و هى مبسوطه و بتلعب بالبلونه ..هوب ..هاااااااااا..يا نهار ابيض ..خيط البلونه اتقطع ..و البلونه طاارت!!؟


تيتى اتخضيت و وقفت حايرة مش عارفه تعمل ايه..

قعد تبص لماما وفكرت تنادى لها عشان ترجع تجيب لها البالونه ..بس خافت ..خافت لحسان ماما تزعل منها انها ضيعت هديتها بسرعه كدا


فضلت تيتى تبص للبالونه و هى بتعلى فى السما


تيتى لاحظت حاجه غريبه قوى ..كل ما البلونه كانت بتعلى ..السما كانت بتنور اكتر


و فضلت البونه تعلى و السما تنور اكتر ..

لحد ما البلونه بعدت قوى و نورت الارض ..


و فضلت البلونه فى السما ..تطير و تغير مكانها و حجمها و تنور لتيتى كل يوم ..

تيتى كانت فرحانه ببلونتها اللى رغم انها سابتها لوحدها تانى ..نورت لها و لكل اصحابها و قرايبها الدنيا
و ما بقتش تيتى بتخاف و لا السلاحف الصغيرن كمان بقوا بيخافوا ..

و تيتى بقى عندها اصحاب كتيير.. يلعبوا على ضوء البلونه كل يوم

و توته توته فرغت الحدوته

sosمن وحى ال

منذ نعومة اظافرى..اتأملهن..يتمايلن ..يضحكن..يمتطيان كعبين عاليين كأمهر الفرسان. عيونٍ مفعمه بالانوثه و الدلال ..نظرات تغرقك فى بحر لا قرار ..عيون متجدده و متغيرة ..هائمه ..حيرانه ..فى لحظاتٍ ولهانه و فى الاخرى قد تغدر بك بلا مقدمات..عيونٍ تأسرك فى دوامة حب و عموض ...و قوام رشيق ..شعر متطاير ..حر ..طليق ..و لسان ينطق بلغاتٍ اكثر انوثه و رومانسيه .

كم وددت ان اكون امراة . امرأة تذوب حين تسمع صوتها من رقته و نعومته ..صوت هادئ ..حنون ..عصفور يشدور و يغرد باعذب الالحان ..عصفور متباهى ..بديع الجمال ..يتمايل و يتراقص فى رقه و فرحه بين فروع اشجار الياسمين ..
وددت ان اكون الام الصارمه و الزوجه الباسمه ..المرأة المتايله المتحايله ..تأسرك بمكر و دلال و توقعك فى شباكٍ ابديه لا فرار منها و لا حتى قرار بالفرار ..و انظر لمرآتى ..افكر ..منحى الله و انعم على ببسطه فى الجسم والحلم ايضا ..لست هى ..تلك المرأة الرقيقه ..المتحايله على واقعها و احلامها ..لست تلك المأة الرقيقه الشرسه ..لست انا تلك الفرسه!!فانا لست من يتسارع الفرسان و يتنافسوا لترويدها ..حتى لو كان ذلك مقابل اغلى ما يملكون ..لست هى ..لست تلك البنت الرقيقه الملامح و المظهر ..التى توقظ فى رجلٍ مارد الحب و الاحتواء ..لست ملهمه الشعراء او واهبه السعاده و الهناء ...
و على عكس ما تمنيت ..كثرا ما ظلمت ملامحى و صوتى الصارم مشاعر اكثر رقه من اجمل المخلوقات..لا اعترض على القدر و لكنى ..احلم ..يكفنى ان اتأملهن و احلم ..احمد ربى على حالى و احلم ..لو كنت انثى الملمح ..المظهر و الجوهر ..هل كنت ساجد الفارس و الفرسه ..و حصانه الابيض الوردى و حلم بحب ابدى؟؟و هل يوجد حقا فى الكون النصف الاخر لنصف يبحث عن وهم؟!؟؟!؟

sos

اتقلب دوما بين الوحده و الغربه
ما بين الحزن و الفرحه!!؟
بين الخوف و الالم
بين النور و الظلمات تأسرنى
بين استمتاعى بضوء الشمس فى عينى
و حبنى لضى القمر فى النهر


اتقلب و اتجول و اسير
بين الشرق و الغرب
بين يمين و يسار اتأرجح و اتمايل



و لكن و يا للعجبِ!!!؟
فقلبى الهائم مع الريح دوما
و عقلى المتلهف للحلم عمرا
مصرين على الشوق اليك ...ابدا!؟
ياللعجبِ!!سامحنى فانى مندهشه حقا
من سذاجه قلبى ..يرتاح و يهدا ..لمجرد شعوره بانك فى عالمنا تحيا!!!!!...؟؟

9/11/2008

اول امبارح اتفرجت على حلقه من الحلقات الاخيرة " عائله مجنونه جدا" الموت و الحياة ..و السلام ...الصراع الداخلى و السواد و مشاكلنا اليوميه و كلام بيتكرر و بيتعاد ..بس فى الاخر ...محاوله للسلام النفسى و تخطى العقبات ..محاوله للحب من حب ..اللى اسمه محاوله لفعله ..كتير كنت بفكر ليه المؤلف سماه حب ..اسم حلو قوى و اكيد له معنى ...لدرجه انه دايما ينسينى هى اسمها ايه اصلا ...و الحب الاكبر ..من راجل صالح ..حب بجد ...و اكيد كان فى دايما مقابل لكل الحب اللى هو كان بيديه ..حلمت امبارح انه ما ماتش !! بقيت بحلم بالمسلسلات كمان ..هه ..سخط و سخريه و تمرد ..و انكسار و ضياع و حاجات كتير ..حلها ..بانها عمرها ما هتخلص ..بس لازم الناس تعديها عشان تعيش و تتناساها و تختار سلام داخلى يخلص بإيدين متشبكه و متبته على بعض ...كلام وحش و مشهد قاتم خلص بحل ..مش ناس كتير بتقدر توصل له و تخرج من الدايرة المغلقه دى..بجد ..كانت حلقه نكد جدا و عاقله جدا جدا و مش مجنونه نهائيا
==============================
ملاحظه انى بقيت بسطر لا اراديا ..حكم التعود بقى ..يعنى شكلى كدا هتحول و افضل اخطط الى اخر العمر و يقولوا عليا يموت المخطط و هو بيخطط
==============================
امبارح رحت ال SOS
يااااااااه ..كل دى ناس ما اعرفهاش!!!؟
==============================
ايه السعادة و الصفا و الحب المتبادل دا ..ايه السهوكه
دى كلها ..و اه كل الغيبوبه و الدخان دا ..و الحشيش اللى مغرق الدنيا و اللى طول قوى لدرجه اننا بقينا بنغوص فيه!!؟
==============================
اخواتى كان نفسهم يتصوروا مع الفيشاوى و فيدو و اصحابهم معجبين بأمير عيد .....و طبعا اكيد ..انا كان نفسى اسلم على شربينى و اقوله بلاش تغيبوا علينا كتير ..عشان انا بستمتع و انا بسمعكم ..
==============================
الكمان وهميه ..مدحت؟؟ ..بجد جامد جدا ..فكرنى بافتكاسات .. وحشتنى حفلاتهم
===============================
الازهر بارك
===============================

-Telle mère, telle fille.

-Tel père, tel fils.

==================
Un silence lourd de sens.
Beaucoup de bruit pour rien.

============================

Chacun est maître de son destin.

==================================

C'est le premier pas qui compte.

==================================

L'erreur est humaine

==================================

Entre deux maux il faut choisir le moindre.

===================================

Impossible n'est pas français

====================================

Mieux vaut être seul que mal accompagné

=====================================

Les mots valent moins que les actions

=====================================

Personne n'est parfait

=====================================

Une porte doit être ouverte ou fermée

======================================

Profiter de la vie pendant qu'il est encore temps

=======================================

Tourner sa langue sept fois dans sa bouche avant de parler

========================================

L’homme s'exerce dans le monde comme le couteau s'affûte sur la pierre

=========================================

Qui trop se hâte, reste en chemin

=========================================

Quand un arbre tombe en l'entend, quand un foret pousse, pas un bruit !!!!!!!!!!!

=========================================

Loin du yeux, loin du coeur ;-)

=========================================

Un clou chasse l'autre

==========================================

Il n'est pas d'éternelles amours

==========================================

Plus le coeur grandis, moins les paroles sont utiles

==========================================

Offrir l'amitié a qui veut l'amour , c'est donner du pain a qui meurt du soif

==========================================

Les meilleures choses ont une fin

==================================

Chose promise, chose due.

==================================

Mieux vaut donner sans promettre que promettre sans tenir

==================================

il faut vouloir vivre et savoir mourir

==================================

Seule la mort n'a pas de remède

==================================

il faut attendre la mort pour bien juger la vie

==================================

Moins tu auras de nécessités, plus tu auras de liberté

==================================

Les larmes qui coulent sont amères mais plus amères encore sont celles qui ne coulent pas

==================================

Mieux vaut voyager plein d'espoir que d'arriver au but

==================================

Les grandes douleurs sont muettes.

==================================

Je pleurais quand je vins au monde, et chaque jour me montre pourquoi

==================================

Un homme qui se noie cherche à s'aggriper même à une paille de riz.

==================================

Les meilleures choses ont une fin.

==================================

Le jour éloigné existe, celui qui ne viendra pas n'existe pas

==================================

On ne peut empêcher les oiseaux noirs de voler au-dessus de nos têtes, mais on peut les empêcher d'y faire leur nid

==================================

Un malheur ne vient jamais seul

==================================

Plaisir engendre deuil

==================================

Il y a deux sortes de gens : ceux qui peuvent être heureux et ne le sont pas, et ceux qui cherchent le bonheur sans le trouver

==================================

Le bonheur fuit celui qui le cherche

==================================

Est heureux qui sait l'être

==================================

Il faut beaucoup souffrir, ou mourir jeune

==================================

Il ne faut pas se moquer de la peine du voisin car la vôtre arrive le lendemain matin

==================================

Il n'est point de bonheur sans nuage

==================================

Qui ne peut supporter le mal ne vivra pas pour voir le bien

==================================

Le plaisir et la peine couchent dans le même lit

==================================

La main qui donne est au-dessus de celle qui reçoit

==================================

Mieux vaut souffrir d'avoir aimé que de souffrir de n'avoir jamais aimé

==================================

Les amours commencent par anneaux, et finissent par couteaux

==================================

A force d'être malade on finit par devenir un bon médecin

==================================

Quand le chariot est brisé, beaucoup de gens vous diront par où il ne fallait pas passer

==================================

Deux avis valent mieux qu'un

==================================

Un conseil est comme un remède qui est d'autant meilleur qu'il est plus amer

==================================

"Il y a plus d'esprit dans deux têtes que dans une."

==================================

Suit le conseil de celui qui te fait pleurer, et non de celui qui te fait rire

==================================

a chain is only as strong as its weakest link

==================================

a cat may look at a king

==================================

a day late and a dollar short

==================================

"Il est trop tard pour s'incliner quand la tête est tombée."

==================================

La force de la vérité est qu'elle dure

==================================

"Bon renard ne se prend pas deux fois au même piège."

==================================

ce n'est parce qu'il pleut des cordes ici qu'il faut aller se faire prendre ailleurs

على قد الليل مايطول أداء سيد درويش وحياة صبري تأليف بديع خيري

على قد الليل مايطول مسترضي بسهرى ونوحي

في حبك ياللي من اول مشوفك تترد روحي

سنين وأيام هايم فيكي بزمارتي اصحيكي

طول ماأنا وانت في الدنيا دي افوت اهلي واجدادي

حروح على فين وانتي قصادي

سنه ..!! هى ليه مش كل الحاجات بتكرر فى حياتنا ..حلوها و مرها ..ليه اللى بيتكر المر بس؟؟
سنه ...و .........!!؟
FUNNNNNNNNNNNNNNNNN DAY
HAVE FUN , AS IT'S REALLY FUNNY ;-)
الحمد لله انى بكرة مش قاعده فى بيتنا ..بجد الحمد لله ..لما نركز فى حياتنا ..نكتشف قد ايه رحمة ربنا كبيرة فى كل نفس بناخده و خطوه بنخطيها ..الحمد لله

طيب...اول يوم فى ايام الاسبوع المبجل...يوم عادى ...ممل ..ابتدى الساعه 7 على غير العادة ...صحيت بدرى ..قلقت و ما عرفتش انام تانى !!!و رغىىىىىىىىىىىى ..قعدت ادور على حد ارغى معاه ...و برضه ..يوم شغل عادى ..و ورق حيطه ..و صرر للسقف ..كدا كملت ال4 بتوع الصاله و الحجرتين ...و نوم و صحيت على ميعاد المسلسل زى كل يوم من غير منبه ..طب لما المسلسل يخلص هبقى اصحى اعمل ايه؟؟

نظريتى الخالده ،اوعى تنسيها :دايما بكرة احسن من النهارده ..بكره مخبى معاه مفاجأة ..فراشه ملونه ..هيخرجها من العلبه ..و يديها لك هديه..بكرة فى هديه دايما فى انتظارك ..اجمل من هدية امبارح

هى الدبله ايه ..حتته معدن بنلبسه فى ايدنا عشان نقول للناس بيه حاله ..حاله عامله ازاى ..مش فارقه ..الدبله بتقول وضع بس ما بتوصفش الوضع دا عامل ازاى ..بيتيالى ان الدبله بالنسبه لناس كتير قوى مش اكتر من وسيله اشهار ..بس هى فعلا كدا بس؟؟ يا ترى خاتم اصبع القلب ينم عن حال القلب ...ام هو خاتم يشير لحاله اجتماعيه فقط ...و هل انت ممن تردون شارات اجتماعيه لا تنم عن صفات حقيقيه ؟؟ و بعدين هى الناس مالها انا مخطوبه و لا عانس و مطلقه و لا متجوزه ..دى حاجه بتاعتى انا ..ليه اعلن عنها ..عشان ايه ..انا من اكتر الناس المقتنعه بمدا المشاركه لان الشراكه بالخبرات بتسهل حاجات كتير على اللى حوالينا و بتخفف عنهم ..بسس ...هنتشارك فى ايه ؟؟

انا هروح ادور على حاجه مفيده اعملها ..كنت لسه بفكر ..فى ناس ما بنخافش بتعامل معاهم بطبيعتنا ..بنرخم عليهم لاقصى درجه و احنا واثقين فى تقبلهم لينا فى اسواء صورنا و العشم بياكلنا زى ما بيقولوا معاهم ..طب الطبيعى بقى ان الناس دى تكون مين و ايه معنى ان اقرب الناس ليك ما يكونوش من ضمن الناس دى؟؟تبقى واثق انهم هيستحملوا ضغطك؟؟

ليا اصحاب ..عارفين نفسهم ..و عارفين انى ببقى على طبيعتى معاهم لدرجه انى بعمل نفس اللى بعمله لوحدى ..لما سرحت فى امبارح..ما كنتش هقدر اعمل اللى عملته مع ناس كتير ..لفيت كل المحلات و دخلت كل محل يجى 4 مرات ..و الف و ارجع تانى ..رايح جاى ..يا ترى مين يستحمل دا ..لو كنا اصحاب ..يمكن ناس تستحمله منى احيانا على مضض ..بس مش على طول ..بس انا ببقى مبسوطه قوى لما بحس انى بتحرك بحريتى و بتكلم براحت و بضحك بصوت عالى و ممكن ازعق ..اصفر ازعرط فى الشارع من غير خوف من اللى معايا ..بكون مبسوطه قوى لما بكون مع حد ما بفكرش كتير فى افعالى و انا معاه ..لما اتكلم فى تليفونى براحتى مع حد من غير ما اقلق ...لما احس انى مش عبء على اللى معايا ..مش تقيله و انه نفسه يخدمنى من غير ما اطلب ..نفسه يبقى معايا ..من غير مجامله حتى لو طلعت عنيه فى اللف ..بس هو مبسوط انه معاك ..حتى و هو تعبان معاك ..مش لاقيه غير كلمه بانى

Appreciate

جدا انى احس من حد دا ..و اول ما بحس انى بقيت تقيله على حد ..مش بقدر استحمل ..بموت جوايا ...لما بحس ان حد بيكبر و مش بيعترض معايا كتير ..ترييح دماغ ..او بيتهرب من النزول معايا كتير عشان مش ناقص وجع قلب ..بحس ان فى حاجه مكسورة ..ببقى مش انا ..ببقى واحده متخشبه و مبدوله بواحده تانيه ..نكديه ...و بتضحك بالعافيه ..و حساه كانها محطوطه تحت ميكروسكوب و دا بيوترنى اكتر

و هرجع تانى لحسام حبيب و اغانى كتير حلوة بجد ..و مش نكد ..كلها حب ..اكيد هكتب عنها ..بسسس..اكل الاول

فى اغانى بتسيطر عليك و تاخدك لدرجه انك تبقى مش قادر تخرج منها ..بجد مش قادر اخرج منها ..جمل بتتكلم بلسانك و جمل تانيه مش بتاعتك ..و انت بتردد الاتنين ..اللى بيعبر عنك و اللى ما بيقولش اى حاجه قريبه منك و اوقااااااااااااااات...بتدرو عليها بقالى اكتر من شهر ..و شكلى مش هلاقيها






و هانت ...ايوة هانت ..فترة انسى الحب دا ..تبقى حكايه كانت ..انت مش نفسك كدا؟؟؟
دى بقى مش معلق معايا غير اولها بس ...هه

ااه و حسام حبيب...

لما تشوف اللى الناس فيه عشرتى تستحملها و عيوبى هتقلبها ..دا انت فى جنه و يا اتمنى غيرك يوصلها ...................... و انا اهون بكتير
دى بقى ترن فى ودنى و ابقى هفطس على روحى من الضحك مش متخيله ان فى حد بيغنى الكلام دا..
الحب ما هوش بس كلام بين اتنين اتقابلوا ...لو كدا انا مش قابله
دا الحب ان حبيب يرتاح جنبى و اموت و اتعب له
درر ..بيقول درر ..و انا اهون بكتير ..و عشرتى تستحملها دى بقى جامده جدا واضح ان فى حد طفش منه يا عينى ...لا حول ولا قوة الا بالله ..حتى حسام حبيب طفشوا منه هو كمان ..يالله ..عادى يعنى بتحصل و الله

و موسيقى انا لو اذيته..بحس كل ما بترن فى ودنى ..كأن حد بيدلق عليا ميه كتييييير و انا مش بلحق اتنفس ...مش بحب الكلام بتاعها قوى..الكلام اللى فى الاول ..الاغنية بالنسبه لى بتتدى من عموما يالله مش فارقه ...حالتها و الريتم...بيفكرونى بالكليبات اللى كانت طلعت موضه من فترة..ميه كتير و حركات بطيئه و انا بنطر الميه و مش عارفه اتنفس و شويه ببقى فى بحر و بغرق و الصورة بتجيبنى تحت فلاش باك و ارجع ائب على وش الميه ...واغطس و ايدى بتسيب .....هو بيقول انا مش هوقف يوم حياتى ..و انا بشوف غرق ..و موت...بس برتاح لما بسمعها ..بحس ان فى شحنه جوايا طلعت

جوايا حاجات كتير متلخبطه..بتخبط فى بعض..برووووووود...و كان الدنيا كلها بتتحالف معايا ...برود جه فجاة كدا ..زى الشتا اللى جه من غير مقدمات ..برق و رعد و مطر كتيييييييييييييييييييييير...لكنها لما مطرت الجو ما دفاش زى ما هو متعارف عليه ..الجو بقى ابرد ...كان نفسى اكون فى الشارع و هى بتمطر ..كنت هموت و انزل..و لسه نفسى اروح السينما ..حاجات كتير مش بنقدر نستوعبها ساعات ..و تحس انك اتجمدت و مخك اتشل عن التفكير..انا حاسه انى...........مش فاهمه و مش مستوعبه لحاجات كتير فى دنيا كبيرة قوى ...بحلم فيها من اكتر من 23 سنه ..اوهام ..الدنيا دى غريبه قوى ..ريحه المطرة بتفكرنى بحاجه ..شارع ..ميدان و ناس ..و هدوم مبلوله ..السيده عيشه..المقطم..يوم الخميس..اخر السبوع بتبقى حاجه بايخه قوى ..نفسك فى اجازة و مش عاوز تروح ..بفكر اروح سينما ..و مكسله ..الوحده..شبح بهرب منه و كل ما بهرب منه اكتر كل ما بيطلع اكتر و اكتر..بس..هعمل ايه يعنى واضح انه قدر ...لازم اواجهه بشجاعه ..قدرى انى اجى و امشى كانى ما جتشى ..او يمكن اجى متاخر شويه..زى الايام دى ..اوقات بخاف فيها و انا لوحدى ..اغانى كتير بترن فى ودنى صبح و ليل كانهم مولعين كاسيت فى دماغى ..طول الوقت شغاله حتى و انا نايمه ..انا بصحها على صوت الاغانى فى ودانى...2 نوفمبر الجاى ..هكون فى مكان ان شاء الله كنت بفكر فيه للفرح ..من زماان ..بس لاقيته بعيد..ظريف ان تيجى لى فرصه اروحه ..هو لازم يعنى فرح عشان الناس تروح الاماكن..كنت بفكر البس فستان ابيض فى عرض عملته قبل كدا...و قلت لا مش هلبسه..مش عارفه ليه ما لبستوش..عشان الكروته؟؟..و الله فكرة ..يا مجنونه ..بجد ممكن ؟؟ايه رايك بجد؟؟تقدرى...لو عملتيها تبقى ....تمام..يا....فندم ..بسمعها فى الشغل اوقات ..من ناس حواليا و بستغربهم مع انها كلمه عاديه جدا كل الناس بتقولها لبعض ..و مفيهاش اى حاجه غريبه ..كازينو...كنت باكل النهارده فطيرة لحمه مفرومه ..3 فى واحد ..فطارى ..اللى اتحول لغدايا اللى اتحول لعشايا ....كورنيش...النيل ....بفكر اجيب مرتبه و اقعد فى الشقه لما تخلص ان شاء الله ..ايه يعنى ..بس هخاف اقعد لوحدى..انا عارفه..دولابى مليان هدوم ما اتلبستش ..مش عارفه كنت محوشاهم لايه ..هو العمر فيه قد ايه يعنى ..بكرة هموت من غير ما يتلبسوا برضه..بطلى بخل و استخصار ..انت لسه صغيرة و جواكى حاجه حلوة ..طفله و ام و جده ....و اخ ...عليه بحالها عايشه جوا...يمكن كان ناقصها فرد ..فعلا ....طب يا ترى هو ناقصها ليه ..ما تجى نحاول نلاقيه جواكى ..صدقينى هتلاقيه ..ايه انتى مش ممثله ..صعب يعنى تلاقيه..انت نسيتى ان عندك ميعاد..صدفه ..هتقابلى حد صدفه النهارده ..حد مستنيكى صدفه ..نسيتى ؟؟

في يوم صحيت شاعر براحة و صفا
الهم زال و الحزن راح و اختفي
خدني العجب و سألت روحي سؤال
أنـــا مٌت ؟ ....و الا وصلت للفلسفة ؟
عجبي !!!

هه صدفه غريبه قوى...قلعتها ..زى مبارح؟؟!!زى ما تكون الحاجات بتعيد نفسها و الايام ما بتتغيرش ..بس..اللى فات عدى و فات و اخد معاه حاجات وحاجات .. غربتا و توهتنا ووصلتنا للسكات ..برد الشتا و الوحده ..شماهم من بعيييييد...بيخبطو على باب الهذايان بذرات المطر..واحده واحده .....و اوقات ..ارجع واخاف من الوحده و الظلمه و الحرامى اللى مستنسنى فى الزحمة و خطوات الرجلين بالليل و الناس نيام و كوابيس و احلام كتير ...و عنين ما اعرفهاش اشوفها فى مرايتى تخوفنى و حب معايا فى الشنطه يطعل و يتفرد على ترايبزة الواقع بحلم جميل يودينى و يبعدنى عن الدنيا ثوانى يادوب و افوق الاقينى وسط الدوشه و الزحمه انا ووحدتى قصداى خرجت نطت قعدت قدامى و ربعت و طلعت لى لسانها و لعبت لى حواجبها و قالت لى ..ههاءو ..راحت عليكى يا حدقه

نفسى اروح السينما بقالى كذا يوم رغم انى مفلسه .. بس بحاول احوش عشان اعرف اروح السينما .. بس مش عارفه ..اول امبارح كنت نازله وسط البلد لاقيت بابا بيكلمنى تعالى عشان نشتغل فى الشقه و رحت و يارتنى ما رحت ..بجد حاسه انى مش حاسه رغم انى اوقات بحس انى مخنوقه بجد ..الشغل كتير قوى و انا مش فاهمه و حاسه انى فى دوامه و بصراحه حتى ما ليش مزاج اروح بيتنا من كتر الخنقه ...امبارح نزلت وسط البلد .. ما لاقيتش اى فيلم عدل فى السينما و رحت اكلت ..و دقلت الصلصه على شنطتى بهدلتها ..اليومين دول طول الوقت يا بخبط فى الناس يا بقع يا بوقع حاجه ..و دايما بلاحظ ان رجلى بتخبط فى الارض ..نقدر نقول انها بتتكعبل فى نفسها ...

اخدت كورس بجد ما كانش له اى لازمه ..قعدت اكتب ..ما اهو اصله كان كورس كتابه ..بيعلمونا ازاى نكتب ميلات للعملاء ..و دا كان نتاج الكورس :

اول ما بفتح عينى الصبح بشوف السقف ..ابيض..افضل ابحلق للسقف..ابيض..كل يوم ابيض ...على طول ابيض؟؟

اول ما سكنا الشقه الجديده ..اللى كانت جديده .. كنت مبسوطه ..عشان لسه جديده ..جديده بقى ..و كنت مبسوطه بجد بلون السقف ..ابيااااااااض ...ابيض نظيف كدا ولا اعلانات برسيل و تايد ..و فضلت ابحلق فى السقف ... قبل ما انام ابحلق فى السقف و اول ما اصحى افتح عينى و ابحلق فى السقف ..و كل ما بفضى ..او الاقى لحظات صمت ..كنت على طول من غير تفكير .. ابحلق للسقف..بسسسس..اخدت بالى من حاجه كدا ..بخصوص السقف ...السقف الابيض..هه ..الابيااااض ..لونه بيتحول ..و بياضه عمال يتعكر ...و انا لسه بفتح عينى و اغمضها على السقف ..انام عالسقف و اقوم عالسقف ..بسس..السقف الابيض بقى مش ابيض ..علامات للزمن و الوقت و الايام سابت معالمها و ترابها على السقف ..و انا لسه بنام على السقف و برضه ...بقوم على السقف ...و ابحلق و اتامل فى بياض السقف!!

========================================

عملت اختبار للسن ...و طلعت النتيجه ..ايه؟؟

Age in years:27.32
Age in months:328
Age in days:9971
Age in hours:239306
Age in minutes:14358346
Age in seconds:861500785
Age in Milli seconds:86150078461
Age in weeks:69798
You born on :Tuesday

* Thinks far with vision
* Easily influenced by kindness
* Polite and soft-spoken
* Having lots of ideas
* Sensitive
* Active mind
* Hesitating
* Tends to delay
* Choosy and always wants the best
* Temperamental
* Funny and humorous
* Loves to joke
Good debating skills
* Talkative
* Abiding
* Able to show character
* Easily hurt
* Prone to getting colds
* Loves to dress up

يا ترى فين الغلط و الصح ..بقيت عصبيه ..المشكله بجد ان اللى جوايا اكتر بكتير من اللى هطلعه بس مش عارفه اوديه فين ..نفسى انفجر بس حتى لو انفجرت برضه هيبقى جوايا انفجارات اكتر ..مش مرتاحه و لا مبسوطه و حاسه بفجوة جوايا ....فجوة فى قلبى ..كسر كبير اسود خانقنى ...كانى مخفروة من النص و مفيش قلب و لا رقه ...يعنى لا بنبض و لا بتنفس ...حاسه بالتوهه و الوحده ..احساس بيروح ثوانى و يرجع ساعات حاسه انى مش فاهمه حد و لا حد فاهمنى و مش قادرة افهم حد لانى تعبت من كتر الشرح و تعبت من ان ما حدش فاهمنى رغم انى زى ما الكتاب بيقول ..كل ما فاتح كتاب او اقرا مقال عن المرأة الاقى انى فعلا زى الكتاب ما بيقول ما فياش اى حاجه غلط و لا غريبه و برضه ما حدش بيفهم كانى بدن فى مالطه و هما قعدوا يدنوا سنين و لا حد فهم و لا حد سمع ..من اكتر من الف و خمسميت سنه و الناس بتدن ولا حد سمع ...سررررررررراب ..امسكه فى ايدى و يضيع ..و افتكر انى وصلت له الاقينى بجرى وراه ...حلم خلانى اتوتر و اتعصب اكتر و اكتر و افقد السيطرة عليا ..اوقات كتير بخاف عليا اكتر ما بخاف منى و بصعب عليا ..حاسه انى لو فضلت كدا مش هرتاح غير فى قوضه بيضا و انا بنفجر و ناس كتير بتهدينى و بنااااااااااااااااااااااااام ..عشان افوق و انفجر تانى ..بجد انا خايفه و الله عليا ..و منى ..و يوم ما هيحصلى حاجه هلاقى الف واحد يعيط عليا و على البنت الجامده اللى حالها مال ...و ما حدش هيحس انه كان سبب فى الحال المايل ..جوايا قرارات كتير مش قادرة اخدها و احتياجات اكتر بدور عليها و مش لاقيها ..احساس العجر كل يوم بيكبر و انا حاسه انى املك اللى بدرو عليه و مش لاقيه فيه اللى لسه بدرو عليه ..لما تبقى ماسك حاجه محتاجها جدا و مستعجل لانك بجد محتاجها و هى مش بتتحرك ..جامده ..ما بتعملش اى حاجه ..او بتعمل اقل بكتر من اللى انت محتاجه ..بتعمل ايه ..بتحاول تشوف فيها ايه ..و لو عدى الوقت و فضلت زى ما هى بتبدتى تتعصب و تخبط فيها و يمكن كمان تكسرها و انت بتحاول تصلحها و يمكن و انت بتكسرها تبقى فى الحقيقه بتكسرك انت و احلامك و احتياجاتك اللى مش عارف تملى الفراغ اللى هى ساباه جواك ..ممكن نقول انى بقيت كدا

..



و نرجع للاغانى و المرة دى اصاله ...


شكلها جامد جدا فى البوستر ..طول عمرى كان نفسى البس فستان زى دا و اعمل شعرى كدا ..و ابقى زى العرايس اللعبه ..بجد ..اوقات بحس انى و الله حلوة قوى من جوا و صافيه ..بس محتاجه اللى يشوف اللى جوا لانه عامل زى الكريستال بيعكس الضوء اللى حواليه و مايخليناش اوقات كتير نشوف اللى جوا بجد

و اوقات

اوقات بخاف فيها و انا لوحدى و حاجات تجيب فى خيالى و تودى
و دا لما ببقى لوحدى مش وياك
مع كل ثانيه انا فيها بستناك


لو ضعت منى الحب مش هلقاه و لا هبقى عايشه حياة
دى حياتى بس معاك
انا كل قلقى بس من الايام ...تاخدك و تنسى هواك
لانى صعب انساك


قلقانه لا تيجى اللحظه و تسيبنى
و تملى دا اللى شاغلنى و تاعبنى
علشان معاك الدنيا حبيتها
و مشاعرى بس انت اللى حستها
---------------------------------------------------------------
خلصت


امبارح ...سرحت ...سرحت و شفت ...شيطان جوايا بخاف منه قوى..سيجارة بتتحرق و صوابع سودا و شعر منكوش و دخان ودوشه...الوش التانى...اللى مش عايزة اشوفه و لا حتى و انا مغمضه عينى ..كابوس من الوهم السهل تحقيقه...الصعب تخيله ...عشان انا بجد مش عايزة اشوفه

------------------------------------------------------------------

بحب الورد ..النيل ..الخضرا..الهدوء و الدوشه و الزحمه ..بحب الشوراع الواسع الفاضيه و مليانه و منورة و هى ضلمه و فيها خضرا و هى نظيفه و قذرة و ماليانه عربيات و مش زحمه و قريبه من النيل ..بس ما تكنش على النيل!!بحب الليل و بترعب منه ..و احب امشى فى الشوارع بلليل جدا ..بس مش لوحدى ..بحب حمص الشام و قعده الكورنيش و كوبرى الجامعه ..و ما بحبش الترمس ..و بموت فى الحمص ..بحب اتفرج على العرايس و العرسان و هما بتصوروا على الكوبرى و بحب لمه العيله و بفرح لما تبقى لمه لفرح او حنه ..بحب العيد و بكره البمب ..و بحب اعمل الكحك و اسهر جنب الفرن و افرح لما حد يقولى الله بالذات لما بيبقى بابا لانى عارفه انى حتى لو حرقته هو البنى ادم الوحيد اللى هيقولى الله ...بحب اول يوم العيد و صلاه العيد و حمام العيد و عمايل شعر العيد و لبس العيد اللى كله جديد و ليله العيد و اللف على طرحه او شراب عشان الحق اكمل الطقم و المرمطه فى الشوراع لحد ما المحلات تقفل و الفطار فى الشارع قبلها بيومين عشان الاقى اللى مش بدور عليه ..بحب جامع عمر ليله 27 واحب اتفرج على الاطفال فى الشوارع اول يوم و اشوف لبسهم الجديد ..و اموت فى صورة طفل بالجلابيه البيضا ماسك فى ايد ابوه و نازل وقت صلاه العيد ..اموت فى صورة طفله لسه ببتعلم المشى مع امها و ابوها نازلين لصلاه العيد ..و البنت لابسه فستان جديد و قاعده بتلعب فى فيونكاتها اللى خنقاها لحد ما تفكها و تنكش شعرها ....بحب اروح السينما فى العيد حتى لو كان فيلم بايخ و يا سلام لو طلع الفيلم حلو ..الله ..و السنه دى اكتشفت اكتشاف..انى بحب اقوى اروح الشغل فى العيد و كل الناس بتعييد ..فى نفس المكان اللى بتموت فيه كل يوم ..

وحشتنى ريحه بيت المنيل و الهدوء و قران المغرب و صوت الراديو وقت الفطار وحشتنى تيتا و اللحاف اول يوم العيد و تصحيتها ليا عشان اتفرج على الصلاه و حشتنى قوضه الصالون و الزبال اللى جاى ياخد العيديه هو و المسحراتى ...وحشتنى بجد...الله يرحمها

و اغنيه تانيه ...و فيلم قبلات مسروقه

بحبك مش هقول تانى
و عايزك و انت عايزانى
بحبك حب مش عادى
مشاعرى من زمن تانى
و روحك ساكنه فى روحى
فى قلبك شفت شريانى
دموعك تجرى فى عيونى
و تدبل كل احزانى

و بفرح و الحياة فرحه لو انت راضيه و مسامحه و ضحكت شمس فى صباحى عشانك و لا علشانى