كام مرة كان نفسك تصرخ بصوت عالى و ما قدرتش .. كام مرة كان نفسك تقول اه بجد و ما عرفتش ,... با ترى كام مرة كنت حاسس انك مخنوق و قرفان و ما كنتش عارف السبب و لا حتى عارف تقول دا ازاى .. حاسه انى بغرق ..بس المرة دى فى البحر .. مش فى بركة الطين ... البحر الكبير ..واسع و انا جوة و الموج عالى قوى و بغرق ..لوحدى ..و صوتى مش طالع حتى عشان استنجد بحد .. رغم انى مهما صرخت ..محدش هيسمعنى ....حاسه بالشمس على جلدى ..بتحرقه و الميه المالحه سعمها فى بقى و مناخيرى و صوتها مسدود فى ودانى و نفسى .. بيتسحب واحده واحده و انا مستسلمه ..و مش عارفه ايه اللى بيحصل او مش مصدقه انى كدا خلاص .. ما بقاوش .. احساس الحياة جوايا متضارب ..و معناها تايهه جوا ..مش هقدر اقول غير انى مش قادرة افهمنى ..يا ترى انا ليه دايما بحس بحجات كدا .. و انا بس اللى بحس بيها و لا كلنا بنحس بنفس الحاجات و ليه ؟؟ انا حاسه ان عمرى بيتسرق منى و الفرحه بتتسرق منى ..بيقولوا اشاعه مغرضه اننا بنجهز فى شقتنا و انى المفروض عروسه ..عروسه ....كان نفسى قوى احس بالكلمة دى ..امبارح كنا بنحاول نشترى السيراميك ..ما كنتش حاسه انى مبسوطه ..كنت حاسه انى بعمل حاجه عشان نخلص منها و ووصلنى احساس من الجو العام باى حاجه و السلام ..حاساه بجد ..مش حاسه ...باللى كنت فاكرة ان الناس بتحس بيه و رغم انه معايا ..بس اوقات كتير مش بلاقيه ..مش بلومه ..بس..صعبان عليا..انى حاسه بكدا و بيصعب عليا اكتر انى بحس انى مش قادرة اعمل حاجه و انى مش قادرة اساعده و هو كمان فى دوامته ...الدنيا دى وحشة قوى ..مش صاعبه ..عشان الحمد لله بجد ..ربنا انعم علينا و عليا انا بالذات بحجات حولة كتير جدا ..بجد..ربنا انعم عليا بحاجات كتير حلوة.... الحمد لله
**********
طبعا و منطقى ان جزء كبيبر من تخاريفى يكون سببها النوم الكتير النهارده و انى معملتش اى حاجه و صاحية بجد تعبانه جدا
