اليومين اللى فاتوا ..حاجات كتير ..حفلة افتكاسات اللى كتبت فيها الخواطر الغريبه دى ..و ام كلثوم يوم الخميس(كانت وحشه قوى وقعدنا ورا و كان يوم .. ما علينا )ووفاة ولد نعرفه و طبعا الخبر دا سبب دربكه كبيرة فى دماغ كل اللى اعرفهم و اولهم اخواتى ..لانه كان صاحبهم ..و حفله يوم الجمعه فى الحديقه الصينيه ...ال
sos
اللى كانت برضه فيها شويه دربكه و بعزقه ...و محاوله ارضاء جميع الاطراف اللى هما ما يعرفوش بعض اصلا ..حاجات كتير ..و اخرها كتب كتاب اتنين اصحابنا النهاردة ..و غبائى ..لانى قولت لكل الفرقة ..و حفله وسط البلد الجامدة جدا اللى غنوا فيها اغانى كتير بحبها منها تسمحى لى بتانى رقصه ..اللى نفسى اسمعها من اكتر من سنه و اللى اسماء داخت وارها ..بلا امل ..دا غير عرض المايم النهاردة كمان ..و طبعا لا ننسى المشاورات و المناورات مع اهلى ..هى الناس بتتجوز ازاى؟؟ ..كلهم بيطلع عينهم فى المشاورات كدا ..و بعدين دا احنا لسه على البر جدا ..امال لما ندخل فى الغويط شويه ..هنعمل ايه ..قوينا يا ..و استرها
No comments:
Post a Comment