بجد انا بيتهيالى انى لو اشتغلت فى عرض زى دا ممكن اعتزل بعدها و عمرى ما ازعل ..عمرى ما لحمت باكتر من كدا!!!!!!بس فين؟؟

المنيل..مش هقول اجمل ايام حياتى ..بس اروق ايام حياتى ..اهدى ايام حياتى ..ابسط ايام حياتى ..كانت ايام وحيده ..بس هاديه ..مليانه حب و حنان و روقان و خروج و لعب و فسح و ترجع تانى سكون و هدوء و نوم و لعب لوحدى ..وقت العصارى ..البلكونه ..العصافير..الصبار..عجلتى ام 3 عجلات و الجيران اللى ما كنتش بعتقهم ..لا ولاد و لا بنات ..من كتر الوحده كنت بكلم كل الناس ..من الدور الخامس للعمارة اللى قدامنا ..و العماره اللى جنبنا ..و السداوى ..عمر .. فساتين باربى ..و لعبى ..العقد اللى عيطت عشان و شربت علقه محترمه من امى اول ما رجعت من السفر و صعبت عليها فى الاخر و جابته ..سباجتوه ..صف و صف ..هه...الغمراوى ..المصاصه الحمرا الكبيرة ..و القطه ..الشوكولاته اللى على شكل قوالب ..ميكى و ميمى و بطوط ..البيضه ان ربع جنبيه ..هه..عمتو ..و تيتا و جدو الله يرحمهم ..و فرن الامانه و الاخلاص ..هه..و الفطيرة ام جنيه وقتها ( غالبا )..و سوق الجمله و مشاوير الروضه ..و سهير الغوابى ..الله ..يسامحها او يرحمها ..بس انا عمرى ما سامحتها ...و مستشفى الندى القديمه ...و محمو د عبد الرحمن و القهوة المحوجه و المكسرات ..و مكتبه الهلباوى ..و ستوديو المنيل و بعديها فوتوماتون ..و الجوكر و موقف الروضه و الكساء الشعبى فى بنزايون زز او عمر افندى و الله ما فاكرة ..بس فاكره الجلبيه الكستور ..كانت بجد بتدفى و كنت بفرح بيها اكتر بكتير من الصوف الانجليزى اللى امى كانت بتجيبه من الخليج ..و طبعا هى كانت بتتغاط ..ودروس الفرنساوى فى الجيزة يوم الاحد و تمشيه الصبح على كوبرى عباس ..و تمشيه تيتا يوم الاحد على الكورنيش ..و نادى النيل ..و الهامبورجر بتاع نادى النيل ..كان اجمد هامبرجر ممكن تاكله وقتها ..ااه و سنافر سنافر هم هم برجر ..و عمر اللبنان المره دى ..و نفرتيتى و هدايا عيد الام ..و ام سيد و عبد الرسول و جامع صلاح الدين فى العيد ..و الست بتاعة الجرايد و البليله و الفول يوم الجمعه ..كانت ست طيبه قوى ..جمال و الخضار و فتحيه للفاكهه و بتاع الجاز اللى قصاد فتحيه ..نفسى اعرف كنا بنشترى منه ايه ..؟المنيل ..بتخيل لو كنت كملت حياتى هناك ..اكيد كنت هبقى البنى ادمه اللى كان بيدور عليها ..الهاديه ..الرقيقه ..صوت واطى ..و بتتكسف من خيالها احيانا ...حنينه ..بتكبر و مش بتعمل من الحبه قبه ..جواها سلام داخلى على الاقل مش بتتخانق مع دبان وشها ..اكيد هو مش هيفهم ان البنى ادمه اتولدت جوايا ..حسيت بيها و ابويا و امى قتلوها ..ابويا ..الله يكرمه بقى ...هو ما كانش قصده اكيد ..بس انا ارحم من اخواتى ..على الاقل عشت يجى 8 سنين فى الهنا ..هه..و كنت بحلم برجوع الحياه دى تانى ..كنت مستنيه اتجوز ..كان نفسى قوى اتجوز فى المنيل و عمرى ما تخيلت انى ممكن اتجوز فى بيتنا او حتى فى اى حته قريبه ..اصلا انا بحس ان كل المناطق اللى حوالينا رخمه كدا ..كان نفسى اسكن فى شارع جانبى هادى ..فيه بلكونه يقعد فيها فى الصيف ..مع تلجايه و كبايه سفن ..روقان و صوت عصافير و حاجه بتتسمع ..و القمر ...حته راقيه بس شعبيه ..كدا متحدده و ببدله و كرفاته ...المنيل ...وحشتنى تيتا قوى ..الله يرحمها

Walking through a dream
I see you
My light in darkness breathing hope of new life
Now I live through you and you through me
Enchanted
I pray in my heart that this dream never ends

I see me through your eyes
Living through life flying high
Your life shines the way into paradise
So I offer my life as a sacrifice
I live through your love

You teach me how to see
All that’s beautiful
My senses touch your world I never pictured
Now I give my hope to you
I surrender
I pray in my heart that this world never ends

I see me through your eyes
Living through life flying high
Your love shines the way into paradise
So I offer my life
I offer my love, for you

When my heart was never open
(and my spirit never free)
To the world that you have shown me
But my eyes could not division
All the colors of love and of life ever more
Evermore

(I see me through your eyes)
I see me through your eyes
(Living through life flying high)
Flying high

Your love shines the way into paradise
So I offer my life as a sacrifice
And live through your love
And live through your life
I see you
I see you

بكتشف مغنيين اول مرة اسمع عنهم ..محمد كمال ..صوته شبه محمد فؤاد قوى ..احضنى اغنيه حلوة قوى شفتها معموله على الفيس بوك كارتون ..للاسف مش لاقيتها على اليوتيوب ..فحطيت لينك الفيس بوك و فيديو من يوتيوب و طبعا الكلمات هه

http://www.facebook.com/video/video.php?v=208548289171&ref=nf

احضني نفسي اضمك.. نفسي اكمل عمري جنبك

قلبي سامع نبض قلبك.. هموت عليك

ياللي حبك صحى فيا .. كل حاجة حلوة فيا

قلبي روحي يانور عينيا.. انا كلي ليك

نفسي اغمض عيني واحلم .. ان ايدي بين ايديك

واما افتح عيني القى .. احلى نظرة من عينيك

ياللي وصفك مستحيل .. كل حاجة لقيتها فيك

قلبي قاللك انك انت .. حتة منه وروحه فيك

لو تغيب عن عينه ثانية .. هو بس يحس بيك

حتى وانت جنب منه .. يحضنك من الخوف عليك

هو انا لو قلت انى شايفه ان افاتار فيلم عادى ..فيها حاجه دى؟؟انا نمت اكتر من نص الفيلم !! رغم ان الناس كانت بتقول فيه اشعار !!هو انا اللى غريبه و لا الناس اللى بتبالغ؟؟؟

تفتكرى العصبيه ..الغيرة ..الحقد احيانا ..بيجوا من ضعف ولا من قوة ..من ظلم ؟؟ من قهر ..؟؟ البنى ادم المقهور هو اكتر واحد شرير و بيتمنى الشر للناس و انا خايفه اتحول لبنى ادمه شريره ..الله يسامحك!!

ــري لــربــي وهوّي ع طــول بيــخدلي حقّــي ومهمــا يطــول
ظلـــمك عــلى قلــبي بيــدعي انــــا لــربـــي عنـــي هواك يزول

امـــري لــربــي وهوّي ع طــول بيــخدلي حقّــي ومهمــا يطــول
ظلـــمك عــلى قلــبي بيــدعي انــــا لــربـــي عنـــي هواك يزول

انـــت القـــوي طــيــب يــا ظــلمــنــي
جرب ترتـــــاح باللــــيــل وتغــفـــــى
هـــوّي العلــيـــم
هــــوّي بــيــنصفني
ولا عنــّـو شــي بالدنيي بيخفى
عمري ما بيشكي لغير الله
هوّي لوجعي والمي دواه
انــــت ميـــنــــك انـــــت
انـــــت ولا حتـــى
نســـمة هوى بمداه

قــلــبــي بيســامح ما بينــسى
بـيـتــعــلم ومــش رح يقــسى
ويــكون بــقى بعــلــمك
مــا فــي حــدا بظــلمــك
ولا في الــك مرســـاه


انـــت القـــوي طــيــب يــا ظــلمــنــي
جرب ترتـــــاح باللــــيــل وتغــفـــــى
هـــوّي العلــيـــم
هــــوّي بــيــنصفني
ولا عنــّـو شــي بالدنيي بيخفى
عمري ما بيشكي لغير الله
هوّي لوجعي والمي دواه
انــــت ميـــنــــك انـــــت
انـــــت ولا حتـــى
نســـمة هوى بمدا

لو حد سالنى ايه اكتر احساس ممكن يهزنى بجد من جوا ..بجد ..بعد تركيز..و مش رض متسرع ..دمعه راجل ..على ست ..اى ست ..اخت ..ام ..حبيبه ..زوجه..او حتى بنت ..بس يعنى بنت مش بتهزنى قوى ..زى الباقيين ....طب لو كانوا راجلين؟؟ بموت ..بجد ..بتقطع من جوا..للحظه النهارده مسكت نفسى من العياط بجد ..كنت هنفجر..مشهد..تمثيل ..ما قدرتش امسك نفسى قدامه ..


اللهم رب السموات السبع ورب العرش العظيم كن لى جارا ..لا إله إلا أنت
الله اكبر الله اعز من خلقه جميعا الله اعز مما اخاف واحذر اعوذ بالله الذى لا إله إى هو.. الممسك السموات السبع ان يقعن على الارض إلا بإذنه اللهم انى استجير بك من هم احزننى و ظلم وقع على ..اللهم كن لى جارا من شرمن ظلمنى جل ثناؤك وعز جارك وتبارك اسمك ولا إله غيرك
اللهم منزل الكتاب سريع الحساب ..اللهم اكفنيهم بما شئت وكيف شئت إنك على كل شىء قدير
اللهم انت عضدى وانت نصيرى بك احول وبك اصول انى حسبى و نعم الوكيل ..حسبى الله ونعم الوكيل

معلش ما قدرتش امسك نفسى بجد !!و بتعجب و بستغرب ..ناس ما كنتش بفتكر انهم منى ..كنت فاكراهم بعاد عنى .. وقت مشاكلنا كنت بلاقيهم بقولى عنى اللى انا مش عارفه اقوله ..و بيقلوها بصوت عالى ..كانوا بيقولوا له كمان بصوت عالى و اتهامهم انه بيدافعوا عنى عشان انا قريبتهم ..و ما فهمش انهم فهمونى من غير ما اقول ..عشان هما كانوا بيبصوا لى من غير تعصب بجد ..و بيحاولوا يحلوا ..و عشان كدا كانوا بيحاولوا يفهموا ..و لانهم اكبر..و متجوزيين ...و فاهميين يعنى ايه ست ..ومش كرسى ولا نجفه ..ست..نص تانى....ريان كان من اكتر الناس اللى قابلتها فى حياتى فهم انا كنت بقول ايه .. و قالى كتير ..كلام كان بيحسسنى انى ماشيه صح ..ما هو فى حد فهم اهه..رينا راجل حافظ قران ..و زار بيت ربنا اكتر من مرة و ليه فى الدين بجد و ما كانش بيحامى ليا ..بالعكس ..دا خالوا كان بيتدايق منه كتير عشان كان بيحاول يصلح باستماته و فى اخر خناقه هو الوحيد اللى فضل واقف عايا و قالى عشان انت نيتك خير..و انا مش هقف فى شر..يعنى هو يفهمنى و اللى كنت فاكراه قريب منى قوى ..يطلع مش فاهمنى ؟؟؟ حاجه تخنق بجد ؟؟ مش كدا ..اللى تفتكره منك يطلع مش فاهمه و بيظلمك و الناس شايفاه بيظلمك بجد و بينصحوه او يحاولوا يفهموه ..يقول انهم بظلموه و هو مصمم ..يظلم ..!! سبحانك يا رب ..اكيد انت بتبين لى دا عشان خير ليا ..يا رب ..سامحنى ..و ساعدنى ..و ابعدنى لو كان فى بعدى خير ..مش عارفه انا دعيت الدعوه دى قبل كدا و لا لا..بس يا رب ..انت عارف نيتى بجد فى كل اللى بعمله دا ..انت الوحيد اللى عارف نيتى الخالص ..يا رب لو كنت هتأذى ..ابعدنى عنه يا رب..و خليك تفرق بينا زى كنت بتعمل..لو كان فعلا فيه شر ..ابعده و لو كان دا امتحان ..و تاكيد للنوايا ..و محنه و هتعدى زى ما فاكره ..قوينى و صبرنى و ادينى الثواب ..عشان انت اللى عارف نيتى ..و عارف انى قررت اتعامل فى اللاقه دى على انى بجاهد فى سبيل الله و ان بالنسبه لى البيت دا سبيلك و انا ماشه فيها بنيه الجهاد بجد و بتمنى تثبتنى و تقوينى ..عشان انا بجاهد نفسى اقبل ما بجاهد المجتمع و هو معاهم للاسف!!..عارفه ان فى ناس حياتها سهله ..بس انا اعتبرت ان كل انسان ليه امتحان و ان دا امتحانى و ما كنتش عايزة اسقط و بحاول اتصلح و اراجع نفسى و ابص ..عشان اوصل ..بس بجد صعب قوى معاه ..الامتحان صعب قوى عليا ..قوينى يا رب..و لو فيه شر ابعده ..بحق دعواتى و دموعى فى بيتك و حوالين حرمك ..ساعدنى احقق نيتى ..و لو هخسر نيتى ..فساعدنى احافظ عليها ..و ابعدنى عنه

الفيلم دا طلع عينى عشان اشوفه ..من مدينه نصر..لنايل سيتى ..للهرم ..و كل ما اروح سينما يا يطلع اتشال ..يا يطلع بيتعرض الضهر ..يا يطلع مفيش غيرى ناوى يدخله و يلغوا الحفله ..هه. فى الاخر شالوه و ماشفتوش ..كانها كانت مؤامرة ضدى ..و بصراحه التتر لاقيته بالصدفه النهارده ..و خلانى افتكرت ..انى لسه نفسى اشوفه

يا الله ..ليه كدا بس..بسمع شريط اليسا الجديد..3 اغانى لحد دلوقتى بيوجعوا ..و اللى شغاله ..بتوجع قوى ..قاعده فى صالون بيتنا ..قارعه الطريق..بس مش قادره امسك نفسى ..الدموع تنهال ..هه..و اهلى فى كل مكان ..الله ...هو صحيح انت ما تعرفش ليه؟؟هقول سر..فى اسرار كتير عندى ما حدش يعرفها غيرى ..اه و الله فى ..انا فعلا عندى اسرار ..ما قلتهاش لحد ..و دا سر منها ..لما بنبقى مع ..مع زمان بخاف ابص له ..و دلقوتى بقيت بخاف اكتر ..بجد..لانى لما كنت ببص له ببقى عايزة افضل ابص له و بس ..مش اكتر و لا اقل ..زمان كان ممكن ..بس محرج ..دلوقتى بقى ..حرام ..انا بستخدم كلمه حرام دى جوايا كتير قوى ..قوى ..بقت متعبه ..خسرتنى حاجات حلوه كتير ؟؟بغباء ..لانها ما كانتش حرام ..حصل ..بغباء ...مخنوقه قوى ..ما هو مش هقول لو الزمان يرجع ..لانه مش هيرجع و لانى مش من اللى بيفكروا فى اللى ممكن يحصل لو رجع ..بس انا اللى بيخنقنى قوى ..ان الزمان لسه فى ادينا و ناس رافضه انها تعوض اللى خسرته ..و بتتمنى انه يرجع ..رغم اننا لسه عايشيين ..و ممكن نصلح اللى فات ..ليه نتمنى نرجع الزمان و لسه قدامنا فرص و عمر تانى ..يعنى اللى فات مش هيصلح حاجه ..بس اللى جاى لسه كتير!!..يا رب ساعدنى

بكره اجازة و بعده اجازة ..و مفيش مسرح ..شطبنا ..اتمنى ان الاجازة دى ما تكنش زى اخواتها و احاول ابطل مئابه بقى ..انا اتخنقت من النكد و و الله انا مش بحبه ..بجد ..بس الجو العامل بيزقنى ليه ..النهارده كان عيد ميلاد بنت صاحبتى الاول ..رحت متاخرة كالعاده ....و كعيت مبلغ محترم للتاكسى ..ما يقرب من يوميتى ..يعنى النهارده دفعت تاكسيات باكتر من مرتبى فى اليوم ..حاجه تحرق الدم ..يعنى اشتغل و يطلع عينى ..كل دا عشان فى الاخر ادفع كل اللى بيجى لى فى التنقالات ..من الاخر بشتغل ..و اجيب فلوس عشان اروح الشغل و استلف عشان اعيش!! دا منطق ؟؟بنت صاحبتى جامده جدا؟؟ربنا يخليها ..بسم الله ما شاء الله ... بيتهيالى انى لو بقى عندى بنت زيها ..ممكن ابيع الدنيا كلها عشان بس ضحكه منها ..بجد ما كنتش عايزة اروح ..كنت بس عايزة اتفرج عليها ..و لو اخدتها فى حضنى و نامت ..كان ممكن اطير من الفرح بجد ..من صغرى بعشق الاطفال..كنت و انا فى اولى اعداى ..ادينى اصعب بيبى انيمه فى 10 دقايق ..بجد اقرايبى كانوا بيستغربوا انا بعمل لهم ايه.. للاسف دلوقتى من كتر حبى ليهم ..بقيت بخاف منهم ..بخاف اتعلق بيهم و عمرىما يكون عندى اطفال..ربنا ليه حكمه فى كل شئ و انا راضيه بحكمته ..بس بحبهم !!؟

منبقاش فى وقت اعمل اى حاجه ..الشغل دل لعنه.. و قعدت البيت لعنات كتير..يعنى الشغله ارحم ..حساه انى بتفرم فى الطاحونه ..نفسى ارجع ايم الجامعه تانى او على الاقل ايام المنحه ..قبل المفرمه ..المذاكره اللى كنا بنهرب منها دى طلعت نعمه ..لو ينفع ارجع اذاكر تانى ..بس يا خسارة ..مفيش وقت بجد ..حتى افتح كتاب ..حاسه ان دماغى وقفت عن التفكير..و ما بقتش عارفه اكتب ..رغم ان جوايا حاجات كتير ..اليومين اللى فاتوا شفت حاجات جديده و ناس جديده ..و مشاكل جديده ..عدى عليا يوم ..كان وحش قوى ..عيطت عياط عمرى ما عيطته قدام حد ..بجد..كل ما بفتكره بتدايق..انا تقريبا انهرت فى الكواليس..اه من الكواليس ..المسرحي خلصت بسرعه ..قوى ..سنتين عشان 15 يوم ..و الفنان المحترم يقولنا انتوا ضيوف على المسرح و الضيف ما بيتامرش..سنتين طلع عنينا بروفات فاكسه و احلام وهميه و فى الاخر طلعونا ضيوف ..يا خساره العمر اللى بيروح هدر..انا بقيت عامله زى الطفل اللقط..اللى حتى مش لاقى ملجأ يلمه ..حاسه بكدا قوى ..كان نفسى الاقى بنى ادمه يستوعبنى و استوعبه ..واضح انى بحلم ..الرجاله بقت خلقها ديق و مش فاضيه وراها بلاوى و مشاكل و لو مفيش وراهم جيمز .. بس مش فاضيين يوجعوا دماغهم بمشاكل امثالى ..ما حدش بقى فاضى لحد..لا جوا البيت ولا براه ..هما حبه تمثيل فى اول كل علاقه و بعدها .. قول للزمان ارجع يا زمان ..الله يسامحك ياللى فى بالى

بتعدي في حته .. انا قلبي بيتكسر مية حته
افضل في مكاني .. انشاالله لسته الصبح بفكر فيه
تقابلني في سكه قصادي تفوت .. ببقى انا على تكه ومش مضبوط
حد يقولي اعمل ايه .. يحكمني عليه
ليه يا حبيبي من يوم ما قابلتك .. وانت في كوم والدنيا في كوم
ليه عمري اللي فات والماضي قبلك .. كان فاضي ومالوش ولا اي لزوم
عملتلي إيه يوصلني للي انا فيه .. الله يجازيك
لا في بينا لا عشره ولا معرفه .. وابصم بـالعشره
خلاص بـالشفا انا من دلوقتي ورايح .. مجنون بيك
هافضل ورا منك .. الف وادور
انشاالله ان روحت لمية دكتور .. يا حبيبي دوايا ان انا استنى عينك
ليه يا حبيبي من يوم ما قابلتك .. وانت في كوم والدنيا في كوم
ليه عمري اللي فات والماضي قبلك .. كان فاضي ومالوش ولا اي لزوم
عملتلي إيه يوصلني للي انا فيه .. الله يجازيك

المصدر : http://100fm6.com/vb/showthread.php?t=64490 - 100fm6.com