أحياناً بنكون أسيين أوي على ناس بنحبهم من غير ما نقصد دة فعلاً ، و لما بنعمل كدة بنحس اننا مكسوفين من نفسنا بجد ورغم كدة ممكن برد ما نعملش حاجة ليه باءة؟ عشان احنا فعلاً بنبأة قاصدين إلي قلناه ... حاسينه ... بس دة بيكون غالباً شعور إنفعالي ... رد فعل لحاجة ضيقتنا بجد ... لكن بيبقى جوانا عند ...أنا مش عايزة أجرحهم بس كمان مش قادرة أكذب عليهم ولا قادرة أعمل كونترول على نفسي وما قلش أنا حاسة بإيه .... زعلانة لأني لما ببقى كدة لساني بيحدف دبش وحجارة من اللي بنوا بيها الهرم!!عارفة انها بتوجع وبتوجعهم وبتوجعني أوي عشان بحدفها على ناس بحبهم بجد !!
"شر لابد منه" ... كلمة بنقولها كتير أوي .... الشغل شر لابد منه والزحمة كمان وطبعاً أغلب الناس بتقولها أصلاً على الجواز و خصوصاً الرجالة!!
هي بالنسبة لي كنت قذيفة ... نقدر نقول نيران صديقة!!
اللي ضايقني بجد في الكلمة اني اكتشفت اني كنت موافقة اني أكون مجرد شر لابد منه .. كنت هاكون راضية بدا لنفسي وموافقة كمان!!حاجة تضايق؟ انك تحس انك كنت هترضة انك تحس انك طول الوقت مرفوض ... هتقبلها على نفسك بس غيرك ما قبلش!!
بجد ما كنتش عايزة أرمي دبش ربنا عارف .. المفروض اننا منرميش دبش حتى لو حاسينة عشان لو احنا موجوعين دة ما يدناش الحق نوجع ناس تانيين ملهمش ذنب وكمان المفروض اننا بنحبهم !!