كان كومنت ؟؟ انا ماليش طبعا فى الاغانى الانجليزى اصلا ..بسس
لا شئ..و كل شئ..حاسه بالاشئ و حاسه بحاجات كتير ..بسس
مش فاهمه ..و مش عارفه ليه انا كدا ؟؟..ليه بعمل كدا ؟؟....بسس
همم..و بعدين؟؟اوقات بنعمل حاجات و بنمشى فى طرق و احنا متاكدين اننا غلط و عارفين ان اللى بنعمله دا غلط و عارفين اننا كدا هنخسر ناس بنحبهم ..بسس!؟؟
اوقات بيبقى الرجوع صعب و كل لحظه بتفصلنا ..بتبعدنا كتير قوى ..و بنبقى عارفين و بنختار
ناصر قالى جمله بترن دايما فى ودانى ...و قالولى فى المعهد ..نفس المعنى ..قالوا لى "انت اللى اخترتى ..ما تزعليش من اختيارك "صح ..المفروض اننا لما بنختار ..ما نزعلش ..لاننا اللى اختارنا
دايما مقتنعه ..ان الضربه اللى ما بتكسرنيش ..اكيد بتأوينى و اننا بنتعلم ..كل يوم ..بنتعلم ..بكره ادافع عن نفسى او ابرر تصرفاتى ..رغم انه سهل قوى ..بكره انى ابقى فاهمه و اتظاهر بالغباء ..و بكره اكتر انى ابقى مش فاهمه و افتكر انى فاهمه ..بكرة جاى ..اكيد هيجى ..ولو ما جاش ..دا هيبقى معناه اننا هنبقى فى عالم تانى ...فى برضه بكره ..بتاعه
بحب الفيلم دا ..بحب عقده ..هاا و بحب احمد عز ..رغم انى عارفه ان ناس كتير بتكرهه ..همم ..طبق الندى ..هاا جامد طبق الندى دا ..و اشرف عبد الباقى اجمد كتيييير طبعا ..حكاياااااااات ..حكايات تتحكى و تخلص و كل حكايه نبقى فاكرين ان عمرها ما هتخلص؟؟ ما كنتش بحب احلم ..فجاة بقيت بحلم و احلامى سهله تتحقق..بقيت بشوفها ..سهله ..رغم انها مش سهله و بعدين ؟؟ بعدين هى احلام ..مش هتخرج من بند الاحلام و دا درس جديد ..لو بطلنا نحلم ..هنبقى احسن كتير ..عشان لما بنحلم ..ممكن نصدق الحلم و ساعتها ..هتبقى مشكله ..لانه فى الاخر حلم ..بكره من ضمن اللى بكرهه انى ما احسش بالثقه من اللى قدامى ..بانى احس انه مش مصدقنى ..عمرى ما بدافع عنى ..قليل قوى ...و مش لمده طويله ..بتخنق ..بمشى ..انا بخاف ..كلنا بنخاف ..و كلنا ما بنحبش ندافع ..كلنا بنكره الكلام الكتير ..فى حاجات بتتحس ..لو ما اتحستش ..تبقى مش موجوده اصلا و هى كمان احلام او اوهام بقى ..و يبقى الكلام فيها ما لوش معنى ...حتى الكلام دا دفاع؟؟لا مش محتاجه افهم اى حد حاجه ..واضح ان نفسى بقى قصير قوى ..بسسس ..اصل اهم حاجه البنى ادمين ..طب هما فين من بعض؟؟؟ بيعرفوا يفهموا بعض..بيحسوا ييعض..و اهم حاجه الثقه ..لو مهزوزة ؟؟
مش هسمح لاى حد فى حياتى سد خانه و لا هسمح ان حد يفتكر انى ...ظريفه و الله و عايزة اعيش و خلصت ..لانى ببساطه مجنونه و ما بيفرقش معايا الناس ..على قد ما بيفرقوا معايا قوى ..بس البنى ادمين بتعيش مع بعض ..و الناس اخرهم ..يوم ما البنى ادمين بتااخر ..الساعه 1 او 2 بالليل و شكرا ..لكن اللى هيفضل اخر الليل ...مش كتير
No comments:
Post a Comment