فى بلد الدونت ميكس اللى مضروب فى كل حاجه و عكسها اتولدت و ترعرت و اكيد النتاج الطبيعى لتربيه ام الدنيا ام شايله على راسها هم الدنيا....بما انى ابتديت رحله شكلها هتمتد لسنين ...للبحث عن وظيفه مناسبه بمرتب كبير يقدر يسدد الديون و يربى الميمون اللى هو ابننا الصغنون ....فلقد قررت و انا فى كامل قوايا العقليه انى مش هسيب شغلانه معديه فى اى بقعه من بقع الكره الارضيه الا لما هقدم فيها ....جايز فى حد يرضى عليا و تحصل المفجاه و يشغلونى!
الحكايه على فكره ليها جروز تمتد لاكتر من 18 سنه و لسه مكملين هيع هيع هيع هأاااا
الفصل الاول :ارهاصاف الطفول و الصبى
الفصل التانى : عك المراهقه
الفصل التالت:تخاريف الجامعه و ما بعدها
الفصل الرابع : عته ما بعد ال 30 !!!
الفصل الخامس : احنا ولاد ماما امريكا
الفصل السادس : بدايه الرحله
الفصل السابع : نهاية الرحله قبل ما تبتدى!!
الفصل التامن : رايحه بينا على فين يا مصر
الفصل التاسع : خيرها فى غيرها
الفصل العاشر : ماذا بعد؟
هحاول افكر نفسى انى لازم اكتب الحاجات دى و اتمنى اننا نكمل رحلتنا مع بعض على خير
و اكيد للحديث بقيه مدام فى العمر بقيه ان شاء الله :)
Thursday, May 14, 2015
رحلة البحث عن عمل من بلاد الناقه و الجمل الى بلاد الفرنجه
Friday, May 1, 2015
Wednesday, April 22, 2015
تخاريف بدايه الصيف
و الله يا زمن :) هى ملطشه من فتره و ما بكتبش لاسباب كتير ..ابسطها ان الفيس بوك اخد كل الوقت ..و كمان معنديش نت على الموبايل قال ايه بوفر ..رغم انى بدفع كل شهر فاتوره نت ل يو اس ب ما اعرفش اصلا هى فين من 6 شهور! الكسل وحش :)
انا بقالى كام سنه مش لاقيه حاجه اكتبها بجد ... من ايام ما كنت بتخانق مع زياد على تفاصيل كتبتها هنا و انا قفلت من الكتابه ..رغم انه شجعنى كذا مره ..بس انا فى حاجه جوايا اتكسرت من سنين و مش عارفه ايه هى و لا اصلحها ازاى ...بقيت بحس انى فاضيه من جوه! تجيلوا ...انا بكل ما فيا من تعقيدات فاضيه ...ازاى يعنى!!
Subscribe to:
Posts (Atom)