هاا ..النهاردة التلات ...تلات يعنى يوم مهم جدا ..يوم تاريخى ..لقاء العمالقه ..امبارح كان لقاء القمه ..اهلى و زمالك و النهارده لقاء قمة اهم .. اهلى و اهلى ...هاا ..الحمد لله عدت على خير و افضل مما كنت اتخيل ..اصلى كنت هموت من الرعب من لقائى الاول بطنط .. و اللوزة اللى ما كنتش عارفه هعرف اكسرها و لا لاء ..بكتب دلوقتى و انا بتكلم مع صديقة الطفولة ..اللى كنت بايعاها اليومين اللى فاتوا ..بس من كتر ما كنت مبسوطه ..نفسى اكلم كل البشر ..اقول لكل الناس ... هااا ... اول مرة فى حياتى ابقى شايفه كل حاجه ..شايفانا قدام بسهوله و عندى يقين ان دا اللى المفروض .. اجزاكت ماتش بجد ... يا الله .. كنا فين ..و بقينا فين وازاى ..بجد كل حاجه بميعاد و كل حاجه ليها حكمه ... و بميعاد ..
مش عارفه هبطل السربعه دى امتى ؟؟هتفرق امتى الدبل قبل الامتحان و لا بعده .. مش خلاص ..الناس عرفوا بعض ..و الناس كويسين مع بعض ..و خلاص .. و الاهم الخطوات اللى بعد الدبل يا فندم ..يا هبله .. هاا ..مبسوطه قوى قوى قوى و اللى باسطنى قوى ان اهلى مبسوطين لاول مرة ..و بابا معانا قوى ..غريبه ...ما كنتش متوقعه ..بابا بيوصينى عليه قوى و عمال ..ما تخليهوش يصرف ..لازم تراعى شعورة ..لازم تحافظى عليه .. تراعيه و تراعى مشاعرة و تحافظى عليه فى عدم وجوده ..و تخليكى مع اهله ..ما تخوفيهمش منك ..كنت مبسوطه قوى و احنا قاعدين جنب بعض النهارده و بنتناقش فى اللى بيقولوه و بنقول رأينا ..و احنا فاهمين بنتكلم فى ايه ..مش خايفه منه و لامنا ..يا رب يكرمنا و يحفظنا ..اول مرة فى حياتى اخاف من الحسد ..هاا .. بجد .. ربنا يكرمنا و يبارك فينا و لينا ..يا رب ..
حاسه انى بقول كلام اهبل .. بس مش عارفه اكتب ايه ..فالحه بس اكتب لما ابقى مخنوقه ؟؟حاسه بثقه غريبه ..ثقه فى نفسى و فيه و فينا و فى اللى حوالينا و فى بكرة ..حاسه انى عارفه احنا رايحين فين و شايفاه ..رغم انى طول عمرى بسيبها و رغم ان اللى يبص يفتكر اننا سايبيناها ..بس انا حاسه اننا عارفين رايحين فين و شايفينه و متفقين من غير ما نتفق ..و ثقتنا فى ربنا و يقينا فى انه معانا كبيرة ..هاا ..بابا الجديد جامد جدا ..بس يا رب يستحمل شقاوة بنته ...لانها شيطانه ...و يا رب بنته تهدى شوية و تكبر و تدخل المدرسه

اجمد حاجه النهاردة بقى .. الساليزون .. كان جامد جداااااااااااااااااااااااااااااااااااااااااااااا